Sam 113:9 - Nobonob Baibel

⁹ Nug he, ah mattoi nug nid menuattatta, ah amu nug gamag ahak okkai doya, nug nug laugppa aakku daatte. Ag Yawe binag meig!

Sam 113:9 Referans Kwoze

Sam 68:6

Kayak Nug he, danab ah aun aɗi ag baelkadppa iitta ele amu, ag baelkadppa laa bena daatteb. Kayak Nug danab ah ag maniguittak daatteb amu, Nug he, ag uhuqak aon, ag gamag ahak aotteb. Amge danab ah aun aɗi ag nai tappe nak hetteb, ag wan gakkaɗak qaɗaiettak, keeke laa amuppa ii betteb ele, ag amuppa daatteb.

1 Samuel 2:5

Yawe he, danab ag keeke oh ele amu, ag eɗun, keeke iitta ele daanna, ag danab laanu uɗat henana, ee daden mekkulagnu men doɗo aotteb. Ao, Nug he, danab ag enug daappig ele, ag gemu ee ele daatteb; ag enug iitta. Yawe Nug he, ah laa nug mattoi dayom amu, nug nid eblaih aɗit ele menuattom. Ao, Nug he, ah laa nug nid danab kuɗum menuattom ele, nug nid amu mahiadtte.

Aisaia 54:1

Yawe Nug atte. “Ah na oot keldoak, na nid menuaknu laa iitta, na ahi ette! Ao, ah na nid awaknu guittak deɗ laa ii doome ele, na ahi ettan, ootppa gamag ahak doon, na e! Aɗinu? Ah gemu nukkanab daatte, Nug am nid kuɗumnab, ebqak ahilag am ah gamu ele, nid ahilti dilag ebqak eɗittak ele daakku!

Galesia 4:27

Kayak naippa amunu nai laa inam daatte. “Ah na oot keldoak, na nid menuaknu laa iitta, na gaman ahaɗ! Ao, ah na nid awaknu guittak deɗ laa ii doome ele, na ootppa ena doon, oɗen oppatna ekkut! Aɗinu? Ah gemu nukkanab daatte, Nug am nid kuɗumnab, ebqak ahilag amu ah gamu ele, nid ahilti dilag ebqak eɗittak ele daakku.”

Genesis 25:21

Aisak wau Rebeka nug nid iitta, nug ah mattoi amunu, Aisak nug Yawe amegppa amunu unuqitte, Yawe Nug he, Rebeka nug oo ele oiyom.

Namba 5:28

Amge ah nug danab laa ele ii niipiɗ, nug gamu eleib daapiɗ dayeb, aakku Kayaknu neekkakppa nug ooppa dubuttid iitta, nug beɗuppa aab iitta, amu nug nid menukkunu elele daakku.

2 King 4:17

Nug anam aum, amge dimppa ah amu nug oo ele daya, maɗ laappa, kalam aum, amuppa Elisa amegppa aumbia, nug nid danab menuom.