Sam 103:21 - Nobonob Baibel

²¹ Ag hab daup nuhikkud oh, ag Yawe binag meig! Ao, laa oh ag nuhig maɗi nid daan, nuhig dabmak awakppa Nug ag aɗi hekkulagnu atte amu, ag Nug binag meig!

Sam 103:21 Referans Kwoze

1 King 22:19

Ahap nug Jehosapat amegppa anam a amu, Mikaia nug nai amu tuɗitta, nug aum. “Na daut human daappe, geha da Yawenu nai appi doye! Yawe Nug sia king nuhigppa dayeye, nuhikkud engel hab aabppa daatteb oh ag Nug talilidna, naɗiap-ppa nanehppa ele hippaidna daaegeg anadmi.

Luk 2:13

Engel nug amelagppa ana male, pahanab Kayaknu engel kuɗum hab aabppanu neeg, moitan daanna, ahi ettana appig.

Sam 104:4

Nug he, ulah am nuhig nai awa ukkak danab daatteb. Ao, Nug he, amemɗi am nuhikkud maɗi nid daatteb.

Nehemaia 9:6

Ag nai amu ana malaeg, ⌊Esra aha, inam Yawe unuqittom.⌋ “Na nakka am Yawe. Na hab, hab waappa, hab attan ukke ukke, adekku batatte ele, na amu oh hattame. Na habppan hoɗopai oh, wan, wanppa aɗi aɗi keeke daatte, yu, yuppan keeke oh ele hattame. Na keeke oh bau daatteb ele bau madattem. Hab aabppan daup, ag kuɗumnab ele, ag oh na noomppa dup nona binan metteb.

Hibru 1:14

Nug engel laa amegppa anam ii aum. Iitta! Engel ag am ouɗi, ag am Kayaknu uɗat hetteb. Kayak Nug ag gona, danab ⌊ag Jesusnu oolagppa genab dooppig amunu,⌋ ag Padal ii maknu ehanittak aoglagnu daatteb ehanadkkulagnu maatte gotteb.

Josua 5:14

Josua nug anam oɗ mette amu, danab amu nug nob ma aum. “Da ahilagnu laa iitta; da kekeɗ dilagnu laa ele iitta. Aɗinu? Da Yawenu ban daup ikki daattem,” awa aum. Nug anam a amu, Josua laippun gateg qaun o, gomela, iɗu wanppa ma, nug aum. “Da amu nahip maɗi nid laa. O naɗi, na da aɗi nahip hekkulnu oot daatte?” awa aum.

Genesis 32:2

Uɗa teeg anatta, Jakop nug aum. “Imuam Kayaknu daup,” awa aum. Nug anam anana, nug aben amu onig Mahanaim ataɗom.

Matyu 13:41

Danab Bekkalag da, da dahilad engel heppi, ag gona, danab Kayaknu ɗo maɗoɗ ooppa daatteb ele, ag oolagppanu wannu etetuab nau, ig eeɗigtteb ele, amu oh amu aria danab ag kobol eheɗ hetteb ele, ag qagmaadna diin,

Sam 68:17

Kayak Nug bannu karis huanaknab ele; bannu karis amuam ebqaknu elele iitta. Naɗi Nug bannu karis amu oh Sinai qaukoppanu diie, ele uɗin, Nug nuhig mettid lag ooppa noum.

Sam 33:6

Yawe Nug a, hab beum daatte. Nug oɗeppa nai mattieye, hoɗopai keeke beppig daatteb.

2 Stori 18:18

Ahap nug Jehosapat amegppa anam a amu, Mikaia nug nai amu tuɗitta nug aum. “Na daut human daappe, geha da Yawenu nai appi doye! Yawe Nug sia king nuhigppa dayeye, nuhikkud engel daup hab aabppa daatteb oh ag Nug naɗiap-ppa nanehppa ele hippaidna daaegeg anadmi.