Sam 119:86 - Nobonob Baibel

⁸⁶ Danab ah ag nahip haknunab anak ohnu am genab elele dooglagnu elele. Ao, am anam amge hipunin hak danab ag diig iittappa da heiɗkkulagnu hetteb amunu, na da atognoiɗkkutnu oɗ medattem.

Sam 119:86 Referans Kwoze

Sam 70:5

Amge, O Kayak, da am daɗek, keekenu tutu mak daattem; na da pahanab ehaniɗkkutnu oɗ medattem. O Yawe, na am dahil ehanittak daattem, na ehaniɗe, da padal ii mettem. Anam amu, na ehaniɗppe da padal ii mepanu haen elab ameg mak ii daapanu unuqidttem.

Sam 35:19

O Yawe, dahilad kekeɗ dilagppa da eheɗ laa ii hemi, amge ag da eɗilkkulagnu hetteb. Anam amun na uuadppe, ag anam hemananu unuqidttem. Ao, danab ag dahilnu diig iittappa nau ninig ele dootteb, ag heppeg, da nein qekkulnu hetteb. Anam amu, na uuadppe, ag heppeg da nein qepanu oɗ medattem.

Sam 119:78

Beɗuppa tak danab, ag dahilnu hambuppuak nai diig iittappa madippig amunu, ag uɗa nak nau aon oiglagnu oɗ medattem, amge da nahip oo yaak nai ɗo bia, da nai amunu dabmak unuqag awewe daakkul.

Sam 109:26

O Yawe, dahil Kayak, na da ehaniɗkkutnu oɗ medattem! Na nahip oo mauhaknab kobol dabmenana ehaniɗppe, da padal ii mepanu unuqidttem.

Sam 35:7

Da ahilagppa eheɗ laa ii hemi, amge ag pelem laa dahil meppig. Yo, da ahilagppa eheɗ laa ii hemi, amge ag moɗ laa, da amuppa nokkulnu buuppig amunu,

Rom 7:12

Amunu ig doottem, ɗo nukka am enanag, oppiaawak ele. Amu ɗonu haknunab anak oh ele am oppiaawak, tutukku, amu ena ele.

Sam 119:151

O Yawe, ag da gukkuiɗak daatteb, amge na, na ele da gukkuiɗak daattem, amu nahip ɗo oh am genabib.

Sam 119:138

Nahip ɗo am genab tutukkuib daatteb. Ao, danab nug nahip ɗonu genab elele dookkunu elele.

Sam 119:128

Da nahip oo yaak nai ɗo bia ohnu amu, da ag tutukkuib daatteb oolppa genab doottem. Ao, da nahip ɗo, nahip oo yaak nai ɗo bia ohnu anam doottem amunu, da ib eheɗnu nau ninig ele doottem.

Jeremaia 18:20

Danab nug layag ehanitteb, layag nug eɗua, nuhigppa eheɗ hekku dayeb, amuam kobol ena iitta, amge danab kekeɗ meɗappig ag anam hetteb. ⌊Da ehanadkkulnu hemi,⌋ amge ag eɗun, danab doɗ aokkunu pelem bappaidtte, ag amubia dahilnu hetteb. Na imu eɗua dautppa dokkunu oɗ medattem. Da ehanadkkulnu heinne, da na noomppa dayeye, naippa ehanatten, na oppoɗin beeb, na ag bu ii madakkutnu oɗ mettami. Da amu hei, gemu ag nau imu hetteb

Sam 119:142

Na hanhan genab tutukkuib daattem, anamib daakkut; nahip ɗo am genabib.

Sam 19:9

Amu Yawenu ebehi oh bodoetta le mekkunu kobol amu, kobol amuam ena eleleib; am oppiak ele. Am hanhan daakku. Laa nug tuqa ii aoma. Yawenu ɗo oh am doyak diig genabib, amuppanu betteb. Ag oh am genab tutukkuib daatteb.

Sam 143:9

O Yawe, na da dahil kekeɗ dilagppan ehaniɗppe, qagaiettak amuppa daapanu oɗ medattem. Na da lokkumiɗkkutnu da oole, nagattoppa uɗittem.

Sam 38:19

Dahil kekeɗ am kuɗumnab. Ao, da ahilagnu nau laa ii hemi me, ag dahilnu nau ninig ele dootteb.