Sam 124:7 - Nobonob Baibel

⁷ Nug ehanikke, ig am ai laa uhuippa notte, amge eɗua giɗo antta, ba gotte bia daattem. Ao, Yawe Nug pelem amu loppaɗe, ig ena daattem!

Sam 124:7 Referans Kwoze

Sam 91:3

Aɗinu? Yawe Nug nahip guppiɗ dayeb amu, Nug pelem mak ohppanu, amu oɗe nau digdigppan ele ehanitteb, amuppa na padal ii memana.

Prowerb 6:5

Doɗ gasel nug hikan danab antta, nug oola, huana qaietta ukke, hikan danab ii qette, na amubia he! O iitta, na ai nug danab uhui meeme antta, nug oola, hagagɗa gotte, amubia na nahip mudippan laippu eppegppanu ahan, oolna ukke!

2 Timoti 2:26

Anukka Satan danab amu ag nug dim lamidkkulagnu nuhig aɗppa maattom, amge Kayak Nug heeb, ag oolag eɗueb, ag nai genab doona, ag kobol ena ele doona amu, ag baula nuhig aɗppa ii daamna.

Sam 25:15

Yawe Nug geha da, dahil kekeɗ ag pelem meppigppa nopanu atognoiɗkku amunu, da hanhan Nugib ehaniɗkkunu neekkitten daakkul.

1 Samuel 25:29

Na am naɗi dahil, amu danab laa nug na gumitta doa, nug na nidakkunu hekkutai, amge Yawe, nahip Kayak, Nug geha na danab laa nug nuhig keeke ena ena atognotte bia atognoitteb, na ii mauhmana. Yawe Nug geha nahipnu anam hekku, amge geha Nug nahip kekeɗ amu aqeb, iitta mekkulag; danab nug men ketapolppa ma, e gotte bia, anamib Yawe Nug geha nahip kekeɗ geɗatteb, gona iitta mekkulag.

Jeremaia 18:22

Danab amu ag da awiɗkkulagnu pelem heppig. Ao, ag da pelem ahilagppa tekkulnu ag uhui aakku meppig. Anam amunu, na heppe, kekeɗ ag eheɗ hattaglagnu laippun uɗippeg, danab da kekeɗ meɗappig ele ag lakka daanna, gaaglagnu oɗ medattem.

Jeremaia 5:26

Amu Yawe Nug inam awa atte. “Dahilad danab ah oolagppa nau hak danab daatteb. Ag ib giginppa keeke danab ah maadna daatteb. Danab amu ag danab ah aɗuadkkulagnu ag danab laa nug ai aokkunu uhui mette, ag amubia hetteb. Ao, ag danab ah aɗualadkkulagnu, danab doɗ aoglagnu pelem metteb bia hetteb.

2 Samuel 17:2

Ig gota, Dawit aɗi ag beɗulag gai-iitta, bodoettak ele daappeg, ig gota tepput, Dawit aɗi ag eheɗ nau baɗan oolppeppeg, da king aakkuib qeppi mauhkku.

1 Samuel 23:28

Nug Saul amegppa anam a, Saul nug amu doya, Dawit lamittom amu uua, nug eɗua ukke, Pilistia ele ban heppig. Nug anam he, danab ah ag wan maha amu onig ataɗna, “Sela Hamalekot” appig.

Sam 129:4

Amge Yawe, Nug aɗi hette amu, Nug genab tutukkuib hette. Nau hak danab ag da muɗippa hippaliɗppig ele, Nug muɗi amu otaɗom.”