Sam 119:57 - Nobonob Baibel

⁵⁷ O Yawe, keeke ena oh da eppelppa daakkunu elele amu, na nakka keeke amu oh abenlag aon dayeye, na da ele daattep amunu, da ena, elele daattem! Da nahip ɗo dim lamidkkulnu nai ainne qagattem.

Sam 119:57 Referans Kwoze

Gayak Nai 3:24

Da dakka, da nai mattieye, da attem. “Keeke ena oh da eppelppa daakkunu elele amu, Yawe nukka keeke amu oh abenlag awa dayeye, Nug da ele daattep amunu, da ena, elele daattem! Nug anam daatte amunu, da Nug ehaniɗkkunu ameg mekkul,” awe attem.

Sam 16:5

O Yawe, keeke ena oh da eppelppa daakkunu elele amu, na nakka keeke amu oh abenlag aon dayeye, na da ele daattep amunu, da ena, elele daattem. Na hee, da ɠagattag daattem.

Sam 142:5

O Yawe, na ehaniɗkkutnu unuqitte aute aottem. Da attem. “Yawe, na aakkuib am padal mak eɗitteb ena dayaknu ehanittak dahil daattem. Keeke ena oh da eppelppa daakkunu elele amu, na nakka keeke amu oh abenlag aon dayeye, na da ele daattep amunu, da ena, elele daattem!” awe attem.

Jeremaia 10:16

Amge laa, Jakop buɗub dilag Kayak daatte, Nug amubia iitta. Iitta! Aɗinu? Nug keeke oh heum. Ge, Nug keeke oh, Israel ele hattom. Israel ag am nuhikkudnab danab ah. Nug onig am Yawe Nukka Ɠagattag Oh Ele.

Sam 73:26

Da beɗul iitta mekku, dabmak dahil ele am iitta mekku, amge na, Kayak, na am dahil ɠagattag. Keeke ena oh da eppelppa daakkunu elele amu, na nakka keeke amu oh abenlag aon dayeye, da ena, elele daattem. Hanhan anamib daakkut.

Sam 119:115

Da dahil Kayaknu ɗo dim lamidkkulnu amu, laa ag nau hetteb ele, ag dahilnu awaidna ukkeg!

Josua 24:21

Josua nug anam aum, amge danab ah ag Josuanu nai nob mena appig. “Iitta! Ig Yawe waappa daat, Nug oɗe dim lamidkkunig!” aon appig.

Josua 24:18

Ig wan imu aognignu oitut amu, Yawe Nug Amo danab, ippan danab laala ele ippa daappig, amu lamattom amunu, ig ele Yawe waappa daata, Nug oɗe dim lamidkkunig. Aɗinu? Nug am ihinig Kayak.” Israel danab ah ag anam Josua amegppa appig.

Josua 24:15

Anam, amge ag Yawe waappa daan, Nug oɗe dim lamidkkulagnu oolag ii daatte dayeb, ag gemu aun dim lamidkkulagnu amu dabmak aweg! Ag mamelkad aɗi Mesopatemia daanna, kayak laala waalagpa daan, oɗe dim lamidppig, amute, o iitta, Amo danab, wan ag amuppa gemu daatteb ele, ahilag kayak waalagppa daan binalag mekkulagtai. Ag amu hekkulagtai, amge da, da baeladppa ele amu, ig Yawe waappa daatta, Nug oɗe dim lamidkkunig,” awa aum.

Sam 119:106

Da nahip ɗo, ag genab tutukkuib amu, da ɗo amu dim lamidkkulnu nai ɠagattag qetten ami. Da amu ain, da amuib hekkulnu baula ɠagattag ami.

Sam 66:14

Ge, da uugppa dayeye, keeke da na amenppa ami amu, da hekkul. Ao, da oɗelppa aɗi ami amu, da hekkul.

Duteronomi 18:2

Ag Israel laa oh oolagppa wan laa, ag aulag daakkunu, laa ii aɗamna. Yawe Nug ag amelagppa hekkununab nai anan qakkom bia, nuhig atognoattak, amuam ag aulag daatte.

Sam 119:2

Genab, aun aɗi ag Yawenu ɗo, kobol ele ɠagattag aɗan dim lamidtteb, ag Nug anidna dim lamidkkulagnu meulag ohppa Nug maditteb ele amu, ag itittak ena aoppig daatteb.