Sam 109:13 - Nobonob Baibel

¹³ Da na heppe, nug buɗub ag mauhna malaglagnu oɗ medattem. Ag mauhppeg, ag dimulagppa menuak laippu laa doppeg, danab ah amu, ag oolagppa danab amu buɗub laippu laa bau ii daamanu unuqidttem.

Sam 109:13 Referans Kwoze

Prowerb 10:7

Genab tutukku hak danab nug mauhkku amu, dimppa laa ag nug onigppa laa itittak ena medakku; amge nau hak danab mauheb, amu dimugppa, nug onig am beɗakku.

Sam 37:28

Aɗinu? Yawe Nug danab ah ag nai doya mala hettoɗia epeɗia elele mettak kobol hetteb amu, Nug amu dilagnu oo mauhtte. Nug danab ah ag oolag Nug mettan, amu haknu ii uun oitteb amu, Nug ag ii uuadma. Nug am genab tutukku hak danab hanhan atognoadkku, amge nau hak danab ag buɗulkad iitta daaglag.

Job 18:19

Nau hak danab nug buɗub laa, nug laikkud, nug tiig laippu ele amu, buɗub amu, nug amu oolagppa daakkunu laa iitta; nug buɗub laa nug dayomppa ii daatte.

Jeremaia 22:30

Yawe Nug inam atte. “Jehoiakin ⌊nug hipunin tuɗitta hette amunu,⌋ nug nid ele, amge nug bekkod oolagppa laa king ii daama. Jehoiakin nug bau dayaya, nug aɗi keeke ena heeb belo am heeb ii bema. Aɗinu? Nug buɗub laa nug Dawitnu sia kingppa ta, king ii daama. Laa amu nug Juda dilag king ii daama,” awa atte.

Sam 21:10

Na heppe, ag buɗulkad laa wanppa ii daama. Yo, na heppe ag buɗulkad laippu laa danab ah oolagppa ii daama.

1 Samuel 3:13

Ge! Eli bekoɗ aa eheɗ nau heyaya, da noolppa, amu Israel danab noolagppa ele aa danab nau daaeheh, Eli doyom, amge nug aa ii hemayanu aa daulah elele ii batom amunu, da nug amegppa, da nug, amu nug buɗub dilagnu ele oh epeɗiatten, uug madakkulnu ami.

Duteronomi 29:20

Yawe Nug danab ah anamnu amu ena ii doyatta, ahilag hipunin iinab uhuqa mattama. Nug ahilagnu oppoɗi bak, oo aeg bak ele bekku. Eheɗ laa awaknu anak waappa dayaknu nai oh buk imuppa yaak daatteb amu, amu oh ahilagppa neeb, Yawe Nug geha heeb, danab ah amu ag iitta mena autna aoppeg, hab waappa amu, danab laa nug danab ah amu dilagnu baula dab-ii-mema.

Duteronomi 25:19

Ag anam heppig amunu, haen Yawe, ahilag Kayak, haen Nug heeb, ag hik aon ena daaglagnu, wan Nug ag aulag daakkunu madatte, ag amuppa daanna amu, haen amuppa ag banelag gona, Amalek danab ah ag iitta mena autna aoppeg, hab waappa, danab laa nug baula ahilagnu dab-ii-memanu heig! Ag amu hekkulagnu aib daulag atiom.

Duteronomi 9:14

Ag anam daatteb amunu, da geha heppi, danab ah imu ag iitta mena autna aoppeg, hab waappa amu, danab laa nug baula imu dilagnu dab-ii-memanu, na uuppe, da hei! Da anam hein, da heppi, na buɗunppan danab kuɗum daan, ag ɠagattag okkai ele daaglag. Na buɗunad ag danab ah imu gemu daatteb dilag ebqak eɗadna, ɠagattagnab, gemu daatteb dilag ɠagattag eɗattak daaglag,” awa aum.

Namba 27:4

Nug bekka laa iitta, amge diig amunu ig mamenig nug onig, nuhig aab ikki ooppa qettoɗkku am ena iitta amunu, ig mamenignu aab ikki ooppan, nuhigppan ig, na ig nug aug, keeke megakkutnu oɗ medattem,” aon appig.

1 King 16:11

Simri nug king aben awa, nug pahanab Basa baegppan oh aqe mauhppig. Nug Basa baegppan oh, ag danab daappig, ag Basa ele tiig laippu, o Basa laikkudib, nug ag oh aqe mauhppig. Nug amunu danab laippu laa uue ii dayom.

Esta 9:10

Danab amu ag am Haman bekkod 10 aakku. Haman nug am Hamedata bekka. Nug Juda dilag kekeɗ dayom. Juda ag danab aun aɗi ag ahilagnu kekeɗ daanna, aqaglagnu heppig amu, ag danab amu aqappig, amge ahilkad keeke amu ii aoppig.

Job 18:17

Nug amubia nauhe, wanppan danab laa nuhignu ii dabmette; nug onig wanppa ii daatte.

Sam 21:11

Amu nahipad kekeɗ ag ib digdigppa eheɗ nau heidkkulagnu maidkkulag. Ao, ag anam maidkkulag, amge dabmak nau ahilag amu meu ii oma.