Sam 103:11 - Nobonob Baibel

¹¹ Aɗinu? Nug danab ag nuhignu ebehilag oh bodoetta le mette ele, Nug amu dilagnu oo mauhaknab dootte. Oo mauhaknab kobol nuhig am okkai; am lomppanu wanppa noak, okkainab amubia daatte.

Sam 103:11 Referans Kwoze

Sam 57:10

Da amu hekkulnu diig am inam. Keeke laa elabnab habppa tak daakku dayeb amu, keeke amuam keeke okkainab, nahip oo mauhaknab kobol bia. Ao, keeke laa ikki ta, hab yaakku dayeb amu, keeke amuam keeke okkainab, nahip oo metta ii uuak kobol bia.

Luk 1:50

Buɗub buɗub doobob, Nug danab ag nuhignu ebehilag oh bodoetta le mette, Nug amu dilagnu oo gai-iitta doya oo metta ehanadtte.

Sam 103:17

Amge Yawe Nug danab ah ag nuhignu ebehilag oh bodoetta le mette ele dilagnu oo mauhaknab tuqa ii awawa, hanhan anamib haaha daatte. Ao, Nug ahilagnu anam oo mauhe, Nug ag alalkad dilagnu, Nug genab tutukku hak kobolnu dabmaama, dim lamidtte.

Sam 36:5

O Yawe, nahip oo mauhaknab kobol am naɗinab. Keeke laa attannab lomppa tette ele, am amu eɗittak, naɗinab daatte. Ao, oo metta ii uuak kobol nahip am naɗinab. Amuam keeke laa ta, lombig ooppanab gotte, am amubia daatte.

Prowerb 25:3

Danab auntai laa nug habppa taknu, o wan unuqag noaknu, nug amunu uma ukkak gane melemel mekkunu elele iitta; amubia danab auntai laa nug kingnu dabmak oh anidkkunu elele iitta.

Aisaia 55:9

Laa amu, hab wan eɗitta, attannab daatte, amubia dahil hak am hak ahilag eɗidtte; dahil dabmak ele ahilag dabmak anam eɗidtte.

Sam 89:2

Aɗinu? Nahip oo mauhaknab kobol am ɠagattagnab hanhan daatte. Ao, nahip oo metta ii uuak kobol, amuam hab ɠagattag daatte, ɠagattag anambia daatte.

Job 22:12

Amu Kayak Nug hab attan iite daatte? Ao, Nug hoɗoppai attannab, aben amu eɗittak, attannab daatte ⌊amunu Nug keeke oh wanppa bette anidtte⌋.

Sam 31:20

Na amu, na am nahipad danab ah dilagnu lokkumak aben bia daattem; na ag nakka nahip-ppa lokkumatte daatteb. Na anam hena, kobol amuppa na danab nau ag nahipad danab ah eheɗ hattamananu maittak aotteb amu, na ib oo nettem. Yo, danab ah nahipad dilagnu amu, na daattemppa maatte daaegeg, kekeɗ ahilkad hattappeg nauhkkulagnu nai maditteb amu, na nai ahilag amu qee nette.

Sam 117:2

Ag amu hekkulagnu diig am, Nug ihinignu oo mauhaknab okkai dootte. Yawenu oo metta ii uuak kobol ii iitta mette. Ag Yawe binag meig!