Sam 119:88 - Nobonob Baibel

⁸⁸ Na danab ah dilagnu oo mauhaknab doottem amunu, da nahip ɗo dim lamidkkulnu na dahilnu oo mauhaknab doon heppe, da ii mauhpanu oɗ medattem.

Sam 119:88 Referans Kwoze

Sam 25:10

Am danab ah aun aɗi ag Yawenu nug tituana nai qakkak dim lamidtteb, ag nuhig nai ele oh waappa daan, dim lamidtteb ele amu, Yawe Nug oo mauhaknab kobolppa, oo metta ii uuak kobolppa ele ag ehanadtte.

Sam 119:40

Antte! Da nahip oo yaak nai ɗo bia oh dim lamidkkulnu ool huana hette. Na genab tutukku hak kobol aakkuib dim lamidttem amunu, na ehaniɗna heppe, da eɗue ena daakkulnu oɗ medattem.

Sam 119:25

Da gappudppa dayeye, oolppa elele iittanab iitta doottem. Na ame bia amu, na ehaniɗna heppe, da eɗue, ena daakkulnu oɗ medattem.

Sam 119:159

O Yawe, na da nahip oo yaak nai ɗo bia, na da nai amunu ool mauhtte anidkkutnu oɗ medattem. Na danab ah dilagnu oo mauhaknab doottem amunu, na dahilnu oo mauhaknab doon heppe, da ii mauhpanu unuqidttem.

Sam 119:146

Da nahipnu ettem. Am da nahip ɗo dim lamidkkulnu amu, na ehaniɗppe, da padal ii mepanu unuqidttem.

Sam 119:2

Genab, aun aɗi ag Yawenu ɗo, kobol ele ɠagattag aɗan dim lamidtteb, ag Nug anidna dim lamidkkulagnu meulag ohppa Nug maditteb ele amu, ag itittak ena aoppig daatteb.

Sam 78:5

Nug nuhig ɗo Jakop mettom. Ao, Nug nuhig ɗo Israel mattom. Nug ig mamenkad aɗi amelagppa haknunab ana, ag ɗo amu ahilkad nid naunau ippunadkkulagnu aum.

Sam 132:12

Na buɗunppan ag nug tituana nai qakkak dahil imu dim lamidnana, ag ɗo da ag ippunadttem ele amu, ag tutukku dim lamidkkulag dayeb amu, na buɗunad oolagppanu laala ag ahilag haen anen anenppa ag Israel dilag king hanhan bena daaglag,” awa aum.

Sam 119:124

Da am nahip maɗi nid. Na dahilnu attem attem hekkutnu amu, na nahip oo mauhaknab kobol dabmena, na amuib dahilppa hena, na nahip ɗo ele da ippuniɗkkutnu oɗ medattem.

Sam 119:149

O Yawe, na oo mauhaknab kobol dim lamidttem amunu, na dahil ewak dookkutnu oɗ medattem. Ao, na nai doya mala hettoɗia epeɗia elele mettak kobol dim lamidttem amunu, na heppe, da bau daakkulnu unuqidttem.