Sam 126:2 - Nobonob Baibel

² Ig gamag ahak okkai doot, imamut. Ao, ig gamag ahak doot, ahi ettamut. Wan imuppan wan anen anen appa ag appig. “Yawe Nug keeke okkai ahilagnu heum.”

Sam 126:2 Referans Kwoze

Job 8:21

Kayak Nug anam hette amunu, ⌊na oot eɗueb,⌋ Nug heeb, na gamag ahak naɗinab doon imakkut. Ao, Nug heeb, na baat okkaippa gamag ahak ele ekkut.

Aisaia 35:10

Ao, danab ah Yawe Nug ehanatte, ag qagaiettakppa ii daatteb ele, ag eɗun uɗiglag. Ag eɗun uɗin, gamag ahak, amu maɗoɗppan gamag ahak ele Sion tena, hanhan oo gamag ahak amu doon daaglag. Oo gamag ahak amu ahilagppa ambak dayebeb, uugnu oo doyak, oo uug mettak ele amu, ahilagppa nakok laa iinab daama.

Sam 71:19

O Kayak, nahip genab tutukku hak am attannab daatte. Na, laa iitta, na keeke okkai okkai kuɗum heme. Auntai laa nug na bia ii daatte. Laa iitta.

Jeremaia 33:11

ag gamag ahak okkai doon oiglag. Danab ah ele ag ewau matulak aonna, ag gamag ahak doon oiglag. Danab ag Yawe laugppa daan, ena heme anaknu ofa hekkulag. Ag doɗ amu main, Yawe mettanna, ag inam akkulag. ‘Yawe Nug am enaib. Ao, nuhig oo mauhaknab kobol ii iitta mette. Anam amunu, ig Yawe Nukka Ɠagattag Oh Ele, ig Nug amegppa “Ena hen mekkame,” aot atu!’ Ag anam akkulag. Ag anam akkulagnu diig am, da heppi, ag ahilag wanppa enaib daaglag.” Yawe Nug anam awa atte.

Sam 53:6

Da Kayak, Nug Sion Qaukoppa daatte amu, da Nug nuhikkud danab ah, Israel, Nug ag ehanatteb, ag padal ii memananu ool naɗi daatte! Ao, Kayak Nug nuhikkud danab ah, Jakop buɗuppud, Nug ag ehanatteb, ag eɗun ena daanna, ag gamag ahak doyeg! Ge, Israel danab ah ag gamag aheg!

Nehemaia 6:16

Ihinig Kayak ehanikke, ig aɗnu uɗat heut, gogppa teum. Kayak he, gogppa teum amunu, ihinkad kekeɗ, ag wanppan wan laala Juda wan talilidna daatteb, appan danab ah amu, ag amu doon, ag baɗan, akka ahilagnu elele iitta dooppig.

Rom 11:15

Am genab, Israel dilag na qakppa wan atu ohppan danab ag Kayak ele oolag laippu daaglagnu elele daatteb amunu, dimppa Israel ag oolag eɗueb, Kayak Nug ag eɗua diieb, keeke enanagnab bekku. Amuam mauhakppanu eɗua hibaittak.

Sam 51:14

O Kayak, da padal mepanu ehanittak am naib. Da am eheɗ nau hemi amunu, na heppe, da mauhkkulnu elele, amge O Kayak na heppe, da ii mauhpa, da bau daakkulnu unuqidttem. Na anam hekkut amu, da gamag ahak okkai doyen, da nahip genab tutukku hak kobolnu ahi edakkul.

Sam 14:7

Da Yawe, Nug Sion Qaukoppa daatte amu, da Nug nuhikkud danab ah, Israel, Nug ag ehanatteb, ag padal ii memananu ool naɗi daatte! Ao, Yawe Nug nuhikkud danab ah, Jakop buɗuppud, Nug ag ehanatteb, ag eɗun ena daanna, ag gamalag ahaɗ! Ge, Israel danab ah ag gamag aheg!

Esra 3:11

Ag tena daan, ag Yawenu binag maknu ahi laa ettanna, ahi amunu eɗua ettaknu nai-kores imu baubau edappig. “Yawe Nug enaib dayaya, enaib hette. Israelnu amu, nuhig oo mauhaknab kobol hanhan alet daatte.” Lewi buɗubppan mana mettak danab, Lewi buɗubppan mana mettak danab iitta ele, ag anam heeg, Israel danab ah laa oh ag Yawe laug ukkunu men meeg ukke, mena malappig anidppig amunu, ag Yawe binag mekkulagnu ewak baag okkai, huanak laippu heppig.

Namba 23:23

Emaɗ hak laa Jakop buɗub qeeb nekkunu elele iitta. Ao, eman laa Israel danab ah aqakkunu elele iitta. Danab ah laa ag Yawe Nug Jakop buɗub, am Israel danab ah ele amu, Nug amu dilagppa hette anidna, ag akkulag. ‘Kayak heum umu antteg!’ aon akkulag.

Aisaia 51:11

Anam amu, danab ah Yawe Nug ehanatte, ag qagaiettakppa ii daatteb ele, ag eɗun uɗiglag. Ag eɗun uɗin, gamag ahak, amu maɗoɗppan gamag ahak ele Sion tena, hanhan oo gamag ahak amu doon daaglag. Oo gamag ahak amu ahilagppa ambak dayebeb, uugnu oo doyak, oo uug mettak ele amu, ahilagppa nakok laa iinab daama.

Jeremaia 31:7

Yawe Nug ⌊ag Israel ehanatteb, ena daaglag amunu,⌋ Nug inam atte. “Ag Israel, ag oo gamag ahak doon ahi etteg! Ao, ag wanppan wan oh oolagppan wan laa anuqak daatte, ag ⌊Yawe ag ehanattomnu gamag ahak doon,⌋ huana eig! Ge, ag Yawe binag humappeg, laa ag, ag doyatteg! Ag ‘O Yawe, na nahipad danab ah, ag oɗo yaak daatteb amu, na ag padal memananu ehanadkkutnu oɗ medattem,’ aon aig!

Esekiel 36:36

Anam bekku amu, anam ba dayeb, haen amuppa wan laala, kekeɗ ag heeg ii iitta meum, ag taliliadna daaglag amu, wan amuppan danab ag da Yawe, da aab keeke, laa ag heeg nauhppig amu, da keeke amu bappaidmi, aben laa ag heeg, hele-ettak daappig amu, appa da keeke eppami dooglag. Da Yawe, da anam hekkulnu ain malami amunu, da anamib hekkul,” awa atte.