Sam 118:24 - Nobonob Baibel

²⁴ Yawe Nug gemu deɗ imu ha mekkom amunu, gemu ig oonigppa ena dootta, oonig gamag ahaɗ!

Sam 118:24 Referans Kwoze

Sam 84:10

Deɗ laippu na guguitta dayaknu am enanag. Deɗ 1,000 atu laih adekku dayaknu am enanag iitta! Da Kayaknu mettid lag, da amuppa od gumak danab aakkuib daakkul am enanag. Da nau hak danab ele daat, keeke ena ena ele aɗat oignig, amuam eheɗ, am nau.

Aisaia 58:13

Amu Yawe Nug atte. “Ag Sabatppa ɗo dahil dim lamidkkulag dayeb, ao, ag dahil deɗ, deɗ amuam dahilnu tituanak daatte, ag deɗ amuppa aɗi keeke ag amu hekkulagnu amelag qette, amge da ag amu hekkulagnu ii ami, ag amu hekkulagnu uuglag dayeb, ag Sabatnu, ‘Deɗ enanagnab, ehanigtte ele,’ dooglag dayeb, ao, ag da, Yawe, ag dahil deɗ, dahilnu tituanak daatte amu, ag deɗ amunu, ‘Deɗ imuam deɗ binag ele,’ dooglag dayeb, ag ahilag dabmak ii dim lamidna, amuppa ag dahil deɗ binag mekkulag dayeb, ao, ag dahil Sabatppa ele aɗi keeke hekkulagnu oolag hette, amge da ag amu hekkulagnu ii ami amu, ag amu ii hekkulag dayeb, ag deɗ amuppa nai hamu hamu ele ii mattiglag dayeb,

Nehemaia 8:10

Amu Nehemaia nug aum. “Gemu deɗ imunu amu, ihinig Naɗi Nug amunu, dahilnu tituanak daatte anidtte amunu, ag ahan gona, ag ee ena, le ubuhi ele lanana, ag laa keeke anam iitta ele madappeg, ag ele laig! Ag aib gaappig. Aɗinu? Yawenu gamag ahak doyak am aab aɗ ɠagattagnab ele ahilag bia daatte,” awa aum.

1 King 8:66

Amu deɗ amu ukka male, deɗ amu dimugppa wagɗe, deɗ amuppa, Solomon nug he, danab ah amu ag oh eɗun, appan appan goppig. Ge, danab ah ag king itittak ena mettona, ag Yawe Nug nuhig maɗi nid Dawit, nuhignu, amu nuhikkud danab ah, ag Israel danab ah amu, Nug ag oh ahilagnu ele keeke ena ohnu dabmenan, gamag ahak okkai doon goppig.

Revelesen 1:10

Mettidppa amu Kayak Ouɗinu ɠagattag dahilppa ambe, da baag okkai laa trampet oqotti bia da dimulppa mattieye doomi.

Aposel 20:7

Amu mettidnu deɗ anuqak, deɗ amuppa ig, appan Kristen danab ele oh ee laippu aognignu qagmemut. Am Pol nug wagɗeb deɗ amuppa gokkunu dayom amunu, nug nai elab danab amu amelagppa mattieye ukka, tu meum.

Sekaraia 3:9

Amu laa amu, ag men daden nob okkainab ele, da Josua noobppa iikku aihak memi daatte antteg! Men amuam laippu, amge men amu daug am eblaih aɗit ele. Da men amuppa da deɗ laippuppa wan imunu hipunin oh uhuqen madakkulnu nai yen otaɗkkul. Da Yawe Dakka Ɠagattag Oh Ele, da anam awe attem.” Yawenu engel nug Sekaraia amegppa anam aum.