Sam 114:3 - Nobonob Baibel

³ Le Kokoɗ nug uɗieg anatta, pahanab ib ha mattom! Jodan Lenu le ukkaknu ele uua, aben laippuppa qagmeum.

Sam 114:3 Referans Kwoze

Sam 77:16

O Kayak, na le gukkuidna wame. Ao, na le gukkuidna wae, le uɗalom. Le uɗale, le unuqagnab amu, aben amu hahaɗom.

Eksodas 14:21

Anam daye, Moses nug eppeg attan huma, yu epponitte, tuqan amuppa Yawe Nug he, laih aam bedeppanu ulah ɠagattag uɗia, ulah nug heehe ukke, wagɗom. Ulah amu yu duttune, yu gamagppa oppata, aɗit laih laih ɠagattag gilil bia dayeye, wanppa ib qaɗaiettak dayom.

Habakuk 3:15

Ge, ban danab ag bannu hosppa leppa oiyegeg, le huan uɗala gotte, na amubia he, le laih laih ukka dayom.

Aisaia 63:12

Laa nug ɠagattag okkai okkainab nuhigppa Moses ehanittom amu, Nug gemu adeppa daatte? Laa Nug danab ah oh nuhig ɠagattag anidna, daulag ii atimanu Nug he, ig memetankad noolagppa yu obata, laih laih gilil bia dayeye, Nug danab ah nuhikkud ib amuppa yu gamagppa omalatta laih ukkom amu, Nug gemu adeppa daatte?” aon oɗ medappig. ⌊Yawe Nug amu oh heum amu,⌋ Nug nuhikkud danab ah omalatta, le gamagppa ib amuppa ugekke, hos nug uɗem gikkiɗahib daatteppa ugakka, na ii qette, amubia ig memetankad ag ib amuppa oippig.

Sam 106:9

Nug he, ib man qaɗaiettak Le Kokoɗppa beum. Nug he, yu unuqagppa wan qaɗaiettak, atu taɗakppa qaɗaiettak daatte bia dayom; amu amuppa Israel danab ah omalattom.

Sam 104:7

Amge, O Yawe, na e, le laih ukkom. Ao, na hakkaɗ bia qalan, baat okkaippa nai mattie, le laippun laih ukkom.

Sam 74:15

Naib hee, le qeppuɗia bakppanu, lenagppanu ele, le bena goppig. Ao, ⌊amge keeke laa ele⌋ naib na hee, le hanhan gonanaib daatteb, ii qaɗaiedatteb ele amu, na hee, aakku qaɗaiedappig.

Eksodas 15:8

Na hee, ulah ɠagattag iwale, le nug qagma ta, anam ɠagattag dayom. Ao, genab, ulah nahip le duttuna he, oppate, ib le gamagppa dayom. Ge, ulah nahip he, le nug laih laih gilil bia ɠagattag eppa dayom.

Sam 77:17

⌊Haen amuppa amu,⌋ lombig ag gu gokkaɗeg neum. Habppa hakkaɗ naɗi qaaqa ukkom. Amu amemɗi, amuam nahip lat doɗo bia amu, amemɗi amu eheɗ awa amahlom.