Sam 119:25 - Nobonob Baibel

²⁵ Da gappudppa dayeye, oolppa elele iittanab iitta doottem. Na ame bia amu, na ehaniɗna heppe, da eɗue, ena daakkulnu oɗ medattem.

Sam 119:25 Referans Kwoze

Sam 119:159

O Yawe, na da nahip oo yaak nai ɗo bia, na da nai amunu ool mauhtte anidkkutnu oɗ medattem. Na danab ah dilagnu oo mauhaknab doottem amunu, na dahilnu oo mauhaknab doon heppe, da ii mauhpanu unuqidttem.

Sam 71:20

Na da uug digdig, nau ele aokkulnu aib ii ae, aakku toniɗppig, amge na da ehaniɗppe, da ena daakkul. Yo, uug okkai okkaippanu, na humiɗna awiɗppe, da eɗue ena daakkul.

Sam 143:11

O Yawe, danab ah ag na oninnu dabmak anuqak aoglagnu amu, na da mauhpanu ehaniɗkkutnu oɗ medattem. Keeke oh na hettem amu, amuam genab tutukkuib, amu na ehaniɗppe, da uug imuppa ii daapanu unuqidttem.

Sam 44:25

Aɗinu? Kekeɗ ihinig ag heeg, ig neta qeta, wanppa eheɗnab niittem. Ao, ihinig kekeɗ ag ig eɗikkeg, ig gappudppa neta qeta niittem.

Kolosi 3:2

Ag hanhan keeke attan amunuib dabmak aweg! Wanppanu keeke amu, ag amunu dabmak aib aoppig.

Sam 119:156

O Yawe, na am oot bodoetta, le ma auta autanab aotte. Ao, na hanhan nai doya mala hettoɗia epeɗia elele mettak kobol dim lamidttem. Amu nahip kobol amu ippunigtte bia, na heppe, da bau daakkulnu oɗ medattem.

Sam 119:93

Na nahip oo yaak nai ɗo bia, na nai amu da ippuniɗna heehe, da beɗul ena dayak aomi amunu, da nahip nai amu ii daul atima.

Sam 119:88

Na danab ah dilagnu oo mauhaknab doottem amunu, da nahip ɗo dim lamidkkulnu na dahilnu oo mauhaknab doon heppe, da ii mauhpanu oɗ medattem.

Sam 119:40

Antte! Da nahip oo yaak nai ɗo bia oh dim lamidkkulnu ool huana hette. Na genab tutukku hak kobol aakkuib dim lamidttem amunu, na ehaniɗna heppe, da eɗue ena daakkulnu oɗ medattem.

Sam 119:37

Na ɠagattag iuppe, da keeke nau oh dimattei! Na heppe, da nahip naippa dayen oikkulnu oɗ medattem.

Sam 80:18

Na anam hekkut dayeb amu, ig na ii dimettamta. Na ig bau dayaknu, na bau ig megappe, ig baula na onin diignig.

Duteronomi 30:6

Ag Yawe, ahilag Kayak, Nug ag meulag ohppa, oolag ohppa ele nuhignu oo mauhak doona, ag bau daaglagnu, Yawe Nug heeb, ag, ag buɗulkad ele ag oolag oppiaawak ele daaglag.

Pilipai 3:19

Ag akka ag beɗulagnuib dabmetteb, amu dabmak amuam ahilag kayak aakku daatte. Ag uɗa nak keeke digdignu oolag gamag ahehe, ag wanppanu keekenuib dabmetteb. Danab amunu ag geha padal mak aoglag.

Sam 119:149

O Yawe, na oo mauhaknab kobol dim lamidttem amunu, na dahil ewak dookkutnu oɗ medattem. Ao, na nai doya mala hettoɗia epeɗia elele mettak kobol dim lamidttem amunu, na heppe, da bau daakkulnu unuqidttem.

Sam 119:107

O Yawe, da guittak naunab doottem. Na da ehaniɗppe, bau daakkulnu ame amu, na anam hekkutnu oɗ medattem.

Aisaia 65:25

Haen amuppa da heppi, doɗ wulp, sipsip nag ele aa laippu daayya, ee lakkulah. Doɗ laion, makau gikkiɗah latte bia gikkiɗah lakku. Mat ag baula danab ah guittak ii mattamna. Dahil qauko, qauko amuam dahilnu tituanak daatte amu, qauko amuppa amu laa nug guittak iinab mettama. Laa nug keeke laa iinab heeb nauhma!” Yawe Nug anam atte.

Sam 22:15

Hinai ooppa le qaɗaietta, le nakok laa iinab daatte bia, da oolppa ɠagattag iittanab. Am danab le iittanu mauhkkunu heehe, lemaɗu oɗe qataqette, amubia da mauhkkulnu male daami. Ge, na hee, da danab beɗu gai-iittanab dayaya, gappudppa niiaya, mauhkkunu hette bia, da mauhkkulnu hettem.

Matyu 16:23

Pita anam awa a amu, Jesus Nug eɗua Pita amegppa aum. “Satan, na dimulppa gona, da ippulppa aib daame! Na Kayaknu dabmak ii dim lamidttem; na danab dilag dabmak dim lamidttem,” awa aum.

Sam 44:26

Na ahan dona ig ehanigkkutnu oɗ medattem! Ao, na nahip oo mauhaknab kobol dabmena, na ig qagaiettakppanu eɗua uhuqak dayaknu hekkutnu unuqidttem.