Sam 113:7 - Nobonob Baibel

⁷ Nug neekke uɗie, Nug wanppan danab ah daɗek daatteb anatta, Nug ag ehanatte, ag gappudppa, nau ii daatteb. Ao, Nug ehanatte, ag eheɗ, aab uhuɗppa ii daatteb.

Sam 113:7 Referans Kwoze

Sam 107:41

Kayak anam heum, amge Nug daɗek danab ag uugppa daappig amu, Nug ag ehanatte, ag uugppa ii daappig, Nug ag baelkadppa he appatppig amunu, ag sipsip ameg naɗi bia daappig.

Esekiel 17:24

Amu wanppan ad oh ag danab daaloblob, ag dahilnu inam doolob, ‘Nug Yawe, Nug he, ad elab ag tutu daatteb, amu Nug he, ad naunau ag elab tetteb. Nug he, ad bau ag bunaɗtteb, amu nug he, ad bunaɗak ag bau daatteb. “Da, Yawe, da nai madittem. Da aɗi keeke hekkulnu ami amu hekkul.” ’ ” Naɗi Yawe Nug anam atte.

Job 5:11

Danab ag onilag iitta amu, Nug he, ag danab okkai daatteb. Ao, laa ag uugppa daatteb amu, Nug ehanatte, ag laa eppelagppa ii daatteb.

Jems 2:5

O lailad, ag doyeg! Danab ag wanppan danab oh noolagppa daɗek daatteb ele, danab amu Kayak Nug ag ooppa genab doyak ɠagattag aɗan oiglagnu, ag nuhig ɗo maɗoɗ ooppa, Kayak Nug danab ag nuhignu oolag mauhtte ele ag aguppa daaglagnu nai qakka aum amu, ag amu ooppa daaglagnu tituanattom daatteb.

Aisaia 26:19

Ig anam daamut, amge ⌊O Yawe, nahipad⌋ huu mauhna, moɗppa daatteb, ag geha eɗun ahaglag. Ag beɗulag eɗua, bau ahakku. O ag danab ah, ag matmatppa niitteb amu, ag eɗun, bau ahan gamalag ahebeb, ag eig! Aɗinu? Yawe Nug heeb, tuqan baito wan qaɗaiettakppa na, leppu mette, gikkiɗah bau bette, amubia ag moɗppa daatteb ele, ag eɗun ahaglag.

Job 2:8

Ihiud nug beɗuppa anam be, Job nug waa aoɗak qatti laa awa, uhuɗppa dayaya, waa qatti amuppa gaɗappa ihi naud ⌊nahig qeeqe⌋ lahaɗom.

Sam 22:15

Hinai ooppa le qaɗaietta, le nakok laa iinab daatte bia, da oolppa ɠagattag iittanab. Am danab le iittanu mauhkkunu heehe, lemaɗu oɗe qataqette, amubia da mauhkkulnu male daami. Ge, na hee, da danab beɗu gai-iittanab dayaya, gappudppa niiaya, mauhkkunu hette bia, da mauhkkulnu hettem.

1 Samuel 24:14

Na am Israel dilag king, na danab ɠagattag laa ele ban hekkulahnu uɗimete? O na danab laa ebehi ele lamidkkutnu uɗimete? Iitta! Da am qai laa mauhom amubia. Da am keeke hamu laa, mi bia daattem.

1 King 16:2

“Basa, na doye! Haen na danab onin iitta, keeke hamu laa bia daame amu, da na awitte hei, na dahilad danab ah Israel dilag king beme daattem. Amge Basa, na Jeroboamnu hak dim lamidna, na he, Israel ag ele hipunin heppig. Amu ag hipunin henana heeg, da oppoɗil beum daatte,” awa aum.