Sam 103:6 - Nobonob Baibel

⁶ Yawe Nug danab ah ag ɠagattag iitta oh, danab laa ag eheɗ hadatteb ele amu, Nug ahilagnu uɗat genab tutukku ha, nai doya mala hettoɗia epeɗia elele mettak kobolppa ehanadtte, amu amuppa ag ena daatteb.

Sam 103:6 Referans Kwoze

Sam 12:5

Amu Yawe Nug atte. “Danab ah ag laa gai-iitta daaegeg, ag ag eheɗ hadatteb amu, da anadttem. Ao, daɗek ele ag aeqagatteb amu, da doottem. Anam daatte amunu, gemu amu, da ehanadppi qagaiettakppa ii daamnanu ahakkul. Ao, laa ag gai-iitta daatteb, daɗek daatteb ele amu, laa ag ahilagnu nai nau mattin, nau hattaglagnu dabmetteb ele amu, da gai-iitta daatteb, daɗek daatteb ele ehanadppi, ag uug amuppa ii daamna,” awa atte.

Sam 9:9

Danab ag laa waalkadppa eheɗ daatteb ele amu, Yawe Nug ahilag padal mak eɗitteb ena dayaknu ehanittak, ag nuhigppa daaglagnu daatte. Ao, Nug am uug doyak haenppa ahilag ban haknu aben ɠagattag bia daatte.

Sam 72:12

Ag anam hekkulagnu diig am, daɗek ag nug unuqidppeg, nug ag ehanatteb, qagaiettakppa ii daamna. Ao, laa ag laa eppelagppa daatteb, auntai laa ehanadkku iitta ele amu, ag nug unuqidppeg, nug ag ehanadkku.

Sam 146:7

Yawe Nug danab ag ɠagattag iitta daan, laa ɠagattag ele waappa daaegeg eheɗ hadatteb ele amu, Nug ag ehanadtte. Nug danab ah ag enug daatteb, Nug ag ee madatte. Yawe Nug danab ag ⌊eheɗ laa ii heppig, amge ag⌋ maniguittakppa daatteb amu, Nug ag uhuqadtte.

Prowerb 14:31

Danab nug daɗek dilag eheɗ hadatte amu, nug laa Nug nug heum ele, nug nuhignu, “Keeke hamunab,” aakku dootte; amge aun nug daɗek ehanadtte, nug kobol amuppa Kayak binag mette.

Jems 2:6

Amge ag, da nai imu ahilagnu yaattem ele amu, ag daɗek danab heeg uɗalag nette. Ag dootteb, danab enulag ele ag heeg, ag Kristen ag aakku uug anidtteb. Danab enulag ele ag aakku eeɗatteg, hettoɗiak abenppa watteb.

Sam 109:31

Da anam hekkulnu diig am, laa ag daɗek danab mauhkkunu aegeg, Yawe Nug daɗek danab laa heqoppa hibaitta dayaya, padal memananu ehanadtte.

Esekiel 22:7

Jerusalem danab ah, ag oolagppan laa ag mamelkad anilkad dilagnu, “Keeke hamunab,” dootteb. Ag oolagppan laa ag wan laihnu danab eheɗ hadatteb, amu laa ag ag nid mamelkad iitta ele eheɗ hattana, ag ah qab ele eheɗ hadatteb.

Sam 72:4

King nug daɗek danab ah hettoɗiakppa ehanadkku. Ao, nug nid naunau ag anilkad mamelkad keekenu tutu meppig daatteb amu, nug ag ehanatteb, qagaiettakppa ii daamna. Ge, nug laa ag daɗek eheɗ hadatteb ele, nug ag tappalatteb nokkulag.

Prowerb 23:10

Na wannu tom epponak men anukka mak amu aib mautppe, laih waum. Ge, na nid naunau mamelkad mauhppig ele, na ahilag wan daug laih adekku aib yab aome.

Sam 35:10

Yawe, da na binan meul ohppa ele hume akkul, “Yawe, auntai na bia laal iitta. Na danab ag ɠagattag iitta ele ehanatte, ag danab ɠagattag ele amu, ag ag eppelagppa ii daatteb. Ao, na he, laa ag daɗek danab, danab ah keekenu tutu mak ele, ag amu dilag keeke yab aoglagnu hetteb amu, na he, ag amu hekkulagnu elele iitta daatteb. Daɗek amu ag laa eppelagppa ii daatteb.”

Luk 14:22

Nug anam a am dimppa maɗi nid nug nuhig okkai amegppa aum. ‘Naɗi, da na ame amu dim lamitten hein malami, amge balal laa oh am-ii-beum,’ awa aum.