Biblia Todo Logo
Bib sou entènèt

- Piblisite -




Sam 108:7 - Nobonob Baibel

7 ⌊O danab ah⌋ Kayak Nug nuhig mettid lag amuppa dayaya, nug aum. “Da Sekem danab eɗatten, da melemel mein, Sekem wan oppatppi, maha maha neeb, ⌊da dahilad danab ah madakkul.⌋ Ao, da oolnu noak Sukot oppatppi, maha maha neeb, ⌊da dahilad danab ah madakkul.⌋

Gade chapit la Kopi




Sam 108:7
13 Referans Kwoze  

Ag Nug ii anidppig, amge ag nuhignu oolag mauhtte. Ag gemu ele Nug ii anidtteb, amge ag nuhignu oolagppa genab dootteb. Ag anam doona, ag ooppa genab doyak ahilkadnu gogppa tak, amuam Kayak eɗua diiadtte, ag amu aotteb amu, ag amu doonna, ag maɗoɗppan gamag ahak binag amahlak oppiaawak ele, danab aun nug amunu elele anaknu elele iitta, ag amu dootteb.


Ig Kayak, Nug am ihinig Naɗi Jesus Kristus Mameg amu, ig Nug binag metu! Aɗinu? Nug ihinignu oo gai-iitta doya oo mekka ehanikkom. Jesus Kristus mauha, eɗua hibaittom, amuppa ig bau menuak mekkom. Nug ig amu mekkom amunu, ig Kayak noobppa bauklel ele daagnignu genab dootta, amunu dabmak aɗat oittem.


Anam amu, da, Naɗi Yawe, da oppiaawak daattem, da amuppa dahil nai ɠagattag qetten, imu genab bekkun daatte attem. ‘Haen laa genab uɗitte amu, kekeɗ ag uɗin, ag Samaria ah nau amu hetteb amu, ag ag aɗualadna, hukppa diin gokkulag. Ao, ag nid ahilkad, danab nug kakai hukppa eeɗtte, ag amubia ag diin gokkulag.


Josua nug Israel dilag huu okkai oh onilagppa e uɗieg, Sekem appa qagmaattom. Qagmaatta, nug ikki danab, danab okkai, epeɗiak danab, amu Israel dilag ehanittak anuqak danab oh onilagppa e uɗin, ag Kayak gumidna wana daappig.


Yawe Nug anam aum amunu, Israel danab ag ii doyaya laa qe mauhomnu ehanattak aab daaglagnu tituanadppig. Aab ag tituanppig ele amu, laa am Galili appa aab Kedes, aab amuam Naptali wanppa, qauko qauko daattebppa dayom. Laa am Sekem. Sekem am Epraim wanppa qauko qauko daattebppa dayom. Laa am Kiriat Arba, onig laa am Hebron. Nug Juda wanppa qauko qauko daattebppa dayom.


Israel dilag huu okkai Manase mahaib, Jodan le heqo laih qaban uɗitteppanu daatte amu, ahilag wan tom am, Aser appa digma ukka, Mikmetat waum. Mikmetat amu Sekemnu laih kaɗag uɗitteppanu daatte. Mikmetatnu amu, tom nug laih yau uɗitteppanu ukka, Entapua guguittak, le qeppuɗia betteppa, danab ah laa ag appa daatteb, appa batom.


Ukke amu, Jakop aha, Sukot ukkom. Ukka, nug laug, amu doɗ dilag lag naunau ele appa hattom. Diig amunu aben amu onig Sukot appig.


Gileat danab ah am dahilad, Manase danab ah, ag ele am dahilad. Epraim danab ah ag am da ikkil guittak aomanu aen hat dahil daatteb, amu Juda danab ah ag am dahil kingnu qakun, ⌊danab ah da am king daattem dooglagnu⌋ daatteb.


Swiv nou:

Piblisite


Piblisite