Sam 119:10 - Nobonob Baibel

¹⁰ O Yawe, da nahip dabmak dookkulnu meul ohppa dabmettem. Na heppe, da ɗo nahip dim lamittaknu ib amu apiɗidpanu oɗ medattem.

Sam 119:10 Referans Kwoze

Sam 119:34

Da nahip ɗo dim lamidkkulnu, da meul ohppa anam hekkulnu amu, na ɗo nahipnu diignu doyak tutukku meɗakkutnu oɗ medattem.

Sam 119:2

Genab, aun aɗi ag Yawenu ɗo, kobol ele ɠagattag aɗan dim lamidtteb, ag Nug anidna dim lamidkkulagnu meulag ohppa Nug maditteb ele amu, ag itittak ena aoppig daatteb.

Sam 23:3

Nug he, da ɠagattag bau awe oittem. Nug, Nug onignu dabmak anuqak awawa, Nug omaiɗe, da ib genab tutukkuppa oittem.

2 Stori 15:15

Juda danab ah ag ahilag nai amu hekkulagnu ag meulag ohppa ɠagattag qettan appig amunu, ag oh gamalag ahom. Ag Kayak anidna dim lamidkkulagnu dabmak ɠagattag unuqagppanu heeg, Nug he, ag Nug anidppig. Anam amunu, Yawe Nug he, kekeɗ ag eheɗ laa ahilagnu ii heppig.

Aisaia 35:8

Amu Yawe heeb, wan enanag dayeb, amuppa ib naɗi enanag ele daakku. Ib amu onig am Danab Oppiaawak Ba Daakkunu Ib. Danab ah ag Yawenu neekkakppa ag oolagppa dubuttid teum daatteb ele, ag ib amuppa ii oimna. Iitta. Ib amuam danab ah ag Kayakib dim lamidna, hipunin ii hetteb ele, ag ippulag aakkuib daakku. Nau hak danab ag Yawe dab-ii-mena ii dim lamidtteb ele, ag amuppa nakok laa oiglagnu elele iitta.

Sam 119:133

Na nahip nai ippuniɗnana, amuppa na oiyak dahil ulum mettan heppe, hipunin da ii gumiɗmanu oɗ medattem.

Prowerb 21:16

Danab nug diignu doyak tutukku ii dim lamidtte; nug danab ag mauhppig, nug amu dilagnu ele daaglagnu hette.

Sam 119:118

Laa ag nahip ɗo ii dim lamidtteb amu, na ag geɗadttem. Aɗinu? Ag hambuppuaknu oolagppa genab doyegeg, hambuppuak amu he, ag ib eheɗppa gotteb.

Sam 119:21

Beɗuppa tak danab ag ɗo nahip ii dim lamidtteb, ag eheɗ laa awaknu anak waappa daatteb amu, na ag daulag batattem.

Kolosi 3:22

Begbeg maɗi nid ag ahilkad wan imuppanu okkai, keeke ohnu waalagppa dayeg! Ag okkai ahilkad amelagppaib ag oolag ittag aqakkunuib aib heppig. Ag oolag aɗitppa uɗat aib heppig. Iitta! Ag Kayaknu ebehilag oh bodoetta le meeb, ag uɗat tutukkuppaib heig!

Jeremaia 3:10

Israel ag anam heegeg, da ag uug nau mattami, amu Juda, ag da ippunadmi bia da dim lamiɗkkulagnu uun hetteb amu, ag anidppig, amge ag genab eɗun dahilppa ii uɗippig. Iitta. Ag ameg qakkak hakib hena, gaɗalagib eɗun dahilppa uɗippig.” Yawe Nug anam atte.

Prowerb 2:13

Danab amu ag ib ena tutukku, ag amuppa oiyaknu uutteb; ag ib gatatu eleppa oitteb.

Sam 125:5

Amge, O Yawe, na laa ag hipunin hetteb ele hadappe nauhppeg, na laa ag kobol kaliak dim lamidtteb ele, na amu ele hadappe nauhkkulagnu oɗ medattem. Israel ag maɗoɗ aon dayeg!

Sam 78:37

Ag oolagppa Kayak, nuhigib ii dabmeppig. Ao, ag Nug he, ag Nug ele nug tituanna nai qagappig amu, ag nai amunuib dabmena oo metta ii uuak kobol ii dim lamidppig.

Sam 119:176

O Yawe, da sipsip laa qettoɗom bia, da yawaiye oimi, amge da nahip ɗonu ii daul atitte amunu, na uɗin, na da, nahip maɗi nid, na da mattiɗna awiɗkkutnu oɗ medattem.

1 Samuel 7:3

Israel danab ah ag anam heegeg, Samuel nug ag amelagppa aum. “Ag meulag ohppa oolag eɗue, Yawe dim lamidkkulagnu hetteb dayeb amu, ag laa dilag kayak hambuppuak dottolkad, amu kayak hambuppuak Astoret iɗu iɗu dottolkad agappeg goppeg, ag noolkadppa dup noa binag mak hekkulagnu uueg! Ag anam henana, ag beɗulag oh agappeg, Yawe, nuhigppa ukkeb, Nugib waappa daan, Nug oɗeib dim lamitteg! Ag amu heppeg, Nug ag Pilistia danab eppelagppanu eɗua diiadkku,” awa aum.

1 Jon 2:15

Ag wan imuppan kobol amu keeke laa wanppa niitte ele, ag amunu oolag aib mauhom. Laa nug wanppan keekenu oo mauhtte amu, nug Mamenu oo ii mauhtte.

Matyu 6:24

Danab laippu nug gumak danab aɗit dilahnu uɗat hekkunu elele iitta. Am nug laanu oo mauhebeb, laanu amu nug ooppa nau ninig ele dookku. Doyaya, laaib amu nug dim lamittatta, laa amu dimedakku. Ag danab ah, ag Kayaknu uɗat, amu enub uɗat ele oh hekkulagnu elele iitta.

Hosea 10:2

Israel danab ah ag hambuppuak danab ah daatteb; ag eheɗ hetteb amunu, ag bu aoglagoitte; Yawe Nug geha kayak hambuppuak dilag qaɗab loppaɗatta; Nug men gappi ahilag ele maduduɗeb nekkulag.

Sam 119:69

Am beɗup tak danab ag dahilnu hambuppueg, laa ag dahilnu nau dootteb, amge da meul ohppa nahip oo yaak nai ɗo bia, da nai amu dim lamidttem.

Sam 119:58

Da meul ohppa ele nahip itittak enanu ool hette. Ao, na oo bodoette enanag maɗoɗ ele hak kobol dim lamidna hena meɗakkutnu ame amu, na amu hekkutnu oɗ medattem.

Esekiel 34:6

Anam daye, dahilad sipsip ag qauko okkaippa, qauko nakok okkaippa ele mauhnoak oippig. Ag matatun wan ohppa gona daaegeg, laa nug anatta, eɗua diiadkkunu ii mattialattom.’ ” Yawe Nug anam awa atte.