Sam 112:7 - Nobonob Baibel

⁷ Danab anam, nug nai uug ele uɗieb dookku amu, nug ii baɗama; Iitta. Nug Yawenu ooppa genab dootte amunu, nug ooppa maɗoɗ daatte.

Sam 112:7 Referans Kwoze

Sam 57:7

O Kayak, da ool ⌊na binan mekkulnu⌋ ɠagattag daatte. Ge, da ool anam haknu ɠagattag daatte; Da ahi laala, ag na binan metteb ele edakkul.

Prowerb 1:33

Anam aakku, amge aun nug Doyak Dabmak Ena ele da, nug da oɗel dootte, nug baɗak iittappa daakku. Ao, aun amu hette ele amu, nug manin, baɗak iitta ele daakku,” awa atte.

Sam 118:6

Yawe Nug da ele daattep amunu, da ii baɗapa. Ao, ⌊Yawe Nug ag ii paɗatteb hekkulag dayeb amu⌋, danab ag dahilppa aɗi eheɗ laa hekkulagnu elele daaglag? Laa iitta.

Jon 14:1

Amu Jesus nai tuɗitta aum. “Ag oolag uug aib dayom. Ag Kayaknu oolagppa genab doona, ag dahilnu ele oolagppa genab doyeg!

Sam 64:10

Aun aɗi ag genab tutukku hak danab daatteb, ag Yawenu oolag gamag ahakku. Ao, ag Nug ag padal mak eɗidna ena daaglagnu Nug waappa daaglag. Ge, ag kobol tutukku henana, ag Nug humidkkulag.

Sam 34:4

Da Yawe antten, dim lamidkkulnu mattie unuqitti, Nug doya, da ehaniɗom. Nug da ehaniɗe, keeke oh da amunu baɗami amu, keeke amunu laa dahilppa ii beum.

Daniel 3:16

King Nebukatnesar nug Satrak, Mesak, Abetnego ele amelagppa anam a, ag nob mena appig. “O Nebukatnesar, keeke beum imunu amu, ig na eɗun, ena anigkkutnu nai qinonob, nai ittag ele ii mattimta.

Sam 62:8

O danab ah dahilad, Kayak Nug am padal mak eɗitteb ena dayaknu ehanittak ihinig daatte. Ag hanhan Kayaknu oolagppa genab doyeg! Ge, ag nug oolag unuqagppanu unuqitteg! Sila.

Aposel 27:25

amunu, ag oolagppa ɠagattag qak doon, aib baɗappig. Aɗinu? Da Kayak, Nug da amelppa nai aum amu, keeke amu anamib bekkunu oolppa genab doottem.

Luk 21:9

Ag bannu doonna, amu ag aab ikki ikki ag ahan ban hettebnu nai ele dooglag. Keeke amu genab bekkulagnab, amge doyeg! Ag aib ottaippig. Wan haen malak iitta,” awa aum.

Luk 21:19

Ag ɠagattag daaglagppa, ag bauklel hanhannu aoglag!

Aposel 21:13

Ig anam amut, amge Pol nug aum. “Ag aɗinu anam gaan, aakku da oolppa guittak okkai meɗatteb? Da Naɗi Jesus onig attan ta daakkunu Jerusalem appa maniguittakppa daakkulnu am elele doottem, amge amu aakkuib iitta. Da Jerusalem appa, Naɗi Jesus Nug onig attan ta daakkunu mauhkkulnu ele elele doottem,” awa aum.

Aposel 20:24

Amge da amunu ii dabmettem. Da beɗul bau daakkunu amu, da dabmak amu ɠagattag ii aɗattem. Iitta! Da ib Naɗi Jesus ippuniɗa, uɗat ele meɗom amu, da amuib tuɗitten oiyeye gog tekkulnu dabmettem; amuam Kayak Nug nuhig ehanittak okkai hamu megakka, eɗua awikkunu Nai Ena, nai amu mehuqppi danab ah dooglag.

Job 11:15

na beɗunppa aab iitta ele daan; na baɗak iitta, ɠagattag daan oikkut.

Sam 49:6

Kekeɗ dahilad amu, ag ennu oolagppa genab dootteb. Ao, ag enulag okkai okkai amu ehanatteb, padal ii memana atteb.