Sam 110:2 - Nobonob Baibel

² Yawe Nug heeb, na danab ah kuɗum Sionnu gumadppe, nahip gumak am ɠagattag daakku. Ao, na kekeɗ nahipad ag talilidna daatteb gumadkkut.

Sam 110:2 Referans Kwoze

Jeremaia 48:17

Ag huu laa oh Moap talilidna daatteb, ag huu laa ag nug onig okkai ele daatte dootteb ele, ag oh nuhignu mahieg! Ag nuhignu mahin, ag inam aig! ‘O gadonnab gadon, gumak laa ɠagattag okkai ele aakku na qeum. Ao, laa king ehah enanag ele, nug aakku na qeum.’ Ag anam aon aig!

Rom 1:16

Da Jesusnu Nai Enanu amu, da uɗa nak ii doottem. Aɗinu? Nai amuam Kayaknu ɠagattag, amu Kayak Nug amuppa danab aun aɗi ag oolagppa genab dootteb ele, Nug ag eɗua diitte; Juda ag tatam ⌊nai amu⌋ doyegeg, iitta aɗi ag aakku geha dootteb.

1 Pita 1:12

Aria, keeke amunu, Kayak Nug propet ag amelagppa Mesaia Nug ag ahilag haenppa beeb anidkkulagnu iitta, Mesaia Nug ag gemu daatteb, ahilag haenppa beeb anidkkulagnu aum. Amu ag keeke gemu daulagppa dootteb, Nai Ena amu Naɗinu maɗi nid ag Kayak Ouɗi hab aabppanu ɠagattagppa nai mehuqegeg dootteb amu, propet ag amunu anukka hettoɗin madippig. Keeke amu engel ag ele dooglagnu oolag naɗi daatte.

1 Tesalonaika 2:13

Ig ag amelagppa nai mehuqmut amu, ag wanppanu danab dilag nai bia ii aoppig. Iitta. Ag nai amunu, am Kayak nai, tutukku doonna aoppig amunu amu, ig haen oh Kayak amegppa keeke amunu ele, “Ena heme,” aot attem. Nai amunu amu ag oolagppa genab dootteb ele amu, nug ag oolagppa uɗat ɠagattag heehe, meu aakku bette.

Maika 4:2

Danab ah wanppan wan kuɗumppanu ag ahan uɗin, akka akka mattin akkulag. “Yawe Nug nuhig ib ig ippunigkkunu, ig nuhig ib dim lamidkkunignu amu, doppeg, ig Yawenu qaukoppa tetu! Ao, ig Jakopnu Kayaknu mettid lag, ig amuppa gotu!” Ag anam aon akkulag. Aɗinu ag anam akkulag? Yawenu ɗo nai am Sion appanu aha, tuala gokku. Yo, Yawenu nai Jerusalem appanu aha gokku.

Esekiel 47:1

Aria, danab amu nug anam da amelppa ana, nug eɗua, da omaiɗa, Kayaknu mettid lag odppa ukke, da neekki, le laa Kayaknu mettid lag od ukku, laih kaɗag uɗitteppanu, amu waappanu noa ugekke anidmi. Amu le amu Kayaknu mettid lag, amuppanu aam bedeppa, appa ugakka, qaɗab laih yau uɗitteppanu qe-eɗitta, aam bedeppa, appa wana ukkom. Le amu Kayaknu mettid lag, amuppanu kaɗag uɗitteppanu, appa ukkomnu diig am, Kayaknu mettid lag noob am kaɗag uɗitteppanu daatte.

Esekiel 19:14

Gadon, anam daye, muɗi amu eppeg okkai laappanu aab aha, muɗi amu meu aakku he, iitta meum. Gadon, muɗi amuppa eppeg laippu laa, kingnu qakun daakkunu laa ii daatte, eppeg oh am gai-iitta.” Yawe Nug Esekiel nai amu mettom. Amu nai amuam nai oo doyak ele, amu laa nug Israelnu oo doyak dookku dayeb, nug nai imu edakkun daatte.

Aisaia 2:3

Danab ah huu kuɗumnabppanu geha ag ahan uɗin, akka akka mattin akkulag. “Yawe Nug nuhig ib ig ippunigkkunu, ig nuhig ib dim lamidkkunignu amu, doppeg, ig Yawenu qaukoppa tetu! Ao, ig Jakopnu Kayaknu mettid lag, ig amuppa gotu!” aon akkulag. Aɗinu ag anam akkulag? Yawenu ɗo nai am Sion appanu aha, tuala gokku. Yo, Yawenu nai Jerusalem appanu aha gokku.

Sam 72:8

Nug danab ah oh, wan yu laih laih gamagppa daatteb amu, nug ag oh, ahilag king daakku. Ao, nug Yupretis leppan digma ukka, wan batakppan ele, nug amu dilag king daakku.

Eksodas 8:5

Aria, Yawe Nug Moses amegppa aum. “Na Aron amegppa appe, nug eppeg awa, attan humeb teeb, dudqak hokkat nuhig amu attan aɗa, amuppa nug le, lenag, le ameg ele epponatta ukkeb, og ag bena, Isip wan ambeig!” awa aum.

Maika 7:14

O Yawe, sipsip gumak danab nug dudqak hokkat nuhigppa nuhikkud sipsip gumadtte, amubia na nahipad danab ah gumadkkutnu ool daatte. Nahipad danab ah ag am sipsip nahipad, na aut bia daatteb. Ag sipsip piɗe atuppa daattebbia daatteb, amge atu amu oh daug daug amu, wan gikkiɗah enanag ele daatte amunu, na heppe, ag wan ena Basan, am wan ena laa Gileat, ag aguppa, anukka daan oittappig bia hekkulagnu oɗ medattem.

Eksodas 7:19

Amu geha Yawe Nug Moses amegppa inam aum. “Na ⌊Paro amegppa anam awona, na⌋ Aron amegppa appe, nug dudqak hokkat nuhig amu awa, Isip le okkai oh, le nag oh, le ameg oh ele, amu epponattaɗ! Nug anam heeb, le amu oh eɗun, tiig daaglag. Le amu tiig eɗuglag amu, haen amuppa Isip oh dilagppa le tappiɗ, adppa hoippigppa daatte, am nippud menppa heppigppa daatte ele, le amu oh ele eɗun, tiigib daaglag.” Yawe Nug Moses amegppa anam aum.