Sam 103:10 - Nobonob Baibel

¹⁰ Haen ig hipunin hemut, hipunin amunu nob nau aakku daatte, amge Nug hipunin amunu nob, Nug amunab ii mekkom. Ge! Haen ig hipunin hemut, hipunin amunu nob nau aakku daatte, amge Nug hipunin amunu nob, Nug amunab, ihinig nob eɗua mettak bia ii mekkom.

Sam 103:10 Referans Kwoze

Esra 9:13

Ag ig amenigppa anam appig, amge ig mamenkad, ig ele, ig nahip nai dim ii lamidmut amunu, uug ihinigppa beum; am ihinig eheɗ hak, diig amunu beum. Ge, ig beɗunigppa aab naɗi dayom amunu, uug amu ihinigppa beum. O Kayak ihinig, ig nau anam heut, na bu eheɗ nau megakkutnu elele, amge na nob aɗae ne, ig oh ii mauhmut; ig laippu laippu oɗo yaak danab iikku daattem.

Gayak Nai 3:22

Keeke ena bekkunu dabmak aɗa oiyak amu, amuam Yawe Nug ihinignu oo mauhaknab dootte amunu, ig padal meta autta ii aottem. Ge, oo gai-iitta doya oo metta ehanittak kobol nuhig ii iitta mette, diig amunu ig padal meta, autta ii aottem.

Sam 130:3

O Yawe, na ig danab, na ig ihinig hipunin nahip dabmakppa mena, aɗan dabmelom amu, ig oonigppa aun nug elele daalo? Ao, O Naɗi, aun nug na noomppa tutukku daalo? Laa iittanab iitta!

Nehemaia 9:31

Amge O Kayak, na oo bodoette enanag maɗoɗ ele hak kobol dim lamidna, na danab ah dilagnu oo gai-iitta doya oo matta ehanittak kobol ele dim lamidttem amunu, na ig mamenkad aɗi dilagnu oot gai-iitta doon oot mattan ehanadna, na hee, ag ii padal meppig; na ag ii uuatte hamu daappig.

Job 11:6

Nug doyak dabmak ena ele ippunitteb anidkkutnu ool daatte. Aɗinu? Nug doyak dabmak ena hambuppuak nakok laa iitta ele. Antte! Kayak Nug na eheɗ hemenu bu medatte amu, bu amuam nakokib. Nahip eheɗ hak am naɗinab.

Habakuk 3:2

O Yawe, da na onin, binan okkai elenu nai doomi. Ao, O Yawe, nahip haknu amu, da dabmein, da ebehil oh bodoetta le mette. Da na nahip hak okkai baula gemu hekkutnu oɗ medattem. Ao, na ihinig haenppa nahip ɠagattag hak baula ippunigkkutnu oɗ medattem. O Yawe, na ihinignu oppoɗin beum daatte, amge na oppoɗin anam dayeye, na oo gai-iitta doya oo metta ehanittak kobol ele dabmekkutnu oɗ medattem.

Job 33:27

Danab Kayak bu amu mettom ele amu, nug eɗua, ena daya, nug laikkud amelagppa atte. ‘Da hipunin hemi. Da aɗi kobol am tutukku doomi, amge da uuen, eheɗ hein, da nob nau awen mauhkkulnu daami, amge Kayak ehaniɗe, da ii mauhmi.