Sam 118:17 - Nobonob Baibel

¹⁷ Da ii mauhpa. Iitta! Da bau dayeye, da Yawe, Nug dahilnu aɗi heum amu, da amunu danab ah amelagppa akkul.

Sam 118:17 Referans Kwoze

Jon 11:4

Jesus Nug amu doya aum. “Oɗe amunu gogppa tak am mauhak, ⌊wan imuppa baula daamanu⌋ iitta. Iitta. Oɗe imuppa Kayak Nug binag amahlak oppiaawak ele awebeb, Kayak Bekka da, da ele amuppa binal amahlak oppiaawak ele aokkulnu daatte,” awa aum.

Sam 73:28

Dahilnu amu, da Kayak guguitte daakkulnu am ena! Da Naɗi Yawe Nug dahil padal mak eɗitteb ena daakkulnu ehanittak daakkunu oɗ mettai, Nug anam daatte. Da keeke ena okkai okkai oh Nug hette amu, da laa oh amelagppa akkul.

Sam 6:5

Aɗinu? Laa nug mauhom amu, nug nahipnu daugppa ii dotte. Ge, aun nug moɗppanu na binan mekkun elele?

Habakuk 1:12

⌊Yawe Nug anam aum amu, Habakuk nug inam unuqittom.⌋ “O Yawe, na haen ohnab aakku daye uɗie, gemu ele daattem. O Kayak, na am dahil Kayak Oppiaawak Ele; ig ii mauhmata. O Yawe, na Babilon dilag daup ag uɗin, hipunin haknu nob mekkaglagnu tituanadme. Ao, O Yawe, na am kekeɗ nikkamnanu ehanittak ihinig daattem, amu na Babilon ag bu mekkaglagnu otiadme.

Sam 145:4

⌊O Yawe,⌋ haen oh nid anilkad mamelkad ag nahip uɗat enanu nid ahilkad amelagppa mattiglag. Yo, ag geha na uɗat okkai, ɠagattag heme, ag amunu amelagppa mattiglag.

Sam 107:22

Ag Yawe noobppa ena heme anaknu ofa hena, ag keeke ena ena Nug danab dilag hettenu ahi gamag ahak ele etteg!

Sam 40:10

Da nahip genab tutukku hak kobol da oolppa ii tonai daatte. Iitta. Ao, da nahip oo metta ii uuak kobol na dim lamidttem, aria na danab ah ag padal memananu ehanadttem, kobol nahip amu ele amu, da amunu Israel dilag tamaniak amelagppa madittem. Ge, haen ag qagmeegeg, da nahip oo mauhaknab kobolnu, amu nahip doyak diig genabibnu ele madittem.

Sam 40:5

O Yawe, dahil Kayak, na keeke kuɗum, danab amu hekkunu elele iitta, na aakku heme. Ao, na keeke ena ena kuɗum ihinignu maidme amu, laa nug keeke amu ohnu eɗua, na amenppa ab dookkutnu elele iitta. Keeke na hekkutnu maidttem am huanak, ebqaknu iitta amunu, da ma anttak hein, da laa amegppa keeke amu ohnu akkulnu hekkul dayeb amu, da elele iitta. Am keeke kuɗum, huanak ele.

Jeremaia 51:10

Amu Israel danab ah ag akkulag. “Yawe Nug ehanittak okkainab mekke, ig Babilon eppelagppa ii daattem. Ahappeg, ig Sion appa Yawe, ihinig Kayak, ig Nug attem attem heum apput doyeg!” aon akkulag.

Sam 119:13

Nahip ɗonu ig amenigppa ame amu, da laa dilagppa mehuqttem.