Sam 119:139 - Nobonob Baibel

¹³⁹ Dahil kekeɗ ag oolag eɗueb, na dim lamidkkulagnu uɗat hekkulnu yag-nab-bak doye, hei ukke, da ebehil bodoettom. Aɗinu? Dahilad kekeɗ ag nahip nai dimettan, ii dim lamidtteb.

Sam 119:139 Referans Kwoze

Jon 2:17

Jesus anam a, nuhikkud ippunittak awak danab ag Kayak naippa nai daatte, nai amu ag daulagppa doum. Nai amuam inam. “Na lautppa, na ig attemnab daagnignu ippunigttem amu, da amunu yag-nab-bak doye hettem.”

Sam 69:9

Ag dahilnu anam doottebnu diig am inam. Na lautppa, na ig attemnab daagnignu ippunigttem amu, da amunu yag-nab-bak doye hettem. Amu laa ele amu, danab ah ag na aon aon naunab nidatteb amu, nai nau amu dahilppa aakku uɗia, da yaaiɗtte.

Aposel 13:27

Aria, danab Jerusalem daatteb amu ahilkad ikki danab ele, ag Jesus anidna, ag Nug am laa propet ag uɗikkunu appig amu, ag amu oolag ii maittom. Anam amge haen ag Nug qeeg mauhom, haen amuppa ag propet dilag yaak, Sabat deɗ ohppa ebqetteb ele amu, ag hena, ag nai amu elele medappig.

1 King 19:10

Yawe Nug anam oɗ mette, Elaiya nug nob ma aum. “O Yawe Kayak Nakka Ɠagattag Oh Ele, da na oɗen haen oh dim lamidkkulnu yag-nab-bak doyen hettem, amge Israel danab ah ag na hee, na ag ele ag nug tituanna nai qagappig amu, ag nai amu tippalna ii dim lamidtteb. Ag amu henana, ag qaɗab nahip ele loppaɗna, ag nahipad propet laa oh ele qep elabppa aqaeg mauhppig; da dakka iikku daattem, amu gemu ag da ele iuppeg mauhkkulnu mattiɗtteb,” awa aum.

Matyu 22:29

Ag anam aeg am Jesus Nug oɗelagppa awa aum. “Ag am Kayak nai ii doonna, Kayaknu ɠagattag ele ag ii dootteb amunu, ag madittebnu diignu doyak tutukku iitta ele daan, nai maditteb.

Matyu 21:42

Aeg amu, Jesus Nug amelagppa aum. “Ag Kayak naippa nai laa daatte amu, ag iite ebqeppig? Nai amuam inam. ‘Men laa, lag hak danab ag men amu uuppig, amge lag mameg nug men amu awa me, lagnu men anuqak daatte. Naɗi Nug men amu he, men amu anuqaknab dayeye, ig amenigppa anidta, ig enanag doot, dabmak kuɗum aottem.’

Matyu 21:16

Nug oɗ medappig. “Na nid naunau aɗitai atteb umu doottemte?” aon appig. Aeg amu Jesus Nug amelagppa aum. “Da doottem, amge ag nai laa daatte ele amu ag iite ebqeppig. Nai amuam inam. ‘Na he, nid naunau amu nid yuɗ huhppanu ele ag na binan humaglagnu dootteb.’ ”

Matyu 21:13

Jesus Nug anam hewowa, Nug aum. “Kayak naippa yaak inam daatte. ‘Danab ag da laul am danab ah dilag unuqiɗak lag daatte dooglag,’ amge ag heeg, nug yab danab naunab dilag lokkumak aben bia daatte!” awa aum.

Matyu 9:13

Gemu ag nai imu Kayak Nug mattiom, nuhig naippa daatte, ag nai amu anidna doyeg! Nai am inam. ‘Da ag laanu oolag gai-iitta doon oolag mattan ehanadkkulagnu anuqak doottem. Da ag doɗ main meɗaglagnu anuqak ii doottem.’ ” Jesus Nug anam anana, Nug tuɗitta aum. “Da genab tutukku hak danab ag oolag eɗukkunu ii uɗimi. Iitta! Da hipunin danab ag oolag eɗukkunu uɗimi,” awa aum.

Sam 53:4

Amu Kayak Nug oɗ mette. “Danab ag kobol nau hetteb, ao, danab ag laa bret latte, amubia ag danab dahilad hattaeg nauhtteb, ge, danab ah ag da Kayak ii unuqiɗtteb ele amu, danab amu ag da ag bu madakkulnu iite dabmetteb?” awa oɗ mette.

1 King 19:14

Yawe Nug anam oɗ mette, Elaiya nug nob ma aum. “O Yawe Kayak Nakka Ɠagattag Oh Ele, da na oɗen haen oh dim lamidkkulnu yag-nab-bak doyen hettem, amge Israel danab ah ag na hee, na ag ele ag nug tituanna nai qagappig amu, ag nai amu tippalna ii dim lamidtteb. Ag amu henana, ag qaɗab nahip ele loppaɗna, ag nahipad propet laa oh ele aqaeg mauhppig; da dakka iikku daattem, amu gemu ag da ele iuppeg mauhkkulnu hetteb,” awa aum.

Sam 69:10

Haen da gayeye, kud daattem, haen amu danab ah laa ag dahilnu, “Keeke hamunab,” dootteb.