Sam 119:53 - Nobonob Baibel

⁵³ Nau hak danab ag nahip ɗo dim lamittaknu uutteb. Ag amu hetteb, kobol ahilag amuam he, da ool huana nauhtte.

Sam 119:53 Referans Kwoze

Esra 9:3

Haen ag da amelppa anam aeg doyen, da dahil lamen elab, lamen nakok elab, da lamen aɗit amu aɗe patiɗaten, da ikkil uɗug, akkaɗil ele laih aɗe hiɗen, da dabmak huanaknab awen, heɗep nein daami.

Sam 119:158

Danab ah ag na aɗi attem, ag amunu oolagppa genab ii dootteb, ag nahip nai ii dim lamidtteb amunu, danab ah amunu da oolppa uuaknab doottem.

Pilipai 3:18

Aɗinu? Danab kuɗum laa, ag ig oittem bia ii oitteb. Da matu haen kuɗum ag amelagppa danab amunu ami, amubia gemu ele iikku aiyi, amel leb nette. Ag Kristus, Nug ad emaitakppa mauhom, ag dabmak amunu kekeɗab daatteb.

Jeremaia 13:17

Amge ag nuhig nai dooglagnu uun, ii dim lamidkkulag dayeb amu, ahilag dada hak, diig amunu, da dakka piɗe dayeye gaakkul. Ge, ag Yawenu danab ah, ag nai dooglagnu uun, ii dim lamidkkulag dayeb amu, ahilag hak nau, diig amunu kekeɗ ag uɗin, eɗadna, aɗualadna diin goppeg, ag wan laappa diia ukka laih me dayak danab ah daaglag amunu, da eheɗ gaappi, da amel leb huanak nekku.

Esra 10:6

Ag anam heeg, aakku Esra nug Kayak laug odppanu aha, Eliasip bekka Jehohanan, oo nug daatteppa, nug appa ukkom. Nug appa ukka dayaya, nug Israel danab ah ag diia ukka laih me dayak danab ah daan, eɗun uɗippig ele, ag Kayak ippuanattomnu oo metta ii uuak kobol ii dim lamidppig, nug amu dabmaama, ahilagnu mahiak uɗat haaha dayom amunu, nug danab amunu oo nug dayomppa dayaya, nug ee, le ele laa ii laum.

2 Korint 12:21

Am da eɗue ag gumatte goppi, Kayak Nug ag matu hipunin heppig, Nug hipunin amu ippuniɗeb, ag noolagppa da uɗal nekkunu ool ii daatte. Geha da danab ah kuɗum ag hipunin digdig, kobol dubuttid ele, gappai kobol, hipaɗu ahak kobol ele heppig, ag amunu oolag ii eɗuom ele anttena amu, da amunu gaakkul, amge da anam antten gaakkulnu ool ii daatte.

Habakuk 3:16

⌊Uug ihinigppa bekku amu,⌋ da amunu daulppa doye, gamalppa uttu taub huan qutu qutu ettom. Ao, da oqotti amu doye, da eheɗ baɗen, da ottil hahaɗom. Da ebehil bodoettom. Da bael laih laih oh hahaɗpiɗ. Anam, amge na danab amu, nuhikkud daup ele eheɗ hadappe, ag nena qekkulag amunu, da deɗ amu ameg mekkul. Da tappaɗak heinne, ameg ii mepa. Iitta. Da na nahip haenppa heppe bekkunu ameg mekkul.

Daniel 4:19

King Nebukatnesar nug Daniel, onig laa Beltesasar, nug amegppa anam a, Daniel nug dabmak huan awe, nuhig dabmak he, nug eheɗ baɗe, king nug amu antta, Daniel amegppa aum. “Beltesasar, tul niiak dahil amunu, meu ele aib heeb baɗame,” awa aum. Nug anam a, Daniel nug eɗua, nob ma aum. “O dahil naɗi, tul niiak amuam nahip kekeɗ dilag ippuniglo am ena. Ge! Tul niiak amunu meu am laa ag na eheɗ heidkkulagnu hetteb dilag daalo am ena.

Sam 119:136

Danab ah ag nahip ɗo ii dim lamidtteb amunu, da gaai gaai, amel leb huana nette.

Nehemaia 13:25

Juda danab amu ag ah amu diieg, nid amubia daaegeg anatten, da ag daulag baten, ag eheɗ laa awaknu anak waappa daaglagnu nai ami. Da danab amu laala makkuɗatten, laa ikkilkad uɗug eppelppa hiɗami. Da wagai mei, ag dahil nai dim lamidkkulagnu anana, ag nai ahilag Kayak onigppa ɠagattag qettan appig. Dahil nai da ag amelagppa ai doon dim lamidkkulagnu ahilag nai ɠagattag qettan anana, nai ahilag amuam inam. Ag ahilkad nid ah wan amuppan danab ahilkad ah daaglagnu ii mattamnanu, ag wan amuppan ah diin, ag bekkalkad ele ahilkad ah daaglagnu ii mattamnanu, appanu ah ele ag akka ii diimna.

Sam 89:30

Amge Dawit bekkod ag dahil ɗo dim lamittak uuna, ag dahil ib, ɗo dahil ippunadtte amu, ag amu ii dim lamidkkulag dayeb,

Esra 9:14

O Kayak, na ena anam heigme amunu, ig eɗut, nahip nai baula tabapput neeb, nahip ɗo ii dim lamidta, ig danab ah ag kobol laala, na kobol amunu ootppa uuaknab doottem ele amu, ig danab ah amu ele ewau matulak awak hekkunignu daattete? Kobol amuppanu na oot huanak nauheb heppe, ig buɗunkad iitta ele iite daagnig?

Nehemaia 5:6

Juda dilag daɗek bia daappig ag anam aeg doye, da ool huana nauhom.