Sam 119:85 - Nobonob Baibel

⁸⁵ Nahip ɗo ag anam ii hemananu atte, amge beɗup tak danab ag moɗ uma noak, da amuppa noin qekkulnu buuadppig.

Sam 119:85 Referans Kwoze

Prowerb 16:27

Am danab naunab nug eheɗ hekkunu maittak awawa oitte; nuhig nai amu aab aɗu huana ewawa, keeke he nauhtte, amubia bette.

Sam 35:7

Da ahilagppa eheɗ laa ii hemi, amge ag pelem laa dahil meppig. Yo, da ahilagppa eheɗ laa ii hemi, amge ag moɗ laa, da amuppa nokkulnu buuppig amunu,

Jeremaia 18:20

Danab nug layag ehanitteb, layag nug eɗua, nuhigppa eheɗ hekku dayeb, amuam kobol ena iitta, amge danab kekeɗ meɗappig ag anam hetteb. ⌊Da ehanadkkulnu hemi,⌋ amge ag eɗun, danab doɗ aokkunu pelem bappaidtte, ag amubia dahilnu hetteb. Na imu eɗua dautppa dokkunu oɗ medattem. Da ehanadkkulnu heinne, da na noomppa dayeye, naippa ehanatten, na oppoɗin beeb, na ag bu ii madakkutnu oɗ mettami. Da amu hei, gemu ag nau imu hetteb

Sam 119:78

Beɗuppa tak danab, ag dahilnu hambuppuak nai diig iittappa madippig amunu, ag uɗa nak nau aon oiglagnu oɗ medattem, amge da nahip oo yaak nai ɗo bia, da nai amunu dabmak unuqag awewe daakkul.

Sam 7:15

Laa ag laa moɗppa nena qena nokkulagnu moɗ aotteb amu, ag akka amuppa nena qena notteb.

Sam 36:11

Na danab ah beɗulagppa tak ele ag uuadppe, da tappiɗna oɗoɗilmananu oɗ medattem. Ao, na nau hak danab uuadppe, da lamiɗppeg laih gopanu unuqidttem.

Jeremaia 18:22

Danab amu ag da awiɗkkulagnu pelem heppig. Ao, ag da pelem ahilagppa tekkulnu ag uhui aakku meppig. Anam amunu, na heppe, kekeɗ ag eheɗ hattaglagnu laippun uɗippeg, danab da kekeɗ meɗappig ele ag lakka daanna, gaaglagnu oɗ medattem.