Sam 114:4 - Nobonob Baibel

⁴ Qauko sipsip dawai oola tette, oola nette bia uɗalppig. Ao, qauko nakok ag sipsip nalkad oolna tetteb, oolna netteb bia uɗalppig.

Sam 114:4 Referans Kwoze

Eksodas 19:18

Amu Yawe Nug aab ewak ooppa na, Sinai qaukoppa dayom amunu, aab kahug naɗi qauko amu oh tonom. Aab kahug attan teum, amuam aab okkainab ewa kahug tette, amubia teum. Kahug anam teete, qauko nug eheɗ hahaɗeɗe,

Eksodas 20:18

Amu haen danab ah ag hakkaɗ qeeqe, trampet ele heehe doonna, ag amemɗi awa ukka uɗieye, qaukoppa kahug naɗi ahe dayom ele anidna amu, ag eheɗ baɗan, beɗulag hahaɗeɗe, ag eɗun bittumttum gona, nakok uma daanna,

Habakuk 3:6

Yawe Nug hibaitta daya, Nug he, wan uɗalom; Nug neekke, wanppan wan ohnu danab ah ag hahaɗppig. Nug he, qauko haen elab daappig, ag nena qeppig. Ao, qauko nakok, haen elab daappig amu, ag hiɗan nona daappig. Yawenu hak am hanhannu.

Revelesen 20:11

Da amu anttena amu, da imu ele anidmi. Da sia king okkainab, hakkab ele, amuppa Kayak Nug heɗep na dayeye anidmi. Wan imu, hab ele nug noobppanu ooleh, aben laa aa daaglahnu ii dayom.

Habakuk 3:8

O Yawe, na lenu oot nauhomte? Ao, na lenagnu oppoɗin beumte? Na yunu oppoɗin huan beumte amunu, na ban danab, bannu karis, hos eeɗtteb eleppa ban hette bia hena, kekeɗ ihinkad eɗadme?

Sam 29:6

Yawe Nug nuhig ɠagattagppa he, Lebanonnu qauko ag makau gaiɗ laa bia oolna tena, oolna netteb. Nug nuhig ɠagattagppa he, qauko onig Sirion am makau okkai ebehi ele dakkuɗ bau ena mak ele bia oola ta, oola nette.

Sam 18:7

Nug unuqittak dahil doya he, wan uɗalala, hahaɗom. Ao, Nug doya he, qauko ukkulkad uɗalom. Ge, wan, qauko ele aa anam hepiɗnu diig am, Kayak Nug ⌊laa ag da heiɗppeg nauhkkul anatta,⌋ Nug oo nauhom.

Nahum 1:5

Yawe Nug oiyeye, qauko ag uɗaltteb. Ao, qauko nakok am keeke le ma, noa gotte bia hetteb. Nug dayeye, wan oh uɗaltteb. Ao, keeke oh amuppa daatteb ele hahaɗtteb.

Sam 68:16

Kayak Nug qauko Sion appa daakkunu tituana, appa ana daatte amunu, danab ah Basan qauko hume takppanab daatteb ele, aɗinu ag danab ah Sion qaukoppa daatteb dilagnu amelag qe oolag elele ii daatte? Yawe Nug Sion qaukoppa hanhan daakku.

Sam 39:6

Danab ah ig am danab ah ittotolag bia daattem. Itotolag amu aɗitai laa ii hette. Ig paha paha keeke kuɗum hettem, amge amu oh am meu iitta. Ig en huana awota, ig mauhttem. Ig mauhota, ig en bakkalen qagmettem amu, ig aun men doɗo amu gumakku ii doottem.