Sam 119:104 - Nobonob Baibel

¹⁰⁴ Nahip oo yaak nai ɗo bia, nai amu diignu doyak tutukku da meɗatte, diig amunu da ib eheɗ ohnu, am nau ninig ele doottem.

Sam 119:104 Referans Kwoze

Sam 119:128

Da nahip oo yaak nai ɗo bia ohnu amu, da ag tutukkuib daatteb oolppa genab doottem. Ao, da nahip ɗo, nahip oo yaak nai ɗo bia ohnu anam doottem amunu, da ib eheɗnu nau ninig ele doottem.

Prowerb 8:13

Aun laa nug Yawenu ebehi oh bodoetta le mette amu, nug eheɗ haknu kobolnu nau ninig ele dootte. Da, Doyak Dabmak Ena Ele, da dada kobol, beɗuppa tak kobol, eheɗ hak kobol, amu nai eheɗ tutukku iitta mattiak ele, da kobol amu ohnu nau ninig ele doottem.

Prowerb 14:12

Danab laa ib laa andatta, ib amunu nug nukka nuhig dabmakppa, “Ib imuam ib tutukku,” atte; amge ib amunu gog tak am mauhak.

Sam 119:98

Nahip ɗo hanhan da gukkuiɗak daatte amunu, ɗo amu he, dahil doyak dabmak ena ele, am dahil kekeɗ dilag doyak dabmak ena ele eɗidtte.

Sam 97:10

Ag laa ag Yawenu oolag mauhtte ele, ag kobol naunu, ag nau ninig ele doyeg! Aɗinu? Laa ag Yawenu oo metta ii uuak kobol dim lamidtteb ele, Yawe Nug ag dabmatta, atognoattette, ag bau daatteb. Ge, Nug ag nau hak danab eppelagppanu eɗua diitte.

Rom 12:9

Ag lailkad dilag oo mauhak genabppa oolag mauhaɗ! Ag aib hambuppuak bia heppig. Ag kobol eheɗnu nau ninig ele doyeg! Ag kobol ena amuib aɗan autna aweg!

Sam 119:100

Da nahip oo yaak nai ɗo bia, da nai amu dim lamitten oittem amunu, da diignu doyak tutukku dahil am okkai, danab kaino dilag eɗidtte.

Sam 101:3

Ao, da keeke laa na noomppa uɗig wak ele daatte doottem amu, da amu anttaknu uukkul. Kobol oh danab ag na ii dim lamidtteb ele, ag hetteb amu, da kobol amunu nau ninig ele doottem. Da kobol amu ohppanu aɗitai laa ii hepa.

Matyu 7:13

Ag ib laa, ib amu oɗeppan od hogogdoak ele, ag amuppa noig! Aɗinu? Ib okkai padal mak abenppa gotte ele amu, nuhig od am okkainab, am danab ah kuɗum ag ib amu dim lamidtteb.

Amos 5:15

Ag kobol enanu amu, ag oo mauhak doon, ag kobol naunu, ag nau ninig ele doyeg! Ag hettoɗiakppa nai doya mala hettoɗia epeɗia elele mettak kobol ele dim lamitteg! Ag anam hebeppeg amu, Yawe Kayak Nukka Ɠagattag Oh Ele, Nug geha ag Israel danab ah, oɗo yaak daaglag, Nug ahilagnu oo gai-iitta doya oo matta ehanadkkutai.

Sam 36:4

Tuqan niiak haenppa, ag kobol nau attemnab hekkulagnu dabmak aonna, niiak elele ii niitteb. Ag hak ena laa iinab hetteb. Ag kobol nau aakkuib hetteb.

Job 32:9

Kaino ag doyak dabmak ena ele, amge agib iitta. Ao, laa haen elab wanppa oippig, ag aɗi kobol am genab tutukku, ag amu dootteb, amge ag aakkuib iitta.

Sam 119:34

Da nahip ɗo dim lamidkkulnu, da meul ohppa anam hekkulnu amu, na ɗo nahipnu diignu doyak tutukku meɗakkutnu oɗ medattem.

Sam 119:163

Hambuppuak nai, hambuppuak kobol elenu amu, da nau ninig ele doyeye, oolppa uuaknab doottem amge nahip ɗonu da ool mauhtte.