Sam 125:3 - Nobonob Baibel

³ Anam amunu, nau hak danab ag genab tutukku hak danab iinab hanhan gumadmana. Ag anam helob amu, genab tutukku hak danab ag eɗun, nau helobtai.

Sam 125:3 Referans Kwoze

Prowerb 22:8

Laa nug nau hette amu, nug uug anidkku; nug oppoɗi beebe, laa guittak madakkunu hette amu, Yawe Nug heeb, nug amu hekkunu elele iitta daakku.

Sam 89:22

Nuhig kekeɗ laa nug ii eɗidma. Ao, nau hak danab laa nug wagai ma, ii eɗidma.

Revelesen 2:10

Nakok laa ele ag Smerna, ag uug baula maoglag, amge ag keeke amunu aib baɗappig. Doyeg! Ag Smerna daatteb, ag ahilag ooppa genab doyak am genab, o genab iitta doyaknu, ag ma anttak aoglag. Amuam Satan nug heeb, ahilkad kekeɗ ag oolagppanu laala maniguittakppa maadkkulag. Laa amu, ag deɗ 10 ag Smerna eheɗ hattaglag. Na oo metta ii uuak kobol dim lamidna, ootppa genab doyak ɠagattag aɗappe ukkeb, haen na mauhttem, amuppa amu da na bauklel hanhannu medakkul.

1 Korint 10:13

Eheɗ haknu eeɗak laanab ag beɗulagppa ii bette. Iitta. Danab oh aotteb amuib. Amu Kayak Nug hanhan ehanigkkunu oo metta ii uuak kobol dim lamidtte amu, Nug eheɗ haknu eeɗak haenppa ele ehanigkku. Eheɗ haknu eeɗak amu na eɗidmanu Kayak Nug na ehanitta, eheɗ haknu eeɗak okkainab, na eɗidkkunu elele, amu bemanu amu Nug aib akku. Ge! Haen na eheɗ haknu eeɗak aottem ele amu, haen amunab Nug na eheɗ haknu eeɗak waappa daamnanu ɠagattag medakku, amu amuppa Nug eeɗak amu eɗidkkunu ib medakku.

Aisaia 27:8

Nug heeb, Israel ag guittak aoglag, amge ag nauhna autnanab ii aomna. Nug heeb, kekeɗ ag uɗin, Israel eɗadna, diin gona maadppeg, Israel ag diia ukka laih me dayak danab ah wan laappa daaglag. Ge! Nug heeb, kaɗag ɠagattagnab uɗia, ad uɗug keeke iwale gotte, amubia Israel ag wan laappa maniguittak bia anam gona daaglag.

1 Samuel 24:10

Gemu, geha iikku na wan oɗeppa dayeye, Yawe Nug na da eppelppa meum amu, na gemu na amenppanab keeke amu aakku anidttem. Laa ag da na nidappi mauhkkutnu appig, amge da uumi. Da uumi amunu, na ii mauhme. Da anam heinne amu, da inam ami. ‘Yawe Nug dahil naɗi nug king daakkunu goɗen gokkaɗakppa tituanom amunu, da nug heppi nauhkkunu, da keeke eheɗ laa da eppelppa ii hepa. Iittanab!’ Da anam ami.

Aisaia 10:5

Amu Kayak Nug atte. “Asiria danab ah dilagnu am gadonnab gadon. Gemu Asiria nug da eppelppa bu aɗak bia da aɗai dayeye, danab ah ag da oo nauhak meɗatteb amu, da amuppa ag uug matte, eheɗnab mataɗadttem. Ao, Asiria nug da eppelppa daɗib bia da aɗai dayeye, da danab ah dilagnu oppoɗi bak huanak doyeye, amuppa bu madattem.

Sam 103:9

Nug nai elele ha, malatte; tuɗid ii hette. Nuhig oo nauhak amu haen elab ii daatte.

Sam 103:14

Aɗinu? Nug ig bodoettak ihinig attemu amu dootte. Ao, laa am Nug dootte, ig am gappud aakkuib.

Sam 55:20

⌊Da layal, nuhignu amu,⌋ nug laikkud banelag gotte. Nug aɗi hekkunu layag ele nug tituana nai qakkakppa aum amu, nug amunu hamu bia doya, tippala, ii hette.