Sam 104:9 - Nobonob Baibel

⁹ Anam daye, na yu daakkunu tom makkulme. Le baula wan ii tonama.

Sam 104:9 Referans Kwoze

Jeremaia 5:22

Amu Yawe Nug inam ele atte. “Ag Juda, ag dahilnu ebehilag oh bodoetta iite le mekku? Ao ag da noolppa daanna, ag iite baɗamna? Da yu ihippa, yu tom amu eɗidmanu ihi memi. Ao, yu nug tom amu ii eɗidma, gemu, butti aɗi ele tom anamib aakku daakku. Yu duban nug okkai qekku, amge tom amu loppaɗa, tom laappa ii tema. Ge, yu duban am wagainab meebeb, oqotti huanak okku, amge tom amu ii loppaɗma. Iitta.

Aisaia 54:9

Amu Yawe Nug atte. “Amu dahil dabmakppa, da gemunu keeke am anukka Noa haenppan keeke bia anidttem. Anukka, haen amuppa da dahil nai ɠagattag qetten, da Noa amegppa, ‘Da hei, gu ne, le wan oh tone, wan nauhom amu, da baula leppa anam ii hepa,’ ami amu, amubia da gemu dahil nai ɠagattag qette, ‘Da ag Juda, da baula ahilagnu oo nauhak ii doopa. Da baula bu ii madapa,’ attem.

Job 26:10

Kayak he, yu nuhig tom ii eɗidtte. Ao, am anam dayeb ukkeb, gog tak haenppa batakku.

Sam 33:7

Nug yuppan le oh yu daakkunu aben laippu qagmeum daatte. Yo, Nug yuppan le oh aben laippu yu daakkunu qagmeum daatte.