Sam 103:13 - Nobonob Baibel

¹³ Nug am nid mamelag nug nid naunau dilag oo gai-iitta doya oo matta ehanadtte, amubia Yawe Nug danab ah ag nuhignu ebehilag oh bodoetta le mette ele, Nug amu dilagnu oo gai-iitta doya oo matta ehanadtte.

Sam 103:13 Referans Kwoze

Jeremaia 31:20

Ag anam atteb, amge Israel danab ah ag am da bekkalad, da ahilagnu oo doyaknab iite doottem? Da ahilagnu ool huana iite mauhtte? Da ahilag eheɗ haknu dabmein, bu madakkulnu haen kuɗum attem, amge da amu heinne, da ahilagnu dabmettem, ahilagnu daul ii atitte. Da amu hettem amunu, da ag ele laippu daagnignu ool naɗi daatte. Da ahilagnu ool doyeb, ool matten ehanadkkul.” Yawe Nug anam awa atte.

Sam 103:17

Amge Yawe Nug danab ah ag nuhignu ebehilag oh bodoetta le mette ele dilagnu oo mauhaknab tuqa ii awawa, hanhan anamib haaha daatte. Ao, Nug ahilagnu anam oo mauhe, Nug ag alalkad dilagnu, Nug genab tutukku hak kobolnu dabmaama, dim lamidtte.

Jeremaia 31:9

Ag gaanna uɗiglag. Yo, ag unuqiɗppeppeg, da omladppi eɗun uɗiglag. Da ag le daugppa noolag awe anuqe goppi gokkunig. Yo, da ag ib laa tutukku, ib ena, baelag ii qekkulag eleppa omaladkkul. Aɗinu? Da Israel mameg daattem; Israel nug am dahil nid danab tatamnu daatte.” Yawe Nug anam awa atte.

Malakai 4:2

Amge ag danab ah ag dahilnu ebehilag oh bodoetta le mette amu, Laa onig Genab Tutukku Hak Kobolnu Amahlak Naɗi, Nug haugppa ehanittak daatte amu, Nug ag ehanadkku. Nug anam heeb, ag geha gamalag huanaknab ahakku; makau nag ag ahilag aɗ ooppanu gikkiɗah lakkulagnu dimittim dona, gamag ahakppa oolna tena, oolna netteb bia ag gamalag ahakku.

Sam 147:11

Yawe Nug hosnu ɠagattag, o danabnu ɠagattag, Nug amunu gamag ahak ii dootte. Iitta. Nug laa ag nuhignu ebehilag oh bodoetta le mette ele, Nug amu dilagnu enanagnab dootte. Ao, laa ag Nug ahilagnu oo mauhaknab dootteb, ag nuhig kobol dabmenan daanna, ag amuppa ehanittak aon, gogppa tekkulagnu ameg metteb ele amu, Nug amu dilagnu enanagnab dootte.

Matyu 6:32

Amuam iitta aɗi ag keeke amu ohnu hik aqadtte, amge ag dahilad amu, ag Mamelag, hab attan daatte, Nug ag keeke amu oh aoglagnu dootte.

Sam 103:11

Aɗinu? Nug danab ag nuhignu ebehilag oh bodoetta le mette ele, Nug amu dilagnu oo mauhaknab dootte. Oo mauhaknab kobol nuhig am okkai; am lomppanu wanppa noak, okkainab amubia daatte.

Aposel 13:26

O lailad, ag laala Abraham buɗubppan danab, amu ag laala iitta aɗi danab ag Kayaknu ebehilag oh bodoetta le mette amu, ag oh doyeg! Kayak Nug danab eɗua diiadkkunu aum amu, Nug ig oh, ihinignu aum.

Jon 20:17

Nug anam a amu, Jesus aum. “Na da aib aɗailme, da Mame toppa ii gomi. Amge na da oɗel aona, da lailad gumadna gona, amelagppa inam a! ‘Da, da Mamel, Nug am ag Mamelag ele, da dahil Kayak, Nug am ahilag Kayak ele, da Nug gumitte gottem,’ ” awa aum.

Matyu 6:9

Am anam amunu, ag inam unuqitteg! ‘Ig Mamenig, na hab attan daattem. Na heppe, ig danab oh ig na onin am oppiaawak daatte dootu!

Duteronomi 3:5

Aab okkai amu oh ig nuhigppanu aomut ele amu, aab okkai amu oh am aab ɠagattag aɗ ele, ahilag aɗ am attannab, amu aɗppan od oɗeppa amu, od manak qaknu keeke ele daappig. Amu ig aab naunau kuɗum aɗ ii hattak ele, amu ele haen amuppaib diimut.

Namba 11:12

Na, na onin aon, amuppa nahip nai ɠagattag qettan, danab ah imu mamelkad aɗi Kanan wan madakkutnu ame. Amge danab ah imu oh da ii hattami; da ii menuadmi. Da amu ii hemi amunu, na da ag dabmatte, atognoatte aute awewe, wan na amenu, appa omalatten gokkulnu ame amu, da amunu diig ii doottem.

Lewitikas 26:44

Amge ag kekeɗ wanelagppa daappeg, da ag dimattena, ahilagnu ena iinab doyeye heppi, ag iitta ii memana. Iitta. Ag diia ukka laih me dayak danab ah daan, haen ag ahilkad kekeɗ dilag wanppa daappeg amu, da hei, da ag ele nug tituana nai qakkak hemut am ii tippalpa. Da anam helom amu, da ag ohnab aqalom, amge da anam ii hepa. Aɗinu? Da am Yawe, ahilag Kayak.