Sam 118:27 - Nobonob Baibel

²⁷ Yawe Nug Kayak daatte. Nug ig nuhig amahlak mekkom. Ag oolag gamag ahebeb, mana mettak aon uɗin, qaɗabppa meig!

Sam 118:27 Referans Kwoze

Jon 8:12

Aria Jesus haen laappa baula danab ah amelagppa nai mattiaya aum. “Da am wanppan amahlak daattem. Aun laa nug da dim lamiɗkku amu, nug gatatuppa ii oima. Iitta. Nug bauklelnu amahlak ele daakku,” awa aum.

Sam 18:28

Amu O Yawe, danab nug he, lam eotte, amubia na da atognoiɗe, da bau daattem. Ao, Kayak dahil Nug dahil gatatu he, amahlak daatte.

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.

Aisaia 60:1

Jerusalem danab ah, Juda danab ah ele, ahilag amahlak uɗiom. Ao, Yawenu binag amahlak oppiaawak ele amu, amuam ahilagppa beum daatte. Anam amunu, ag ahan, aam danab ah amahlak madatte bia, ag danab ah laa oh Yawenu amahlak matteg!

Aisaia 9:2

Danab ah ag gatatu naɗi ooppa daan oippig amu, ag amahlak okkai anidkkulag. Ao, danab ah ag gatatu abenppa daan oippig amu, amahlak ahilagppa amahalkku.

Esta 8:16

Juda ag amunu oolag ena daye, ag gamag ahak okkai doyegeg, aben ohppa ag binalag okkai ele dayom.

Sam 37:6

Aam amahlak enanag be, danab ah anidtteb, amubia Nug geha heeb, laa oh ag nahipnu, nug am genab tutukku hak danab anidkkulag. Yo, aam anig amahlak okkainab daye, danab ah anidtteb, amubia Nug heeb, danab ah ag na, na am nai doya mala hettoɗia epeɗia elele mettak kobol dim lamidna hettem dooglag.

1 King 18:39

Aria, haen danab ah oh ag amu anidna amu, ag oh laippun gatelag qaun o, gomelna, iɗulag wanppa mena, ag inam eppig. “Yawe Nugib am Kayak genab, Yawe Nugib am Kayak genab!” aon eppig.

Malakai 4:2

Amge ag danab ah ag dahilnu ebehilag oh bodoetta le mette amu, Laa onig Genab Tutukku Hak Kobolnu Amahlak Naɗi, Nug haugppa ehanittak daatte amu, Nug ag ehanadkku. Nug anam heeb, ag geha gamalag huanaknab ahakku; makau nag ag ahilag aɗ ooppanu gikkiɗah lakkulagnu dimittim dona, gamag ahakppa oolna tena, oolna netteb bia ag gamalag ahakku.

1 King 18:21

Am Elaiya nug aha, Israel danab ah gumatta wana, nug amelagppa aum. “Ag danab ah, ag ahilag dabmak am ib piɗe piɗenu. Ag ib aɗitnu dabmak ele. Haen gane laa ele ukkeb, ag geha ahilag dabmak ib laippu ele daaglag? Amu Yawe, Nug Kayak genab daatte dayeb amu, ag nugib dim lamidkkulag. Amu Bal nug Kayak genab daatte dayeb amu, ag Bal nugib dim lamidkkulag,” awa aum. Amge danab ah ag nai amu nob laa ii meppig. Iitta.

Eksodas 38:2

Ag henana amu, ag qaɗab ad akasiappa hetteb, ag ad amuppaib ag keeke makau qeqeɗi bia waɗele qaɗabnu daug waɗele ohppa hoippig. Ag ad piɗenu hoyadna, qaɗabppa ii atulppig. Iitta. Ag laippu heppig. Ag amu oh hewona, ag qaɗab amu oh brasppa tonappig.

Eksodas 27:2

Ag henana amu, ag qaɗab ad akasia, amuppa hetteb, ag ad amuppaib ag keeke makau qeqeɗi bia waɗele qaɗabnu daug waɗele ohppa hoiatteg! Ag ad piɗenu hoyadna, qaɗabppa aib atulppig; laippu heig! Ag amu oh hewona, ag qaɗab amu oh brasppa toneg!

Hibru 13:15

Danab laa ag Kayak binag mekkulagnu amu ag doɗ keeke main Nug medatteb, amge ihinignu amu, ig Jesus uɗat naɗi ihinignu heum, ig amuppa, mana mettak bia hanhan Kayak binag metu! Ig amu hekkunignu amu, ig oɗenigppa Kayak Nug am ihinig Naɗi akkunig.

1 Stori 29:21

Amu wagɗe deɗ amuppa ⌊Dawit, danab okkai qagmeppig ele oh⌋ ag manaknu ofa kuɗum Kayak medappig. Ag makau dawai 1,000, sipsip dawai 1,000, sipsip gaiɗ 1,000 ele manadna, Yawe medappig. Ag manadnana, ag wain gokkaɗaknu ofa, Kayak Nug hekkulagnu aum bia ag heppig. Ag amu henana, ag doɗ kuɗum laa ele, Israel ehanadkkulagnu manan, Yawe medappig.

Maika 7:9

Ig Yawe noobppa hipunin hemut amunu, ig nuhig bu mekkak aottem. Ig bu mekkak amu aopput ukkeb, Yawe Nug eɗua ehanikkebeb, haen amuppa iitta mekku. Iitta meeb, ig eɗut, ena daagnig. Ao, haen amuppa Nug heeb, ig eɗut amahlakppa daagnig. Haen amuppa amu ig eɗut, Yawe Nug genab tutukku daatte, anam ele hette amu, ig amu anidkkunig.