Sam 114:7 - Nobonob Baibel

⁷ Yawe noobppa amu, wan uɗalaɗ! Ao, Jakopnu Kayak noobppa amu, wan uɗalaɗ!

Sam 114:7 Referans Kwoze

Jeremaia 5:22

Amu Yawe Nug inam ele atte. “Ag Juda, ag dahilnu ebehilag oh bodoetta iite le mekku? Ao ag da noolppa daanna, ag iite baɗamna? Da yu ihippa, yu tom amu eɗidmanu ihi memi. Ao, yu nug tom amu ii eɗidma, gemu, butti aɗi ele tom anamib aakku daakku. Yu duban nug okkai qekku, amge tom amu loppaɗa, tom laappa ii tema. Ge, yu duban am wagainab meebeb, oqotti huanak okku, amge tom amu ii loppaɗma. Iitta.

Sam 104:32

Yawe Nug wan neekkitte, wan uɗaltte. Yo, Nug eppeg bahia, qauko lauɗatte, appanu kahug attan tette.

Job 26:11

Kayak Nug nai heehe, hab ukku uɗaltteb.

Sam 96:9

Ag Yawenu oppiaawak ele daan, ag Nug noobppa dup nona Nug binag meig! Ao, ag wanppan danab ah oh, ag Nug noobppa daappeg, beɗulag hahaɗaɗ!

Sam 77:18

⌊Genab,⌋ hakkaɗ am habppa huana qaaqa ukkom. Amemɗi awa, wan oh amahlom. Wannu amu, wan hahaɗaɗa, uɗalom.

Job 9:6

Kayak Nug he, wan imu uɗalala, abenppa ii daatte. Ao, Nug he, wan mawaknu keeke okkai okkai am uɗaltte.

Sam 78:16

Nug he, menppan le, lenag laa gotte bia doum. Ao, le amu le naɗi laa bia ukkom.