Sam 119:5 - Nobonob Baibel

⁵ O Yawe, da haen oh nahip ɗo dim lamidkkulnu ool okkai daatte. Ao, da amu hekkulnu ool okkainab daatte. Da keeke laa hekkulnu ool hette ele amu, da amunu ool nakokib hette.

Sam 119:5 Referans Kwoze

Sam 51:10

O Kayak, na heppe, da ool unuqag oppiak ele daakkunu oɗ medattem. Ao, na heppe, dahil dabmak tutukku ele dayeye, na dim lamidkkulnuib hekkulnu unuqidttem.

2 Tesalonaika 3:5

Naɗi Nug ag oolagnu ulum aɗebeb, ag Kayaknu oo mauhak, amu Kristusnu uug doyaya eɗittaknuib dabmak awak kobol ele doon autna aoglagnu oonig daatte.

Jeremaia 31:33

Amu Yawe Nug imu ele atte. “Anam amunu, nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ahilag dabmakppa daakku. Ao, da heppi, dahil ɗo oh ag oolagppa daakku. Da ahilag Kayak daakkul, ag am dahilad danab ah daaglag.

Sam 119:36

Da keeke nau laalanu ool ittag qeebeb aokkul am nau. Da nahip ɗo doyen dim lamidkkul, amuam ena amunu, na da ɗo nahip dim lamidkkulnu ehah meɗakkutnu oɗ medattem.

Sam 119:32

Na ⌊nahip ɗoppa⌋ diignu doyak tutukku dahil tuɗitte, okkai mette amunu, da nahip ɗo, gamag ahak ele dim lamidkkul.

Sam 119:173

Da nahip oo yaak nai ɗo bia oh dim lamidkkulnu amu, da ib amu tituanmi amunu, na ehaniɗkkutnu babaittak daakkunu oɗ medattem.

Sam 119:159

O Yawe, na da nahip oo yaak nai ɗo bia, na da nai amunu ool mauhtte anidkkutnu oɗ medattem. Na danab ah dilagnu oo mauhaknab doottem amunu, na dahilnu oo mauhaknab doon heppe, da ii mauhpanu unuqidttem.

Sam 119:131

Da genab nahip ɗo doolomnu ool huanaknab daye ⌊amu hekkulnu uɗat okkainab⌋ hettem amunu, da danab uɗat huana haaha, hik qette bia heinne daattem.