Sam 104:21 - Nobonob Baibel

²¹ Laion bau ag ee aoglagnu oinna, ag doɗ laa qekkulagnu gukkuidna wanana, ag gaatteb. Ao, ag Kayak ehanatteb, ahilkad ee aoglagnu oitteb.

Sam 104:21 Referans Kwoze

Job 38:39

Laion nakkud ag teɗppa ee aon lakkulagnu daaegeg, o iitta, ag aben ad naunau keeke huana daattebppa ee aon lakkulagnu lokkumna daaegeg, diig amunu na anilagnu doɗnu makkaɗna oittemte? Ge, diig amunu na nakkud amu dilag ee aon madattemte?

Joel 1:20

Doɗ manan agib uug ii dootteb. Iitta. Doɗ dakkuɗ ele ag uug doon, nahip ehanittaknu gaatteb. Aɗinu? Le oh qaɗaiettom, gikkiɗahnu dad okkai ooppa, gikkiɗah amu ele aam he bunaɗom.

Sam 34:10

Am laion bau ag haen laala enug aqadtte, amge aun aɗi ag Yawe anidna dim lamidkkulagnu Nug maditteb amu, ag keeke ena laanu tutu ii memana.

Joel 2:22

Doɗ dakkuɗ, ag ele aib baɗappig. Aɗinu? Gikkiɗahnu dadppa gikkiɗah bau digma bette. Laa amu, ad meu otteb ele amu, aakku meu otteb; ad fig, am muɗi grep aa meu ottep.

Amos 3:4

Laion nug doɗ laa qa lakkunu oiyaya, nug doɗ laa ad qataiettak daattebppa ii antta dayaya, gayak okkai hettete? Iitta! Laion bau nug ele appidppa doɗ laa lakkunu ii qa dayaya, nug liɗimttete? Iitta!

Joel 1:18

⌊Gadon,⌋ makau ag gaanna daatteb. Ag ee iitta amunu, ag aben laippu ii daatteb; qinonob oiyakib oitteb. ⌊Gadonnab,⌋ sipsip ag ⌊gikkiɗah tutunab lanaknu elele, amge gikkiɗah anam ele ii daatte amunu,⌋ ag ele eenu guittak dootteb.

Aisaia 31:4

⌊Amuam genab bekku.⌋ Aɗinu? Yawe Nug da amelppa inam aum. “Laion nug doɗ laa qe mauhe, nug liɗimama guma daatte. Ao, laion bau nug doɗ laa qe mauhe, nug liɗimama guma daatte. Anam amu, sipsip gumak danab ameg okkai ag qagmena lamidkkulagnu muttub okkai qettebtai, amge laion amu nug amunu ii dabmette. Ag huanaknab enana, muttub naɗi qettebtai, amge laion nug ii baɗatte. Ao, ag oqotti digdig heegeg, oqotti ottetai, amge laion amu nug uug laa ii dootte. Laion nug anambia hette amu, ⌊amubia da kekeɗ dahilad ii baɗadpa; ahilag hak ele ii dabmepa⌋,” awa aum. Yawe Nukka Ɠagattag Oh Ele, Nug na, Sion qaukoppa dayebeb, nuhikkud kekeɗ ele ban hekkulagnu daakku.

Sam 147:9

Nugib doɗ ee madatte. Ao, haen alɗal nalkad ele ag eenu enug aqe gaaeg amu, Nug ee madatte.

Sam 145:15

Keeke oh ag bauklel daatteb, ag na ee madakkutnu neegna daatteb. Ag na neekittegeg, na ee mattak haenppa amu, na ag ee madattem.

Job 38:41

Laa amu, ai alɗal anig, haen nug nakkud ag da Kayak, da dookkulnu, ag eenu gaan, ee iittanu beɗulkad gai-iitta daatteb amu, aun nug ee ag anilag medatte?