Sam 120:1 - Nobonob Baibel

¹ Da uug nauppa dayeye, Yawe unuqidttem. Da unuqitti, Nug dahil unuqittak nob mette.

Sam 120:1 Referans Kwoze

Sam 18:6

Amge da uug nau amuppa dayeye, da Yawe onigppa emi. Ao, da Kayak dahil ehaniɗkkunu unuqidmi. Da nug unuqitti, Nug nuhig mettid lagppa dayaya doya, da ehaniɗom. Ge, Nug dahil unuqittak doya ehaniɗom.

Jona 2:2

“O Yawe, da uug nauppa dayeye, na oninppa ei, na da baal doome. Ge! Da moɗppa niimi bia dayeye, aben amuppanu da na oninppa ei, na dahil unuqittak doome.

Sam 118:5

Da uugppa daami, haen amuppa Yawe unuqitti, Yawe Nug oɗelppa awa, da ehaniɗe, qagaiettakppa ii daami.

Hibru 5:7

Aria, anukka Jesus Nug danab beɗu awa wanppa dayom, haen amuppa Nug Kayak unuqittatta, Nug ele Kayak keeke laala hekkunu oɗ mettom. Nug mauhowa, ib laappa eɗua hippaidkkunu elele iitta, Kayak Nugib anam ehanidkkunu elele dayom amunu, Jesus Nug Kayak amu hekkunu ɠagattag oɗ medatta, ameg leb ne, Nug nukka binag qe ne, Kayak oɗe dim lamittom amunu, Kayak Nug nuhig oɗmak amu oɗeppa awom.

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Sam 130:1

O Yawe, da uug nau, danab nug yu ooppanab noa dayaya, uug nau dootte, da uug nau amubia doyeye, da na unuqidttem.

Luk 22:44

Jesus Nug beɗuppa uug nau, mauhak bia doyaya, Nug oo unuqagppanu unuqittette, heɗi tiig bia na, wanppa noum.))

Sam 131:1

O Yawe, da oolppa da dada hak danab ag akka ahilagnu attem attem dabmetteb amu, da amubia dahilnu ii dabmettem. Ao, da laa neekkatten, da dada hein laa amu eɗattaknu dabmak ii aottem. Da keeke okkai okkai, da keeke amunu dab-ii-mettem. Ao, keeke dabmak dahil eɗidtte, da keeke amunu dab-ii-mettem.

Sam 125:1

Qauko Sion am uɗalnan loppaɗkkulagnu elele iitta, Qauko amuam hanhan daatte. Anamib, laa ag Yawenu oolagppa genab dootteb, ag anam aakku daatteb.

Sam 107:13

Ag anam uugppa daanna, ag, “O Yawe, na ig ehanigkkutnu oɗ medattem!” unuqitteg, Nug ag ehanatte, padal ii meppig.

Sam 134:1

Ag danab ah ag Yawenu maɗi nid maɗi ah daatteb, ag tuqan Yawe laugppa nuhig ɗo maɗoɗnu uɗat hetteb ele, ag Nug binag meig!

Sam 133:1

Danab ah ag maɗoɗ ele laippu, nug oo awak ena ele daatteb, kobol amuam enanag!

Sam 132:1

O Yawe, Na Dawit dabmettan, nug uug kuɗum mawomnu ele dabmekkutnu oɗ medattem.

Sam 127:1

Yawe Nug auntai laa lag hekkunu hette ele, Nug nug ii ehanidkku dayeb, laa amu nug amu hekkunu elele iitta. Amu Yawe Nug aab okkai ii atognokku amu, aɗi uɗitte anittak danab, ag atognobeppeg, ena daakkunu daatteb amu, ag amu hekkulagnu elele iitta.

Sam 124:1

Gemu amu, Israel danab ah ag inam akkulagnu daatte. “Laa ag banenig uɗippig amu, ag ihinignu oo nauhak huananab dooppig. Ag anam doyeg, Yawe Nug ii ehaniglo, ao, danab laa ag banenig uɗippig amu, Yawe Nug ii ehaniglo, ag ig eɗigna, heigppeg nauhlom.”

Sam 122:1

Danab ah ag da amelppa, “Ahappe, ig Yawe laugppa tetu!” aeg, da ool gamag ahom.

Sam 121:1

⌊Yawenu mettid lag am Israel dilag qaukoppa daatte amunu,⌋ da qauko amu attan neegppi gokku. Appanu da ehanittak aottem.

Sam 102:2

Yo, da uug nauppa daattem haenppa amu, na da dimeɗamnanu oɗ medattem. Ao, haen da nahipnu eppi doon amu, na paha oɗelppa aokkutnu unuqidttem.

Sam 129:1

Israel danab ah ag gemu inam akkulagnu elele. “Ig Israel danab ah, ig digmeta, huu laippu daamut, haen amuppa ihinkad kekeɗ ag eheɗ hegattappig. Gemu ele anamib hetteb.

Sam 128:1

Am danab ag Yawenu ebehilag oh bodoetta le mette, ag Yawenu kobol dim lamidtteb ele amu, ahilagnu am ena. Ag itittak ena aoppig daatteb.

Sam 126:1

Haen Yawe nug he, diia ukka laih me dayak danab ah ig, ig eɗut Sion gota amu, ig am tul niiak enanag laa anidmut bia daamut!

Sam 123:1

O Yawe, naib sia king nahip-ppa hab attan dayeye, da neekki, attan nahip-ppa tette.

1 Samuel 1:27

Haen amuppa amu, da nid imunu Yawe unuqidmi, amu Nug nid imu da meɗom

Sam 50:23

Danab laa nug ena heme anaknu ofa ha, da meɗakku dayeb amu, amuam ena. Amuppa nug da binal mette. Amu da nug ehanidppi, nug padal ii memanu ippu dahil ippunidkkulnu amu, nug ofa amuppa ib amu matultte.” Kayak Nug anam awa atte.

Jona 2:3

Am genab, na da buɗile, yu unuqag, appa nomi. Ge, da yu unuqagnab, appa nomi. Yu da toniɗa auta awe, da daami. Da le ooppanab daami. Koɗkoɗ attan qeum, amge da yu unuqag aakku daami.