Sam 124:1 - Nobonob Baibel

^1-3 Gemu amu, Israel danab ah ag inam akkulagnu daatte. “Laa ag banenig uɗippig amu, ag ihinignu oo nauhak huananab dooppig. Ag anam doyeg, Yawe Nug ii ehaniglo, ao, danab laa ag banenig uɗippig amu, Yawe Nug ii ehaniglo, ag ig eɗigna, heigppeg nauhlom.”

Sam 124:1 Referans Kwoze

Rom 8:31

Amunu ig Kayak keeke heum ele, amu ohnu ig aɗi aot akkunig? Ig inam aot akkunig. “Kayak Nug ig ehanigtte dayeb amu, laa nug ig kekeɗ mekka eɗigkku? Iitta!” aot akkunig.

Sam 56:9

Anam ⌊amunu⌋ da na ehaniɗkkutnu oninppa ekkul. Da eppi, na heppe, deɗ amuppa kekeɗ dahilad ag bittumttum gokkulag. Ge, da imu doottem. Na, Kayak, na dahil ehanittak daattem.

Sam 54:4

Ag anam hetteb amge antte! Kayak Nug da ehaniɗtte. Ao, Naɗi, na da atognoiɗe, da bau daattem.

Sam 120:1

Da uug nauppa dayeye, Yawe unuqidttem. Da unuqitti, Nug dahil unuqittak nob mette.

Sam 94:17

⌊Yawe Nug da ehaniɗtte.⌋ Nug da ii ehaniɗlo amu, da pahanab mauhlom.

Sam 121:1

⌊Yawenu mettid lag am Israel dilag qaukoppa daatte amunu,⌋ da qauko amu attan neegppi gokku. Appanu da ehanittak aottem.

Sam 125:1

Qauko Sion am uɗalnan loppaɗkkulagnu elele iitta, Qauko amuam hanhan daatte. Anamib, laa ag Yawenu oolagppa genab dootteb, ag anam aakku daatteb.

Sam 46:7

Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

Sam 27:1

Yawe Nug dahil amahlak, dahil Padal ii maknu ehanittak ele daatte amunu, da aun laa baɗidkkul? Ao, Yawe Nug ban haknu aben ɠagattag dahil bia daatte, da amuppa ukken daakkul amunu, da auntai laanu ii baɗapa.

Sam 127:1

Yawe Nug auntai laa lag hekkunu hette ele, Nug nug ii ehanidkku dayeb, laa amu nug amu hekkunu elele iitta. Amu Yawe Nug aab okkai ii atognokku amu, aɗi uɗitte anittak danab, ag atognobeppeg, ena daakkunu daatteb amu, ag amu hekkulagnu elele iitta.

Sam 129:1

Israel danab ah ag gemu inam akkulagnu elele. “Ig Israel danab ah, ig digmeta, huu laippu daamut, haen amuppa ihinkad kekeɗ ag eheɗ hegattappig. Gemu ele anamib hetteb.

Sam 130:1

O Yawe, da uug nau, danab nug yu ooppanab noa dayaya, uug nau dootte, da uug nau amubia doyeye, da na unuqidttem.

Sam 128:1

Am danab ag Yawenu ebehilag oh bodoetta le mette, ag Yawenu kobol dim lamidtteb ele amu, ahilagnu am ena. Ag itittak ena aoppig daatteb.

Sam 133:1

Danab ah ag maɗoɗ ele laippu, nug oo awak ena ele daatteb, kobol amuam enanag!

Sam 126:1

Haen Yawe nug he, diia ukka laih me dayak danab ah ig, ig eɗut Sion gota amu, ig am tul niiak enanag laa anidmut bia daamut!

Eksodas 15:1

Haen amuppa Moses nug Israel danab ah ele ag Yawenu ahi laa inam edappig. “Da Yawenu ahi edakkul. Aɗinu? Nug ban naɗinab imu eɗittom. Ao, Nug hos, danab hosppa daappig ele akke, yu ooppa noppig.

Sam 132:1

O Yawe, Na Dawit dabmettan, nug uug kuɗum mawomnu ele dabmekkutnu oɗ medattem.

Sam 123:1

O Yawe, naib sia king nahip-ppa hab attan dayeye, da neekki, attan nahip-ppa tette.

Sam 122:1

Danab ah ag da amelppa, “Ahappe, ig Yawe laugppa tetu!” aeg, da ool gamag ahom.

Sam 46:11

Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

Sam 134:1

Ag danab ah ag Yawenu maɗi nid maɗi ah daatteb, ag tuqan Yawe laugppa nuhig ɗo maɗoɗnu uɗat hetteb ele, ag Nug binag meig!

Sam 131:1

O Yawe, da oolppa da dada hak danab ag akka ahilagnu attem attem dabmetteb amu, da amubia dahilnu ii dabmettem. Ao, da laa neekkatten, da dada hein laa amu eɗattaknu dabmak ii aottem. Da keeke okkai okkai, da keeke amunu dab-ii-mettem. Ao, keeke dabmak dahil eɗidtte, da keeke amunu dab-ii-mettem.

Genesis 31:42

Kayak, Nug Abrahamnu Kayak, Nug da mamel, Aisak, Nug nuhig Kayak, danab ah ag nuhignu ebehilag oh bodoetta le mette ele amu, Kayak amu Nug da ii ehaniɗlo amu, na da hamu uuiɗppe uɗilom. Kayak Nug dahil uɗat nahipnu hemi, nahip kobol dahilppa heme amu, Nug amu oh ele antta, Nug tumai tuqan na daut batom,” awa aum.

Sam 56:10

Da Kayak, da nuhig nai binag mettem; Ao, da Yawe, da nuhig nai binag mettem amu, da nuhignu oolppa genab doottem amunu, da ii baɗapa. ⌊Kayak Nug danab dahilppa aɗi hekkulagnu ii uuatteb hekkulag amu,⌋ danab ag aɗi keeke dahilppa hekkulagnu elele iitta.