Sam 119:73 - Nobonob Baibel

⁷³ Na da heiɗme. Ao, na eppen da heiɗom. Na da ehaniɗna heppe, da ɗo nahipnu diignu doyak tutukku doyen dim lamidkkulnu oɗ medattem.

Sam 119:73 Referans Kwoze

Sam 138:8

Yawe, Nug keeke oh dahilppanu hekkunu nai ana qakkom amu, Nug anamib hekku doottem. ⌊O Yawe,⌋ nahip oo mauhaknab kobol am hanhan daatte. Ao, na uɗat oh dahilnu hee betteb ele amu, na heppe, gogppa tekkunu ool daatte.

Job 31:15

Kayak Nug da, dahilad maɗi nid maɗi ah ele oh ig aninkad oolagppa iite heikkom? Ao, Nug ig aninkad oolagppa ig oh ig beɗunig iite babaittom?

2 Timoti 2:7

Na da attem imunu dabmak aoppeppe amu, Naɗi Nug dabmak nahip matuleb, nai imu oh diig tutukku anidkkut.

Sam 119:125

Da am nahip maɗi nid. Da nahip ɗo oh diilag pehettak dookkulnu, na diignu doyak tutukku da meɗakkutnu oɗ medattem.

Sam 111:10

Danab nug Yawenu ebehi oh bodoetta le mette ele amu, danab amu nug digma, doyak dabmak ena ele aokkunu hette. Ao, danab ah oh ag Yawenu oo yaak nai ɗo bia dim lamidtteb ele amu, ag diignu doyak tutukku ele. Ag Nug binag hanhan meig!

Job 32:8

Da anam ami, amge Ouɗi Nug danab ooppa daatte. Ao, Laa Nukka Ɠagattag Oh Ele, Nug Ouɗi danab ooppa daatte. Amu Nugib danab diignu doyak tutukku medatte.

1 Jon 5:20

Ao ig ele doottem, Kayak Bekka Nug uɗia, ig Mame genab, Nug doognignu diignu doyak tutukku mekkom. Amu laa, Kayak Nug am genab diig, amu ig nuhigppa daattem, amu ig Nug Bekka Jesus Kristus, nuhigppa ele daattem. Kayak Nug am Kayak genab, Nug bauklel hanhannu diig ele.

Sam 119:34

Da nahip ɗo dim lamidkkulnu, da meul ohppa anam hekkulnu amu, na ɗo nahipnu diignu doyak tutukku meɗakkutnu oɗ medattem.

Sam 100:3

Ag imu doyeg! Yawe Nug am Kayak! Nug ig heikkom. Ig nuhikkud daattem. Ao, ig am nuhikkud danab ah daattem. Ig am nuhikkud sipsip bia daautut, Nug ig atognoikkakka dabmegatte.

Jems 3:18

Danab ag maɗoɗ ikki daatteb amu, ag am danab ee eppowa meu aotte, amubia meu laa, amuam genab tutukku hak kobol, meu amu aotteb.

Sam 119:169

O Yawe, na dahil unuqittak dookkutnu oɗ medattem. Ao, na diignu doyak tutukku meɗakkutnu ame amu, na amu hekkutnu unuqidttem.

2 Stori 2:12

Hiram nug nai amu babaitta, nug tuɗitta, nai imu ele Solomon, nuhigppa me ukkom. “Ig Yawe, Israel dilag Kayak, Nug hab, wan ele heum amu, ig Nug binag humatu! Nug King Dawit nid danab laa mettom amu, nid amuam doyak dabmak ena ele. Nug dabmak meu unuqagnu doyak danab ele, nug keeke diignu doyak tutukku ele. Nid amu nug gemu king daya, nug Yawenu mettid lag, nuhig lag enanagnab ele hekku.

Sam 119:144

Nahip ɗo am gemu tutukkuib daatte, hanhan anamib daakku. Am da bau daakkulnu amu, na da ehaniɗppe, da diignu doyak tutukku aokkulnu ool daatte.

1 Stori 22:12

Amu na Yawe, nahip Kayak, na nuhig ɗo dim lamidkkutnu, haen Nug na Israel danab ah gumadkkutnu meitteb king daappe amu, Yawe Nug heeb, na laan neekkakppa nug dabmak eheɗ ii aomanu kobol, diignu doyak tutukku ele aɗan oikkutnu ool daatte.

Sam 95:6

Yawe Nug am ihinig Kayak amunu, doppeg ig Nug noobppa dup nota binag metu! Ao, ig laa Nug ig heikkom ele, ig Nug noobppa gota, gatenig qaun okkunig. Nug danab ag sipsip elelenab gumadtteb, amubia Nug ig danab ah gumigtte. Ao, ig sipsip gikkiɗah aon latteb, amubia ig ee keeke aottem amu, Nugib ig megatte. Ag gemu Kayak Nug nai inam atte amu, ag daulag human doyeg!