Sam 119:82 - Nobonob Baibel

⁸² Da na haen elab iikku amen mein daattem; na ame bia, na ehaniɗppe padal ii mepanu tuɗid ele amen mein daattem. Da anam beɗul mein dayeye, da beɗul bahi yaatte. Da attem. “Haen gane laa ukkeb, na heppe, da oo mak aokkul?” awe attem.

Sam 119:82 Referans Kwoze

Sam 69:3

⌊O Kayak, da anam bia dayeye,⌋ da na ehaniɗkkutnu einne daattem. Da nahipnu ei ei, da beɗul gai-iitta me, da baal ele guiɗtte. Da na Kayak, dahil Kayak, da na anidkkulnu neekki neekki, da amel ele gai-iitta meum daatte.

Sam 119:123

Da na ehaniɗppe, da padal ii mepanu na amen haen elab mein dayeye, gemu ele amen mettem. Ao, na genab tutukku hak kobolib hena, na da ehaniɗppe, da padal ii mepanu nai anan qakkame, amu na amu hekkutnu da na amen haen elab mein dayeye, gemu ele amen mein daattem.

Prowerb 13:12

Danab nug keeke ena laa aokkun daatte, me nug ii aotte amu, nug uug okkai dootte; amge danab nug aɗi keeke aokkun oo huana daatte, nug aotte amu, amuam bauklel adnu meu lanaknu bia aakku.

Sam 86:17

O Yawe, na dahilnu ena doottemnu at daakkunu amu, na ehaniɗkkutnu, oo mak ele meɗakkutnu oɗ medattem. Aɗinu? Na anam hekkut dayeb amu, laa ag dahilnu nau ninig ele dootteb, ag amu anidna, ag uɗa nak dooglag.

Gayak Nai 2:11

Kekeɗ ag heeg, dahilad danab ah ag padal meeg, nid naunau, nid yuɗ ele ag aabnu ibppa niinna, mauhkkulagnu hetteb. Ao, am anam amunu, da huan gaaiyi, da amel nauhom daye, da oolppa eheɗ nau doottem. Da mahiak huanak hettem.

Aisaia 38:11

Da mauhen, da baula Yawenu uɗat okkai okkai wan imuppa ii anidpa. Da mauhen, da wan imuppan danab ah baula ii anadpa, danab ah gemu wan imuppa daatteb ele, da ag ele baula ii qagmemata.

Duteronomi 28:32

Ag neegna daappeg, kekeɗ ag, ag bekkalkad, aɗelkad ele maɗi nid maɗi ah ele daaglagnu diin gokkulag. Ag ahilagnu oolag doyeb, ag eɗun uɗin daappeg anadlobnu kobol digdig hekkulag, amge ag amu hekkulag, amuppa ehanittak laa iinab aomna.