Sam 119:7 - Nobonob Baibel

⁷ Nahip ɗo am genab tutukkuib. Da nahip ɗo amu doyeye, da ool oppiaawak eleppa na binan humakkul.

Sam 119:7 Referans Kwoze

Sam 119:171

Na nahip ɗo da ippuniɗttem amunu, da na binan naɗi humattem.

Sam 119:12

O Yawe, danab ah oh ag na binan mekkulag am tutukkuib. Na nahip ɗo nai ippuniɗkkutnu ool okkai daye, oɗ medattem.

Jon 6:45

Propet dilag yaakppa, nai inam niitte. ‘Danab ah oh am Kayak nukka nuhig kobol ippunadkku.’ Aria aun aɗi Nug ag ehanatta ippuanatte, ag Mame oɗe doona, nuhig kobol aona amu, ag dahilppa dotteb.

Aisaia 48:17

Yawe, Nug ag Israel, ag ahilag qagaiettakppanu eɗua uhuqaknu ehanittak daatte, Nug ag Israel, ahilag Kayak Oppiaawak Ele amu, Nug atte. “Da am Yawe, da ag Israel, ahilag Kayak daattem. Da ag kobol aɗi aɗi am ahilagnu ena, laa oh eɗidtte amu, da kobol amu ippunadttem. Ao, ib ag gokkulagnu daatteb ele amu, da ib amuppa gokkulagnu ulum madattem.

Sam 9:1

O Yawe, da meul ohppa ele, na amenppa, “Ena heme,” akkul. Da na kobol danab haknu elele iitta heme amu, da amunu madikkul.

Sam 119:73

Na da heiɗme. Ao, na eppen da heiɗom. Na da ehaniɗna heppe, da ɗo nahipnu diignu doyak tutukku doyen dim lamidkkulnu oɗ medattem.

Sam 119:27

Da nahip kobol danab hekkunu elele iitta, da amunu dabmak unuqag awewe daakkulnu amu, na ehaniɗna heppe, da nahip oo yaak nai ɗo bia, da nai amunu meu dooppi ool maidkkunu oɗ medattem.

Sam 143:10

Na am dahil Kayak amunu, na da nahip dabmak awak dim lamitten hekkulnu ippuniɗkkutnu oɗ medattem. Nahip Ouɗi, Nug am Ouɗi enaib amu, Nug anuqa ugakka, Nug da ib ena, tutukkuppa omaiɗkkunu unuqidttem.

Sam 119:64

O Yawe, na wan danab ah oh dilagnu oo mauhaknab doottem. Na nahip ɗo ippuniɗkkutnu ool daatte.

Sam 119:124

Da am nahip maɗi nid. Na dahilnu attem attem hekkutnu amu, na nahip oo mauhaknab kobol dabmena, na amuib dahilppa hena, na nahip ɗo ele da ippuniɗkkutnu oɗ medattem.