Sam 119:118 - Nobonob Baibel

¹¹⁸ Laa ag nahip ɗo ii dim lamidtteb amu, na ag geɗadttem. Aɗinu? Ag hambuppuaknu oolagppa genab doyegeg, hambuppuak amu he, ag ib eheɗppa gotteb.

Sam 119:118 Referans Kwoze

Sam 119:10

O Yawe, da nahip dabmak dookkulnu meul ohppa dabmettem. Na heppe, da ɗo nahip dim lamittaknu ib amu apiɗidpanu oɗ medattem.

Sam 119:21

Beɗuppa tak danab ag ɗo nahip ii dim lamidtteb, ag eheɗ laa awaknu anak waappa daatteb amu, na ag daulag batattem.

Epesus 5:6

Laa nug nai hamu mattiakppa ag eeɗatteb, kobol nau oh amuppa nomananu dabmeig! Aɗinu? Kayaknu oppoɗi bak uɗitte ele am danab oh ag Kayaknu ɗo tappaeg nette ele, ahilagppa daakku

Epesus 4:22

Anam amunu, ag nai aoppig bia, ag oolag alag, nug dabmak eheɗ awa, kobol nau digdig hekkunu dabmaama, mauhkkunu hette ele, nug he, ag matu nuhig dabmak dim lamidppig ele amu, ag oiyak amu uueg!

Sam 119:29

Da hambuppuak nai madipanu na ehaniɗppeppe, da ii madipanu oɗ medattem. Na dahilnu oo bodoette enanag maɗoɗ ele hak kobol dim lamidna, nahip ɗo ippuniɗppe dookkulnu unuqidttem.

Revelesen 18:23

Lamnu amahlak ag baula nahip-ppa ii amahalmana, danab ah aokkunu, ah nug danab aokkunu ele, aa baalah oqotti ele nahip-ppa baula ii daama,” awa aum. Awowa amu, nug nai tuɗitta aum. “Anukka nahipad keeke laihnu awa dadennu mak danab ag wanppanu danab okkai daappig, amu na onig awak kobol nahip-ppa na atu atu danab amelag aonna, ham-ele-buppualadme.” Engel ebehi ele nug anam aum.

1 Jon 2:21

Ag doyak diig genabib ii dooppig amunute da imu yaattem? Iitta! Ag doyak diig genabib amu dootteb amunu, da ahilagnu yaattem. Amu ag ele dootteb, nai hambuppuak laa doyak diig genabibppa ii daatte.

2 Timoti 3:13

Amge danab nau, hambuppuak aɗi ele, ag kobol nau henana, tuɗidna naunab henana, ag laa hambuppualattegeg, laa amu ag ele ag hambuppualadkkulag.

Luk 21:24

Geha laala ag qep elabppa mauhkkulag, am laala, ahilkad kekeɗ ag ag diin gona, wan laa ohnu oolagppa maadppeg daaglag. Amu iitta aɗi ag uɗin, Jerusalem aon daana, uug medappeg ukkeb ukkeb, ahilag haen Kayak tituanom ele maleb malakku.

Malakai 4:3

Da amu oh heppi bekku, deɗ amuppa ag nau hak danab eɗadkkulag. Ag eɗadkkulag amunu, kekeɗ ag aab uhuɗ bia, ag baelkad waappa daappeg, ag qaɗelagppa tappan gokkulag.” Yawe Nukka Ɠagattag Oh ele Nug anam awa atte.

Aisaia 63:3

Amu laa nug uɗitte amu, nug nob ma atte. “Da danab nug nukka grep meu tappa leppu awaknu abenppa grep meu tabatte bia, da dakka kekeɗ ele ban hemut. Wan atu ohppanu laa nug da ehaniɗkkunu laa ii dayom. Laa ehaniɗkkunu iitta amunu, da dakka hemi. Da ool nauhehe, da kekeɗ tappaladmi. Ao, da oppoɗil beebe, da tappalatti neppig. Da anam heiyi, ag tiilag lamen dahilppa ta, qataqeum. Dahil lamen oh am tiig amu laittak ele.

Aisaia 44:20

Danab nug kayak hambuppuak dottog hoiya, binag mette ele, nug am dabmak iittanab iitta. Nuhig doyak am kaliak dayaya he, danab amu nug ib tutukku apiɗitta malom. Nug nukka, nug padal memanu nugakka ehanidkkunu elele iitta dayaya, nug dabmak nau nuhig uua, “Kayak hambuppuaknu dottog imu da eppelppa aɗattem ele, keeke amuam keeke genab iitta, am keeke hambuppuaknab,” akkunu ele, elele iitta.

Aisaia 25:10

⌊Aɗinu ag anam akkulag?⌋ Yawe Nug geha Sion qauko anam ena atognokku, amge Moap aɗi, ag eheɗ naunab aoglag. Makau ag gikkiɗah qaɗaiettak tappan oinna biieg, gikkiɗah biiak ele kaboliak daatteb, kekeɗ ag Moap dilagnu amubia hekkulag.

Sam 95:10

Danab amu ag maɗ 40 anamib heegeg, da ahilagnu ool nauhehe daami. Ao, da anam daye, da ami. ‘Danab ah imu ag haen oh dahil ib apiɗidna oitteb. Ge, ag dahil kobol ii doyadppig, gemu ele ii doyadtteb.’

Sam 78:57

Ag mamelkad aɗi heppig bia, ag nuhigib ii dabmena oo metta ii uuak kobol ii dim lamidppig, nuhignu ag ele oolagppa genab ii dooppig. Am lat tanig laa pimalaknu elele iitta, lat doɗo ele pehetta ii ema, laa nug lat pimala ekku amu, ewak am ena ii bema; ig alankad ag lat amubia daappig.

Revelesen 14:20

Amu ag grep meu, grep meu tappa leppu awaknu aben aab okkainu aɗ dimittim appa bappaidppigppa tabappig. Tappaeg, grep leppu noa amba eɗua tiig ba, leta dimittim ukka, 296 kilomita ukkom. Unuqag nuhig am hapahapa ewam bia.

Prowerb 12:20

Danab ag eheɗ hekkulagnu maittak aotteb amu, hambuppuak ag oolagppa daatte; amge laa ag maɗoɗ bekkun hetteb ele amu, gamag ahak ag oolagppa daatte.