Sam 109:16 - Nobonob Baibel

¹⁶ Aɗinu na anam hekkutnu ool daatte? Amuam nug oo mauhaknab kobol nakok laa ii dim lamittom. Nug danab ah uug waappa daappig, daɗek danab ah, amu danab ah ag oo doyak okkainab dooppig ele, nug ahilag mauhak haen iittappa mauhkkulagnu he mauhppig.

Sam 109:16 Referans Kwoze

Sam 34:18

Yawe Nug laa ag oolagppa guittak okkainab, nau ninig ele dootteb amu, Nug ag gukkuatta daatte. Ao, aun aɗi ag oolagppa, “Da eɗue bau ii daapa,” dootteb ele, Nug ag ehanatte, ag padal ii metteb.

Jems 2:13

Aɗinu? Danab laa nug layagnu oo gai-iitta doya oo metta ehanittak kobol ii dim lamidtte, nug layag eheɗ heumnu nob nau medatte, nug nob nau amu medakkunu ii uutte amu, Kayak Nug danab amu hettoɗiakppa nob nau medakku. Amge danab laa nug layagnu oo gai-iitta doya oo metta ehanidtte, nug hipuninnu nob nau ii medatte amu, nug geha hettoɗiakppa nob nau ii aoma. Oo gai-iitta doya oo metta ehanittak kobol am nob mettak kobol eɗidtte!

Sam 37:14

Am nau hak danab ag daɗek danab, danab ah keekenu tutu mak ele, ag ag aqaglagnu, ag qep elab ahilkad diin, lat ele omanadtteb. Ao, genab tutukku hak danab ah dilagnu amu, nau hak danab ag ag aqaglagnu, ag qep elab diin, lat ele omanadtteb.

Matyu 5:7

Danab aun aɗi ag danab laa dilagnu oo gai-iitta doon oolag mattan ehanadtteb ele amu, ag itittak ena aoppig daatteb. Aɗinu? Dimppa ag eheɗppa daaglag amu, Kayak Nug oo gai-iitta doya oo matta ehanadkku.

Sam 37:32

Danab ag nau hetteb ele, ag genab tutukku hak danab maadna daatteb. Ag aqappeg mauhkkulagnu hetteb.

Sam 10:14

⌊Amge,⌋ O Kayak, na hanhan laa nug layag guittak medatte, na amu anidttem amunu, na ag heppig amu, na anidna malame. ⌊Diig amunu amu,⌋ danab ah bodoettak ag nahipnu oolagppa genab dootteb. ⌊Amu diig amunu ele,⌋ na nid anilkad mamelkad mauhppig ele, na amu dilag aɗ itak daattem.

Sam 10:2

Nau hak danab ag beɗuppa tak kobol nau dim lamidna, ag daɗek danab ah eheɗ hadatteb, amge Yawe Nug heeb, laa ag daɗek dilagnu keeke laa hekkulagnu lokkumakppa doonna, maittak eheɗ aotteb ele, kobol amu eɗua, ahilagppa daakkunu ool daatte.

Genesis 42:21

Ag Josep amegppa anam appig, amge ag akka akka inam madippig. “Ig amanignu anukka eheɗ heut, ig beɗunigppa aab daatte amunu, gemu ig eheɗ hak amunu nob iikku aottem. Haen amuppa nug mauhak uua heehe, ig oo uug naunab doyak nuhig anidmut, amge ig nuhignu oonig ii doye, nuhig nai oo doyak ele ig amenigppa aum elenu dab-ii-memut. Keeke amunu nob gemu ig anidttem,” aon appig.