Sam 119:149 - Nobonob Baibel

¹⁴⁹ O Yawe, na oo mauhaknab kobol dim lamidttem amunu, na dahil ewak dookkutnu oɗ medattem. Ao, na nai doya mala hettoɗia epeɗia elele mettak kobol dim lamidttem amunu, na heppe, da bau daakkulnu unuqidttem.

Sam 119:149 Referans Kwoze

Aisaia 63:7

Yawe Nug ig Juda, Nug ihinignu oo mauhaknab doya, Nug keeke ena kuɗum, ig keeke amunu Nug binag mekkunignu daatte amu, Nug amu heum. Nug kobol ena kuɗumnab ig Israel, ihinignu haaha, Nug ihinignu oo gai-iitta doya, oo mekka ehanikkom. Nug ihinignu oo mauha, anamib daatte amunu, da amunu laa amelagppa madikkul.

Sam 119:40

Antte! Da nahip oo yaak nai ɗo bia oh dim lamidkkulnu ool huana hette. Na genab tutukku hak kobol aakkuib dim lamidttem amunu, na ehaniɗna heppe, da eɗue ena daakkulnu oɗ medattem.

Sam 109:21

Amge, O Naɗi Yawe, danab ah ag na oninnu dabmak anuqak aoglagnu, na dahilnu ena hekkutnu oɗ medattem! Na oo mauhaknab kobol dim lamidttem amunu, na amu dabmenana ehaniɗppe, da qagaiettakppa ii daapanu unuqidttem.

Sam 55:2

Na dahil unuqittak doona, nob ena meɗakkutnu oɗ medattem. Dahil kekeɗ ag nai nau dahilnu atteb. Ao, nau hak danab ag guittak meɗaglagnu dabmena, amelag behabe, da neekkiɗtteb. Ag anam hetteb amunu, da uug digdig toniɗe, elele iittanab doottem. Da anam doottemnu diig am, ag heeg, da guittak doottem. Ao, ag dahilnu oolag nauhe, ag da aon aon iutteb.

Sam 51:1

O Kayak, na ig danab ah, na ihinignu oo mauhaknab doottem amunu, na dahilnu oot gai-iitta doon oot meɗan ehaniɗkkutnu oɗ medattem. Yo, na ig danab ah, na ihinignu na oot bodoetta, le ma auta autanab aotte amunu, na dahil hipunin uhuqna meɗakkutnu unuqidttem.

Sam 119:156

O Yawe, na am oot bodoetta, le ma auta autanab aotte. Ao, na hanhan nai doya mala hettoɗia epeɗia elele mettak kobol dim lamidttem. Amu nahip kobol amu ippunigtte bia, na heppe, da bau daakkulnu oɗ medattem.

Sam 119:25

Da gappudppa dayeye, oolppa elele iittanab iitta doottem. Na ame bia amu, na ehaniɗna heppe, da eɗue, ena daakkulnu oɗ medattem.

Sam 69:16

O Yawe, na oo mauhaknab kobol nahip dim lamidttem amunu, na kobol ena nahip amu dabmenan, dahil unuqittak dookkutnu oɗ medattem. Ao, na ig danab ah, na ihinignu na oot huana gai-iitta dayeye, oot mekkan ehanigttem amunu, na eɗun, da ehaniɗkkutnu unuqidttem.

Sam 119:154

Danab ah ag da eheɗ nau hemi anan, da mauhkkulnu atteb, amge na heppe, ag hambuppuak madittebnu miag atikkunu, na da qagaiettakppanu eɗua uhuqak hena meɗakkutnu oɗ medattem. Ao, na da bau daakkulnu nai ame amu, na amu hekkutnu unuqidttem.

Sam 64:1

O Kayak, uug da toniɗom daatte amunu, na dahil unuqittak dookkutnu oɗ medattem. Kekeɗ dahil ag da iuglagnu atteb. Na ag amu hemananu ahilag ib oo nekkutnu unuqidttem.

Sam 119:88

Na danab ah dilagnu oo mauhaknab doottem amunu, da nahip ɗo dim lamidkkulnu na dahilnu oo mauhaknab doon heppe, da ii mauhpanu oɗ medattem.