Sam 118:7 - Nobonob Baibel

⁷ Yawe Nug da ele daattep. Nug da ehaniɗtte. Ao, anam amu, da dahil kekeɗ eɗadkkul.

Sam 118:7 Referans Kwoze

Sam 59:10

Kayak dahil Nug dahilnu oo mauhaknab dootte amunu, Nug uɗia da ehaniɗkku. Nug da ehaniɗa heeb, da kekeɗ dahil oh eɗadkkul.

Sam 54:4

Ag anam hetteb amge antte! Kayak Nug da ehaniɗtte. Ao, Naɗi, na da atognoiɗe, da bau daattem.

Sam 54:7

Da anam hekkulnu diig am, da uugppa daaiyi, na da ehaniɗe, qagaiettak ii aomi. Ao, na da ehaniɗe, dahil kekeɗ eɗadmi.

Sam 55:18

Yawe Nug da danab kuɗum ag niɗaglagnu henana, banel uɗitteb dilagppanu qagaiettakppanu eɗua uhuqak ha meɗa atognoiɗkku.

Sam 112:8

Nug ɠagattag daatte. Nug aɗi keeke laanu ii baɗama. Nug nuhikkud kekeɗ ag nena qeppeg, nug anadkku.

Sam 92:11

O Yawe, na da ehaniɗe, dahil kekeɗ ag nena qeeg, amelppa anidmi. Ao, Yawe, na ehaniɗe, dahil kekeɗ, ag nau hak danab amu, ag oolnana, eegeg doomi.

1 Stori 12:18

Dawit nug ag amelagppa anam a, Amasai, nug haen amu dimugppa ban danab ɠagattag 30 dilag okkai dayom, nug danab uɗippig oolagppa dayeye, Kayak Ouɗi Nug Amasai, nuhigppa uɗie, nug aum. “O Dawit, ig am nahip danab. Ge, Jesi bekka, ig na ehanidkkunignu daattem. Kayak Nug na ehanidkku amunu, na maɗoɗ ele daakkut. Na, am laa ag na ehanidtteb, amu ele, ag maɗoɗ ele daaglag,” awa aum. Amasaia nug anam aum amunu, Dawit nug diiatta he, ag Dawitnu ban daup huu laala ikkilag daappig.

Sam 54:6

O Yawe, na am ena amunu, da na noomppa ɗo hamu mettaknu ofa hekkul. Da na binan mekkul.

Sam 59:11

O Naɗi, na ihinig guppiɗ daattem. Dahilad danab ag nahip hak pahanab daulag atikkununab daatteb amunu, na laippun heppe, dahil kekeɗ ag mauhkkulagnu ool ii daatte. Iitta. Danab nug na qekkunu oiyeye ukke ukke na qette, amubia na nahip ɠagattagppa heppe, uug kuɗum dahil kekeɗ, ahilagppa beeb ukkeb ukkeb, padal mekkulagnu ool daatte. ⌊Na anam hekkut dayeb amu, danab ah dahilad ag na aɗi heme amu ii daulag atima.⌋

Aisaia 41:13

Keeke anam daakkunu diig am, da am Yawe, da ahilag Kayak daattem. Da ag eppelag naɗiap aɗe ehanadttem. Da ag amelagppa ‘Ag aib baɗappig, da ag ehanadkkul,’ attem.