Sam 119:2 - Nobonob Baibel

² Genab, aun aɗi ag Yawenu ɗo, kobol ele ɠagattag aɗan dim lamidtteb, ag Nug anidna dim lamidkkulagnu meulag ohppa Nug maditteb ele amu, ag itittak ena aoppig daatteb.

Sam 119:2 Referans Kwoze

Jeremaia 29:13

Ag da aniɗna dim lamiɗkkulagnu mattiɗkkulag, amu ag meulag ohppa amu henana, ag da aniɗkkulag.

Sam 119:10

O Yawe, da nahip dabmak dookkulnu meul ohppa dabmettem. Na heppe, da ɗo nahip dim lamittaknu ib amu apiɗidpanu oɗ medattem.

Duteronomi 4:29

Ag geha wanppan wan laalappa anam appa daanna, ag Yawe, ahilag Kayak, ag Nug anidna dim lamidkkulagnu Nug mattiglag. Amu ag meulag ohppa, oolag ohppa ele Nug anidna dim lamidkkulagnu Nug mattiglag dayeb, haen amuppa ag Nug anidkkulag.

Jon 14:23

Judas laa amu nug anam a, Jesus Nug aum. “Danab laa nug dahilnu oo mauhak dootte dayeb, nug dahil nai ele dim lamidkku. Aria, danab amunu amu da Mamel Nug nuhignu oo mauhkku. Amu da Nug ele, i nuhigppa nepuɗ, ig oh laippu, danab ewam lag laippuppa daatteb, amubia haen oh daagnig.

Sam 25:10

Am danab ah aun aɗi ag Yawenu nug tituana nai qakkak dim lamidtteb, ag nuhig nai ele oh waappa daan, dim lamidtteb ele amu, Yawe Nug oo mauhaknab kobolppa, oo metta ii uuak kobolppa ele ag ehanadtte.

Esekiel 36:27

Amu da ele da Ouɗil ag matten, da heppi, ag dahil nai dim lamidkkulagnu dabmak anuqak aɗan oiglag. Ag dahil ɗo iɗu iɗu ii tippalmananu dabmak okkainab aoglag.

Prowerb 23:26

O bekkal, na oot da meɗe! Na dahil oiyak anidna, amuib dim lamitte!

Duteronomi 6:17

Ag Yawe, ahilag Kayak, ag ebehilag qaietteb dabmena autnanab aonna, nuhig haknunab anak nai dim lamidkkulagoitte. Amuam ɗo iɗu iɗu oh Nug ag mattom.

2 Stori 31:21

Hesekaia nug aɗi keeke Kayaknu mettid lag, nug amuppa hekkunu ha, nug Kayaknu ɗo ele dim lamidkkunu ha, nug Kayak aɗi aɗi hekkunu haknunab anak nug amegppa aum ele amu, nug keeke amu ohnu Kayak antta dim lamidkkunu Nug madikkunu dabmak awa, Nug dim lamidkkunu meu ohppa ele amu heum. Hesekaia nug anam he, Kayak ehanitte, nug elelenab dayom.

1 King 2:3

Amu na Yawe, nahip Kayak, na nuhig nai ig hekkunignu mekkom, nuhig kobol oh ele dim lamitte! Na gona, adeppa adeppa daanna, appa na keeke aɗi hettem, amu keeke amu ena bekkulagnu, na nuhig ɗo iɗu iɗu oh, amu nuhig haknunab anak oh ele, Nug Moses oɗeppa ig mekkom amu, na amu oh dim lamitte!

Sam 105:45

Yawe Nug keeke amu oh heumnu diig am, Israel danab ah ag anidna, ag nuhig oo yaak nai ɗo bia dim lamidna, nuhig ɗo ele dim lamidkkulagnu Nug heum. Ag Yawe binag meig!

Duteronomi 6:5

Ag Yawe, ahilag Kayak, ag nuhignu ag meulag ohppa, oolag ohppa, ahilag ɠagattag ohppa ele oolag mauhaɗ!

Sam 119:22

Da nahip ɗo dim lamitten daattem amunu, na heppe, danab ah ag dahilnu, “Keeke hamunab,” doon heppeg, da uɗal nemanu oɗ medattem.

Sam 119:146

Da nahipnu ettem. Am da nahip ɗo dim lamidkkulnu amu, na ehaniɗppe, da padal ii mepanu unuqidttem.

1 Stori 22:19

Anam amunu, gemu ag Yawe, ahilag Kayak, ag meulag ohppa Nug anidna dim lamidkkulagnu Nug mattieg! Ag Yawenu Tituanak Nainu Kunup kontrak inak ele aon uɗin, Nug laugppa mekkulagnu, ag keeke laala Kayaknu tituanak daatteb, ag amu ele aon, Nug laugppa mekkulagnu amu, ag ahan, Yawe Kayaknu mettid lag digmeig! Ag lag hekkulag amu, lag amuam Yawenu, Nug onig aguppa daakku,” awa aum.

Sam 119:17

Da am nahip maɗi nid. Na dahilnu oot bodoettebeb ehaniɗkkut amu, da bau dayeye, da nahip nai dim lamidkkul.

Sam 119:33

O Yawe, na nahip ɗonu diig ippuniɗppe dookkulnu oɗ medattem. Na anam heppe, da deɗ ohppa genabnab genab dim lamidkkul.

Sam 119:34

Da nahip ɗo dim lamidkkulnu, da meul ohppa anam hekkulnu amu, na ɗo nahipnu diignu doyak tutukku meɗakkutnu oɗ medattem.

Sam 119:57

O Yawe, keeke ena oh da eppelppa daakkunu elele amu, na nakka keeke amu oh abenlag aon dayeye, na da ele daattep amunu, da ena, elele daattem! Da nahip ɗo dim lamidkkulnu nai ainne qagattem.

Sam 119:69

Am beɗup tak danab ag dahilnu hambuppueg, laa ag dahilnu nau dootteb, amge da meul ohppa nahip oo yaak nai ɗo bia, da nai amu dim lamidttem.

Sam 119:88

Na danab ah dilagnu oo mauhaknab doottem amunu, da nahip ɗo dim lamidkkulnu na dahilnu oo mauhaknab doon heppe, da ii mauhpanu oɗ medattem.

Sam 119:101

Da nahip nai dim lamidkkulnu elele daakkulnu, da ib eheɗ laappa oiyaknu uuen, appa ii oittem.

Sam 119:115

Da dahil Kayaknu ɗo dim lamidkkulnu amu, laa ag nau hetteb ele, ag dahilnu awaidna ukkeg!