Sam 119:81 - Nobonob Baibel

⁸¹ Da gai-iittanab daaiyi, na da ehaniɗppe padal ii mepanu ool naɗinab daatte. Na da ehaniɗppe, da ii padal mepanu ame amu, da na anam hekkutnu oolppa genab doottem.

Sam 119:81 Referans Kwoze

Sam 84:2

Da Yawe daatteppa wain daakkulnu ool huanaknab hette. Ao, da ool, meul ohppa ele, da wain Kayak bau daatte ele daagnihnu ool daatte.

Sam 119:40

Antte! Da nahip oo yaak nai ɗo bia oh dim lamidkkulnu ool huana hette. Na genab tutukku hak kobol aakkuib dim lamidttem amunu, na ehaniɗna heppe, da eɗue ena daakkulnu oɗ medattem.

Sam 73:26

Da beɗul iitta mekku, dabmak dahil ele am iitta mekku, amge na, Kayak, na am dahil ɠagattag. Keeke ena oh da eppelppa daakkunu elele amu, na nakka keeke amu oh abenlag aon dayeye, da ena, elele daattem. Hanhan anamib daakkut.

Solomonnu Ahi 5:8

O Jerusalem ah, da ag laa, nug dahilnu oo mauhtte ele, ag nug anidna, ag nug amegppa dahilnu, “Nug nahipnu oo mauhak huanak doyeye, beɗu gai-iitta meum daatte,” appeg dookkunu wan yaan meɗan, da amelppa ɠagattag akkulagnu ag amelagppa attem.

Sam 119:114

O Yawe, na am dahil padal mak eɗitta ena dayaknu ehanittak, na dahil guppiɗ ele daattem. Da nahip nainu dabmein, ena daakkulnu dabmak aɗe oittem.

Sam 119:77

Da nahip ɗonu enanagnab doottem amunu, da bau daakkulnu, na dahilnu oot bodoetta, le mekkunu oɗ medattem.

Sam 119:74

Da na aɗi hekkutnu ame amu, na amu hekkutnu oolppa genab doottem amunu, da na dahilnu, na ame bia, na ena heiɗppe, laa oh ag nahipnu ebehilag oh bodoetta le mette ele ag amu anidna, ag oolag gamag ahakkunu ool daatte.

Sam 119:42

Na anam heppe, da nahip nainu oolppa genab doottem amunu, da laa ag da eheɗ aon aon iutteb amu, da nai nob madakkulnu elele daakkul.

Sam 119:20

Da hanhan nahip ɗo dookkulnu ool huana heehe, oolppa amunu guittak bia doottem.

Job 19:27

Da dakka, laa iitta, da, da amelppanab anidkkul. Amu da Nug anam anidkkulnu amu, da ool naɗinab daatte.

Sam 119:41

O Yawe, na heppe, nahip oo mauhaknab kobol dahilppa uɗia daakkunu oɗ medattem. Ao, na da ehaniɗppe, da padal ii mepanu nai anan qakkame amu, na amu hekkutnu unuqidttem.

Sam 119:43

Da nahip ɗo dim lamidkkul dayeb amu, da elele hekkul. Elele haknu ib laa iitta amunu, na doyak diig genabibnu nai dahilppanu aɗilmananu oɗ medattem.

Sam 130:5

Da Yawenu ehanittak aokkulnu ool dayeye, da Nug amu hekkunu ameg mettem. Da Nug oɗeppa nai mattiom, da nai amunu oolppa genab doottem.