Sam 122:4 - Nobonob Baibel

⁴ Yawenu ɗo atte bia, nuhikkud danab ah, Israel dilag huu okkai ohppanu, ag Jerusalem ippa uɗin, Yawe amegppa, “Ena hen mekkame,” akkulagnu uɗitteb.

Sam 122:4 Referans Kwoze

Duteronomi 16:16

Maɗ anen anenppa haen ewam ag Israel danab oh, ag Yawe, ahilag Kayak, ag aben Nug epeɗikkuppa Nug noobppa dup nona binag mekkulagnu, ag Nug amegppa uɗieg! Ag amu hobul gamag ahak ele ewamppa hekkulagoitte. Hobul dayak ewam amuam Bret Yis Iitta Lanaknu Hobul Nakok, Ee Tatam Oɗue Digma Awaknu Hobul, amu Pehppa Dayaknu Hobul ele. Ag Yawe, ahilag Kayak, ag Nug aben epeɗikku, amuppa haen anen anen amu ohppa Nug noobppa miag atiglag, ag ɗo hamu mettak Yawenu aon wakkulagoitte. Ag hamu aib goppig.

Sam 132:13

Aɗinu ⌊Yawe Nug anam aum⌋? Nug Sion tituanom. Nug appa daakkunu oo daatte.

Eksodas 23:17

Danab oh ag maɗ anen anenppa da, da Naɗi Yawe, ag haen ewam amu da noolppa uɗina, ag hobul amu heig!

Sam 118:19

Yawe, Nug genab tutukku hak kobolib hette, amu da nuhigppa gokkulnu na nuhig mettid lag od matulppe, da Yawe noobppa wain, da Nug amegppa, “Ena heme,” akkul.

Sam 78:68

Nug Israel dilag huu okkai amu ii tituanom. Iitta. Nug Israel dilag huu okkai Juda epeɗiom. Nug qauko Sion, ⌊qauko amuam Juda wanppa daatte,⌋ Nug qauko amunu oo mauhtte amu, Nug qauko amu tituanom.

Duteronomi 12:11

ag keeke oh da ag haknunab attem amu, ag amu oh akkan, Yawe, ahilag Kayak, Nug onig aguppa daakkunu aben epeɗikku ele, ag amuppa wakkulagoitte. Keeke amuam inam: manaknu ofa, mana mettak laala ele, keeke obatak eblaih tanig ele ooppanu obatak laippu Kayak mettak, Kayak hamu ɗo mettak, aria aɗi keeke ena ena ag nai genab ana qakkaknu ofa hekkulagnu appig ele.

Duteronomi 12:5

Iitta! Ag Yawe, ahilag Kayak, ag Nug gumidna gona, Nug noobppa dup nona binag mekkulagnu, Nug Israel ooppa aben adekku, Israel dilag huu okkai attenppa, Nug onig aguppa daakkunu, ag amuppa Nug noobppa dup nona binag mekkulagnu tituankku, ag amuppa gona heig! Ag mauhnoak aben laalappa ii hemana.

Eksodas 32:15

Aria, Moses nug eɗua aha, qaukoppanu noawa, nug men maha aɗit Kayak Nug amuppa ɗo yom ele, nug amu eppegppa aɗalata noum. Kayak Nug men aɗit amu heqolah laih laih ohppa ɗo nai yom.

Eksodas 16:34

Moses nug anam a, aria Aron nug Yawe haknunab nai Moses amegppa aum, Aron nug amubia maana waappa ina, nug waa amu Tituanak Nainu Kunup kontrak inak ele, aguppa daakkunu, amu noobppa meum.

Sam 81:6

Kayak Nug atte. “Da ag gukkalagppan uug amu aɗatte aomi. Ao, da hei, ag baula uɗat uug ele, Isip danab ah ag heeg heppig ele, ag amu baula ii heppig.

Sam 100:4

Ag Yawenu mettid lag ooppa nonana, ag Nug amegppa, “Ena heme,” anana ag Nug laugnu aɗ taliliaknu od oɗeppa wanana, ag Nug binag meig! Ge, ag Nug amegppa, “Ena heme,” anana, ag Nug binag meig!