Sam 120:4 - Nobonob Baibel

⁴ Nug bu inam madakku. Lat aeg hawaɗ am ag yaaladppeg, ad brumnu aab ottag ewawa daatte ele amu, ottag amuam ag ewadkku.

Sam 120:4 Referans Kwoze

Prowerb 19:9

Danab nug hettoɗiakppa laa aɗi heehe anttomnu mattiak danab daatte, nug nai hambuppuak akku dayeb am, nug bu aokku. Ao, danab nug hettoɗiakppa nai genab ii akku dayeb amu, nug mauhkku.

Prowerb 18:21

Na aɗi nai madittem, amuppa na meu aottem. Na amuppa bau daakkut, o mauhkkut. O iitta, laa nai amuppa bau daakku, o mauhkku; danab ag nai dabmettanna maditteb, ag amuppa nob ena aoglag.

Prowerb 19:5

Hettoɗiakppa laa aɗi heehe anttomnu mattiak danab daatte, nug hambubukku dayeb amu, nug bu aokku. Ao, danab nug hettoɗiakppa nai genab iitta madikku dayeb amu, nug guittak iitta ele gokkunu elele iitta.

Prowerb 16:27

Am danab naunab nug eheɗ hekkunu maittak awawa oitte; nuhig nai amu aab aɗu huana ewawa, keeke he nauhtte, amubia bette.

Sam 45:5

Nahip lat doɗo am aelkad hawaɗnab ele amunu, aeg amu ag nahip kekeɗ gamalagppanab otuladna notteb. Wan imuppan wan anen anenppan danab ag na noomppa nena qena, na baen waappa niitteb. ⌊Anam amunu Kayak he, nahip ɗo maɗoɗ attem daattenu dabmak inam dayaɗ!⌋

Revelesen 21:8

Amge laa ag baɗanna, akka ahilagnu dabmena hak kobol dim lamidna, laa ag oolagppa genab doyak iitta, laa ag kobol nau uɗig wak hetteb ele, laa ag danab aqaeg mauhtteb, laa ag gappai kobol hetteb, laa ag baɗ mak danab, laa ag dup noa kayak hambuppuak binag mak danab, amu nai hambuppuak danab oh ele, amu oh aab ameg kalu laa huana eotte onig salpa eotteppa, ag amuppa aben aoglag. Amuam mauhak ebqak 2 aakku,” awa aum.

Prowerb 12:22

Yawe Nug danab ag nai hambubutteb ele, Nug ahilagnu ooppa uuaknab dootte; amge nai genabib mattiak danab dilagnu amu, Nug ahilagnu enanagnab dootte.

Prowerb 11:18

Nau hak danab nug keeke aotte me, nug keeke diig genab ele ii aotte; amge danab nug genab tutukku hak kobol hette amu, nug meu ena genab aotte.

Prowerb 11:12

Danab nug epeɗia ha dabmak ena awak kobol ii dootte ele oitte, nug mudippan laippu awa awa qedatte; amge danab nug diignu doyak tutukku ele oitte, nug anam ii hette.

Prowerb 11:9

Danab Kayaknu, nuhig haknu ele uuak dootte amu, nug oɗeppan nai mattiak am mudippan laa he nauhtte; amge genab tutukku hak danab amu, nuhig doyak ena ehanitte, nug qagaiettakppa ii daatte.

Sam 59:7

O Kayak, danab nau amu oɗelagppanu nai nau huanaknab nette, na nai amu dookkutnu unuqidttem. Ao, qep elab aeg nau ele danab guittak okkai medatte, ag oɗelagppanu nai am amubia hette. Ge, ag amu hettebnu diig am, ag nai nau oh amu mattieg neene, ag hibguitta hena, inam atteb. “Aun ig dooikka bu iqakku?”

Sam 57:4

Dahil kekeɗ ag da taliliɗppig daatteb. Da am danab nug laion ag enug aqak ele, ag nug talilidppig daatteb, da amubia daattem. Ao, dahil kekeɗ ag laion doɗ laa laatteg iitta metteb bia, ag danab ah hattaeg nauhtteb. Ge, kekeɗ dahil ag laion bia, ag aelkad am lat doɗo bia, lemaɗulkad amu qep elab bia.

Sam 52:5

Amge Kayak Nug heeb, na nauhna, iitta mekkut. Ao, Nug na ɠagattagnab aɗaitta, Nug na baenppan oolagppan awitta, buɗitteb, laih gokkut. Ge, Nug heeb na mauhkkut. Sila.

Sam 7:13

Am king nug kekeɗnu daup aqadkkunu bannu keeke babaitta malom, amubia Kayak Nug danab ah kobol nau hetteb bu madakkunu babaitta daatte. Ao, king nug nuhikkud daup ag lat doɗo amotadppeg eoppeppeg, ewadppeg gona, kekeɗnu lag ɠagattag, aɗ keeke adppa hak amuppa manadkkulagnu bappalattom daatteb, amubia Kayak Nug danab ah kobol nau hetteb bu madakkunu babaitta daatte.

Prowerb 18:8

Laa dilag dimug nai mattiaknu amu, danab ag nai amunu eenu miti enanag bia dootteb; ag enanag doon, toppua ukkaeg, oolag unuqagnab noeg, ⌊nauhak bette⌋.

Jeremaia 9:7

Amu Juda danab ah ag amu hetteb amunu, Yawe Nukka Ɠagattag Oh Ele Nug atte. “Antteg! Da ib laa iitta. Aɗinu? Dahilad danab ah ag hipunin hetteb amunu, da danab nug gol keeke babaitta epeɗia awak daakkunu uɗat hette, amubia da dahilad danab ah ma anttak madakkulnu, da ag dubuttid iitta daaglagnu, da amubia ahilagppa hekkul.