Sam 119:13 - Nobonob Baibel

¹³ Nahip ɗonu ig amenigppa ame amu, da laa dilagppa mehuqttem.

Sam 119:13 Referans Kwoze

Sam 37:30

Genab tutukku hak danab ag doyak dabmak ena elenu nai maditteb. Yo, ag aɗi kobol nai doya mala hettoɗia epeɗia elele mettak kobol dim lamidtteb ele, ag amunu dabmena maditteb.

Sam 34:11

Dahilad nid naunau ag dona, nai dahil doyeg! Ge, da ag Yawenu ebehilag oh bodoetta le mekkunu ippunadkkul.

Aposel 4:20

Aa anam awoya am baula tuɗidya apiɗ. “I amu oɗenih qamutkkunihnu ele iitta. Aɗinu? I keeke oh amenihppa anidɗa, nuhig nai doomuɗ ele amu, ib laa iitta, mehuqkkunihnab,” aoya apiɗ.

Matyu 12:34

Ag danab nau, ag am mat nau bia. Danab ooppa aɗi dabmak ambak niitte, amuib amu oɗeppa ele maditte amunu, ag nau daatteb, ag attemun ag kobol enanu mattiglag?

Sam 119:172

Nahip ɗo oh am genab tutukkuib amunu, da nahip nai binag mekkul.

Sam 119:46

Da nahip ɗonu king amelagppa abippi, ag heppeg, da uɗal ii nema.

Sam 118:17

Da ii mauhpa. Iitta! Da bau dayeye, da Yawe, Nug dahilnu aɗi heum amu, da amunu danab ah amelagppa akkul.

Matyu 10:27

Amu nai da tuqan madittem amu, ag amunppa mehuqnana, nai ag otiptip-ppa dootteb amu, ag lag koɗokko uɗem ukkakppa hippaidna daanna, enan mehuqeg!

Duteronomi 6:6

Am ag gemu da ag haknunab anak, da ag madattem imu amu, ag amunu anuqak doon oiglagoitte.

Duteronomi 6:7

Ag nid naunau ahilkad dilagppa amunu eɗunna madippeg dooglag. Haen ag laulkadppa daanna, adeppa adeppa gonana, niiglag henana, niion eɗun ahatteb, haen amu ohppa ag mattiak hebeppeg dooglag.

Sam 18:22

Laa amu, Yawenu ɗo oh am hanhan dahil neekkakppa daatteb. Ao, da nuhig ɗo dim lamidkkulnu iinab uumi