Sam 126:4 - Nobonob Baibel

⁴ O Yawe, na ihinig danab ah baula itadkkutnu oɗ medattem. Na oot mekkan, gu ne, Negeb appa le am le ibuppa baula dayaya gotte, amubia na ig itigkkutnu oonig daye oɗ medattem.

Sam 126:4 Referans Kwoze

Sam 85:4

O Kayak, na Padal ii maknu ehanittak ihinig daattem. Na eɗun aigppe, ig na guguittak daagnignu oɗ medattem. Ao, na ihinignu baula oppoɗin bemanu unuqidttem.

Hosea 1:11

Anam dayeb, geha Juda, Israel danab ah ele ag laippu tamanin, ikki danab laippu waappa daan, ag diia ukka, laih me dayakppanu eɗun uɗin, tamanin daaglag. Deɗ amuam geha deɗ naɗinab daakku. Deɗ amunu amu, ag geha, ‘Jesrilnu deɗ,’ akkulag. Aɗinu? Deɗ amuppa, Kayak nug geha danab ah nuhikkud baula nuhig wanppa maatteb daaglag,” awa aum.

Aisaia 43:19

Antteg! Da keeke bau hettem. Keeke amuam geha iikku bekkun daatte. Ag iite anidtteb? Da atu taɗakppa ib laa madakkul. Ao, da wan meu waknu nakokib elele, da appa le hadappi gokkulag.

Aisaia 41:18

Da qauko attan, appa ad keeke ii daatte amu, da appa heppi, le noa gokku. Ao, oolnu noakppa da heppi, le qeppuɗia bak kuɗum daakku. Da heppi, atu taɗakppa le gottu kuɗum daaglag. Ao, atu taɗakppa, wan huana qaɗaiedatte, aben amuppa da heppi, le qeppuɗia bak kuɗum daakku.

Aisaia 35:6

Danab ag baelag laih nauhak ele, ag tappan gonana, oolna tena oolna nenana, ahi ele goɗappeg, danab ah ag oɗelag qamutak ag geha nai mattinna, oo gamag ahak okkai doon, ewak okkai hekkulag. Yawe heeb, wan meu waknu nakokib elele, appa le okkai huanak daakku. Ao, atu taɗak, appa lenag kuɗum daaglag.

Sam 126:1

Haen Yawe nug he, diia ukka laih me dayak danab ah ig, ig eɗut Sion gota amu, ig am tul niiak enanag laa anidmut bia daamut!

Jeremaia 29:14

Ge, ag da anam mattiɗnana, ag da aniɗkkulag. Ag da anam aniɗppeg, da omaladppi, ag wan laa, appan danab ag aɗualatteg, ag ag eppelagppa daatteb amu, da appanu omaladppi, ag eɗun uɗin, wan imuppa daaglag. Da ag wanppan wan oh, da hei, ag gona appa daatteb, da appanu qagmaatten omaladppi, ag wan atu oh, da hei, ag gona diia ukka laih me dayak danab ah daatteb amu, ag appanu eɗun uɗin, iguppa daaglag,” awa atte.

Jeremaia 30:3

Aɗinu? Haen laa dimppa da heppi, Israel danab ah, Juda danab ah ele ag wan laalappa gona, appa diia ukka laih me dayak danab ah daatteb, ⌊daaglag ele amu,⌋ ag appanu eɗun uɗin, wan imu, da ag mamelkad aɗi, ahilag daakkunu mattami amu, ag imuppa daaglag,” awa atte.