Sam 119:172 - Nobonob Baibel

¹⁷² Nahip ɗo oh am genab tutukkuib amunu, da nahip nai binag mekkul.

Sam 119:172 Referans Kwoze

Epesus 4:29

Nai uɗig wak laa ag oɗelagppa aib beum. Iitta. Nai ena danab ɠagattag madatte, danab ehanadtte, nai amuib ag oɗelagppa baɗ! Amuppa danab ag ahilag nai dootteb ele amu, ehanittak mattaglagnu elele.

Rom 7:14

Ig doottem, Kayak Nug nuhig ɗo am Kayaknu dabmak ippunigtte, amge da ool alag ele amunu, da Kayaknu dabmak ii dim lamidttem. Hipunin da hippaliɗom amunu, da nuhig begbeg maɗi nid daattem.

Rom 7:12

Amunu ig doottem, ɗo nukka am enanag, oppiaawak ele. Amu ɗonu haknunab anak oh ele am oppiaawak, tutukku, amu ena ele.

Sam 37:30

Genab tutukku hak danab ag doyak dabmak ena elenu nai maditteb. Yo, ag aɗi kobol nai doya mala hettoɗia epeɗia elele mettak kobol dim lamidtteb ele, ag amunu dabmena maditteb.

Sam 119:142

Na hanhan genab tutukkuib daattem, anamib daakkut; nahip ɗo am genabib.

Sam 119:138

Nahip ɗo am genab tutukkuib daatteb. Ao, danab nug nahip ɗonu genab elele dookkunu elele.

Kolosi 4:6

Ag nai mattinna, ag hanhan oo bodoettak kobol dim lamidna, ag danab oh dilag oɗmak oolagppa daatte nob mekkulagnu elele daaglagnu, ag dabmak tutukku tatam aowona, nai mattieg!

Sam 119:86

Danab ah ag nahip haknunab anak ohnu am genab elele dooglagnu elele. Ao, am anam amge hipunin hak danab ag diig iittappa da heiɗkkulagnu hetteb amunu, na da atognoiɗkkutnu oɗ medattem.

Sam 119:13

Nahip ɗonu ig amenigppa ame amu, da laa dilagppa mehuqttem.

Sam 119:46

Da nahip ɗonu king amelagppa abippi, ag heppeg, da uɗal ii nema.

Sam 78:4

Ig nai genab amu ig nid ihinkad doomnanu ii lokkumadmata. Ao, menuattak huu laippu bia bau dotteb ele amu, ig apput dooglag. Ig Yawe keeke okkai okkai heumnu apput dooglag. Ao, ig nuhig ɠagattagnu, amu kobol danab hekkunu elele iitta nug heumnu ele mattignig.

Duteronomi 6:7

Ag nid naunau ahilkad dilagppa amunu eɗunna madippeg dooglag. Haen ag laulkadppa daanna, adeppa adeppa gonana, niiglag henana, niion eɗun ahatteb, haen amu ohppa ag mattiak hebeppeg dooglag.

Sam 119:128

Da nahip oo yaak nai ɗo bia ohnu amu, da ag tutukkuib daatteb oolppa genab doottem. Ao, da nahip ɗo, nahip oo yaak nai ɗo bia ohnu anam doottem amunu, da ib eheɗnu nau ninig ele doottem.