Sam 119:43 - Nobonob Baibel

⁴³ Da nahip ɗo dim lamidkkul dayeb amu, da elele hekkul. Elele haknu ib laa iitta amunu, na doyak diig genabibnu nai dahilppanu aɗilmananu oɗ medattem.

Sam 119:43 Referans Kwoze

Sam 9:4

Aɗinu? Na da epeɗilna, ag hamu da eheɗ heiɗtteb anidme. Ao, na nahip sia kingppa daan, da eheɗ ii hemi anidna, na genab tutukku hak kobol dim lamidna ehaniɗme.

1 Pita 2:23

Danab ag nuhignu nai eheɗ appig, amge Nug nai eheɗ ahilagnu nob ii meum. Nug guittak awom, amge nuhig guittak amunu Nug ag nob nau aoglagnu ii aum. Jesus Nug amu ii heum, me Nug Kayak, epeɗiakppa keeke oh eleleppaib epeɗidtte amu, Nug nukka Nug beɗu oh Nug eppegppa meum.

Epesus 1:13

Ag Epesus daatteb amu, ag ele nai doyak diig genabibppanu, amuam Kayak Nug ag eɗua diikkunu ib babaittomnu Nai Ena, nai amu doonna, ag Kristusnu oolagppa genab dooppig amunu, ag Kristusnu daatteb, amu ag Kayak Nug nuhig Ouɗi, anukka Nug megakkunu nai qakka aum amu, ag genab nuhikkudnab daatteb miag atiak daakkunu, Nug nuhig Ouɗi ag mattom.

Sam 119:175

Da na binan humakkulnu na ehaniɗppe, da bau daappi, nahip ɗo amu ehanittak meɗaglagnu oɗ medattem.

Jems 1:18

Iitta! Nug nukka dabmak nuhig dim lamitta, Nug nai nuhig doyak diig genabibppanu, Nug amuppa ha, ig Nug danab ag attem daaglagnu dabmeum ele amu, ig amubia daagnignu Nug bauklel ig mekkom.

Sam 119:52

O Yawe, da nahip ɗo ig anukka mekkame amu, da dabmette aute aottem. Ɗo amu oh da oo mak meɗatteb.

Sam 119:13

Nahip ɗonu ig amenigppa ame amu, da laa dilagppa mehuqttem.

Sam 119:120

Da nahipnu ebehil oh eheɗ bodoetta le meeme, da beɗul hahaɗtte. Da nahip ɗo tippalen eheɗ heppi, na bu meɗamnanu baɗattem.

Sam 50:16

Amge Kayak Nug nau hak danab dilag atte. “Ag dahil ɗo oɗelagppa maditteb, amge aɗinu? Ao, ag nug tituana nai qakkak ig hemut ele amu oɗelagppa maditteb amge aɗinu?

Sam 43:1

O Kayak, na heppe, tutukku hak dahil miag atikkunu ool daatte. Ao, danab ag nahipnu oo metta ii uuak kobol ii dim lamidtteb amu, ag da naippa meiɗppeg, na dahilppa daanna, ahilag nai qeppe nekkunu oɗ medattem. Ge, haen danab nau, ag hambuppuak danab, ag da heiɗppeg nauhkkulnu heppeg amu, na ehaniɗppe, da ag eppelagppa, qagaiettak amuppa ii daapanu unuqidttem.

Sam 9:16

Yawe Nug hanhan nai doya mala hettoɗia epeɗia elele mettak kobol dim lamidtte amu, danab ah ag amu dootteb, amge nau hak danab ag akka ahilag pelemppa notteb. Ag amu dabmetteg! Sila.

Aisaia 59:21

Amu Yawe Nug atte. “⌊Danab ah ag oolag eɗuom ele⌋, da, ge da, da ag ele imu hekkunignu nug tituana nai qakkak hettem. Da dahil Ouɗi, Nug ahilagppa daatte, amu da heppi, Nug ag, ag bekkalkad aɗelkad ele, amu ag bekkalkad aɗelkad ele amu, Nug ag oh ele gemu, hanhan ele anam daaglag. Laa, dahil nai, ag oɗelagppa daatte amu, da heppi, nai amuam ag oɗelagppa, ag bekkalkad aɗelkad ele oɗelagppa, amu ag bekkalkad aɗelkad buɗulkad oɗelagppa ele gemu, hanhan ele anam daakku.” Yawe Nug anam atte.

Sam 119:74

Da na aɗi hekkutnu ame amu, na amu hekkutnu oolppa genab doottem amunu, da na dahilnu, na ame bia, na ena heiɗppe, laa oh ag nahipnu ebehilag oh bodoetta le mette ele ag amu anidna, ag oolag gamag ahakkunu ool daatte.

Sam 119:81

Da gai-iittanab daaiyi, na da ehaniɗppe padal ii mepanu ool naɗinab daatte. Na da ehaniɗppe, da ii padal mepanu ame amu, da na anam hekkutnu oolppa genab doottem.

Sam 119:114

O Yawe, na am dahil padal mak eɗitta ena dayaknu ehanittak, na dahil guppiɗ ele daattem. Da nahip nainu dabmein, ena daakkulnu dabmak aɗe oittem.

Sam 119:147

Da aam ii beebe, tatam da ahen ehaniɗkkutnu unuqidttem. Na da ehaniɗkkutnu ame amunu, da amu bekkunu dabmak aɗe oittem.