Sam 107:3 - Nobonob Baibel

³ Nug danab ah wan laala ohppanu eɗua aɗalatta uɗiom amu, ag laa amelagppa anam appeg doyeg! Ao, Nug laa ag laih kaɗag uɗitteppanu, qaban uɗitteppanu, yawalti uɗitteppanu, yau uɗitteppanu ele aɗalatta qagmaattom amu, ag amunu mattieg!

Sam 107:3 Referans Kwoze

Sam 106:47

O Yawe, ihinig Kayak, ig na, na onin am oppiaawak ele, ig na amenppa, “Ena heme,” akkunignu, ge, ig gamag ahak okkai doot, na onin humagnignu, na ehanigppe, ig padal mematanu unuqidttem. Ao, na ehanigppe, ig qagaiettakppa ii daapput, wanppan wan laalappanu qagmeigppe, ig ihinig wanppa daagnignu oɗ medattem.

Revelesen 5:9

Ikki danab 24 ag anam hena, ag ahi bau laa inam edappig. “Na buk itoɗiak amu aona, qataqak oh tolakkutnu ehah ele. Aɗinu? Ag heeg, na mauhme, amu na danab ah huu ohppanu, nai ohppanu, beɗulag iɗu iɗu ohppanu, wanppan wan ohppanu ele na tiinppa hipuninnu qagaiettakppanu eɗua uhuqak hena, Kayak mettame.

Jeremaia 29:14

Ge, ag da anam mattiɗnana, ag da aniɗkkulag. Ag da anam aniɗppeg, da omaladppi, ag wan laa, appan danab ag aɗualatteg, ag ag eppelagppa daatteb amu, da appanu omaladppi, ag eɗun uɗin, wan imuppa daaglag. Da ag wanppan wan oh, da hei, ag gona appa daatteb, da appanu qagmaatten omaladppi, ag wan atu oh, da hei, ag gona diia ukka laih me dayak danab ah daatteb amu, ag appanu eɗun uɗin, iguppa daaglag,” awa atte.

Esekiel 39:27

Da ehanadppi, Israel ag wanppan wan laalappanu eɗun, ahilag wanppa daaglag. Ao, da ag qagmaadppi, ag kekeɗ ahilkad dilag wan anen anenppanu eɗun uɗiglag. ‘Amu haen amuppa, da Yawe, da ag Israel, ahilagppa da am oppiaawak daattem wanppan wan kuɗumppan danab ah ippunadppi anidkkulag.

Esekiel 36:24

Amu Naɗi Yawe Nug inam ele atte. “Da ag Israel, da ag wanppan wan laalappa daattebnu diiadkkul. Ao, da ag Israel ag wan laalappanu qagmatten omalatte, ahilag wanppa eɗue uɗippi, ag ahilag wanppanab daaglag.

Jeremaia 31:10

Danab ah wanppan wan ohppanu ag daulag human, Yawe aɗi atte amu doyeg! Ag doon, amu appeg, danab ah wan laalappa daatteb ag doon autna aoglag. Nug Israel danab ah matatun goppig ele eɗua diia, laippu qagmaadkku, aon appeg doyeg! Yo, Nug sipsip gumak danab laa sipsip nuhikkud dabmadatte bia ag dabmadakku.

Jeremaia 31:8

Antte, Israelnu wan laa, yawalti uɗitteppanu daatte, da appanu Israel danab ah diie uɗikkul. Yo, da ag wan batakppanu diie qagmaadkkul. Danab ah kuɗumnab, ag uɗiglag. Kuɗum laa ag beɗulag ena ele, amge laala ag amelag gaɗuak ele, laala ag baelag mauhak ele, laala ag ah oolkad ele, laala amu, ag ah nid menuadkkulagnu miag daatteb ele oh uɗiglag.

Duteronomi 30:3

Yawe, ahilag Kayak, Nug ag diia, ahilag wanppanab eɗua maadkku. Nug ahilagnu oo gai-iitta doya oo metta ehanittak ha, Nug ag matatuatta, wan laalappa mattom, Nug amuppan eɗua diia, qagmaadkku.

Esekiel 20:34

Da hei, gemu ag wanppan wan laalappa daatteb. Ao, da hei, gemu ag wan digdigppa matatun gona daatteb. Anam, amge da dahil ɠagattag, da ebehil, dahil oppoɗi bak okkai ele, da amuppa omaladppi, ag wan atu digdig amu uuadna, ag appa ii daamna.

Aisaia 56:8

Amu Naɗi Yawe Nug nuhikkud danab ah Israelnu wan laalappan qagmatta, omalatteb, ahilag wanppa uɗiglag ele amu, Nug geha danab ah huu laalappanu ele diia uɗieb, ag laa daaglag, ag amu ele oh daaglag.

Aisaia 49:12

Antteg! Dahilad danab ah ag umanabnu uɗiglag. Laa ag yawalti uɗitteppanu uɗiglag, laa ag qaban uɗitteppanu uɗiglag, laa ag yau uɗitteppanu, Aswan appanu uɗiglag.” Yawe Nug anam atte.

Aisaia 54:7

“Haen tutunab aakkuib da uuatten, laih daami, amge da ool huana matten, ehanatten heppi, ag eɗun dahilppa dokkulag.